VaLoma 2:12 - ULufingwi uLupwa

¹² Avhantu vhe te Vhayuuda vhe vhakuvhomba uvhutalamalandu vhaliilovha ishisita kulongwa ni ndajizyo izya Moose. Vhoope aVhayuuda vhe vhazimanyile indajizyo izyo, inga vhakuvhomba uvhutalamalandu, vhalilongwa kulandatana ni ndajizyo izyo.

Tesitamenti Umupwa 1965

¹² She vonti ve vatazilʼamalandu lwʼinkomelezyo nazimo, ve valitupulwa shisitankomelezyo, havili vonti ve vatazilʼamalandu munkomelezyo ve valilongwa mwe munkomelezyo.

VaLoma 2:12 ပူးပေါင်းရင်းမြစ်များ

Matayi 11:22

Nalyoli nkuvhavhuuzya kuuti, isiku ilya vhulonzi, imwe muliposheela isunde ipiti kuluusya avhantu avha mu nkaaya iya Tiilo ni ya Siidoni!

Matayi 11:24

Nalyoli nkuvhavhuuzya kuuti, isiku ilya vhulonzi, imwe muliposheela isunde ipiti kuluusya avhantu avha mu nkaaya iya Sodooma!”

Yohani 19:11

UYeesu ahamwamula uPilaato ahati, “Utaamile uvhanje na maha naagamo kuli ine, inga uMulungu atakupanje. Pe ishi, umuntu we ambiisile mu nyoovhe zyaho, we ali nu vhutalamalandu uvhupiti kuluusya uvhwaho.”

iMbombo izya Vhatumwa 2:23

Inza vwe uMulungu ámanyile nu kusivhiilila kuvhomba kufuma hali, ahamuleeta uYeesu kuli imwe. Niimwe muhamugoga kwi idala ilya kuvhasonzya avhatalamalandu kuuti vhamuhomeele pa shihovhenkanyo.

VaLoma 1:32

Avhantu ivho vhamanyile ahinza kuuti, inga umuntu avhomba imbombo imbiivhi inza izyo, zilimuleetela uvhufwe uvhwa shiima. Ileelo poosye vhwevhulo, vhatakusaajila izyo! Vhakujendeelela kuvhomba imbiivhi ishisita kwogopa ishintu shonti, havhili vhakwitinkana na vhantu vhe vhakuvhomba imbiivhi izyo.

VaLoma 4:15

mwe pe indajizyo zikuleeta uvhuhalazu uvhwa Mulungu. Ileelo inga indajizyo zitaliipo, pe kutaliipo kushilanya indajizyo.

VaLoma 8:3

Indajizyo izya Moose zitáamile na maha aga kutuvhiiha kuvha swe vhasatushe, mwe pe uvhuntu vhwitu uvhwa vhutalamalandu vhwáposiitwe kuzilandata. Ileelo shiila she indajizyo zyáposiitwe kushivhomba, uMulungu áshivhomvile. Ámutumiliziizye uMwana waakwe wuuyo avhe nu muvhili inza amavhili giitu, ileelo ishisita uvhutalamalandu. Kutuushila umuvhili uwo uMulungu ávhupiiye isunde uvhutalamalandu. Kwi idala ilyo, ahapela aamala amaha aga vhutalamalandu,

1 VaKolinti 9:21

Lwe náali ku vhe vhatazimanyile indajizyo, náali inza umuntu we atazimanyile indajizyo, inga mbaaje vhe vhatali ni ndajizyo vhamwitishe uChilisiti. Kuvhomba vhwevhulo, te kuuti ntali ni ndajizyo pilongolela ilya Mulungu, indi nazyo, mwe pe nkulongolwa ni ndajizyo izya Chilisiti.

VaGalati 3:10

Ileelo vhonti vhe vhakusuuvhila kuvhomba zye zikwanzilwa ni ndajizyo, vhali mu ntipo. Nkuyanga vhwevhulo, mwe pe uVhusimbe uVhufinjile vhukuti, “Umuntu wonti we atakujendeelela kulandata zye zisimviilwe mwi ikalaata ilya ndajizyo, atifiilwe.”

VaGalati 3:22

Ileelo te vwe zili. UVhusimbe uVhufinjile vhukuti, avhantu vhonti vhakulongolwa na maha aga vhutalamalandu. Avhiitisi vheeka vhweleele vhe vhakuvhombelwa ziila zye uMulungu áfinzile, mwe pe vhakumwitiha uYeesu Chilisiti.

Yakobu 2:10

Inga umuntu akulandata indajizyo zyonti izya Mulungu, ileelo aapuvha yooka vhweleele, uMulungu akumuvhaazya kuuti apuvile zyonti.