VaLoma 16:25 - ULufingwi uLupwa

²⁵ Ishi, ashindikwaje uMulungu! Uweene ali na maha aga kuvhagomwa kwi idala ilya Izwi iLyinza ilya Yeesu Chilisiti lye nkukumusya. Izwi ilyo, hali lyáli kukwilu.

Tesitamenti Umupwa 1965

²⁵ Wuyo wʼali namaha aga kuvagomwʼimwe, ukuholana nIvangeli lyane ninongwa zya Yesu Chilisiti, ukuholana nukukupulilwa kwa zya kukwilu zye zyazyihime shima amaha gonti lulwo;

VaLoma 16:25 ပူးပေါင်းရင်းမြစ်များ

Matayi 13:17

Nalyoli nkuvhavhuuzya kuuti, vháliipo avhakuvhwi avhinji na vhantu avhinji avhagolosu vhe vhányonyiilwe kuzilola zye mukuzilola imwe, ileelo vhatázivhwenyi. Havhili vhahanzaga kuzyivwa zye mukuzyivwa imwe, ileelo vhatázyivuuye.”

Matayi 13:35

Izyo zyávhombesile, inga lilunjishe izwi lye umukuvhwi áyanzile átili, “Ndiyanga na vhantu kwi idala ilya viholanyo. Ndivhavhuuzya zye zyázyihiime kufuma ku vhwandilo uvhwa nsi.”

Matayi 20:7

Avheene vhahamwamula vhahati, ‘Mwe pe nuumo we atulambiiye kuvhomba imbombo.’ Pe ahati, ‘Niimwe musogole kuvhomba imbombo mu mugunda waane uwa mampensya.’

iMbombo izya Vhatumwa 20:32

“Ishi nkuvhavhiiha mu nyoovhe izya Mulungu na mu vhulongozi uvhwa izwi ilya vhwila vhwakwe. Izwi ilyo lye likuvhwezya kuvhazenga, nu kuuvhapa uvhupwano vhwe avhavhishiiye avhafinjile.

iMbombo izya Vhatumwa 9:20

Pe ahanda kusogola mu masinagoogi, ahakumusyaga izya Yeesu, ahatinji, “Uyo we Mwana wa Mulungu.”

VaLoma 11:25

Mwe vhamwitu, nkwanza kuuti muzimanye insiivho izya Mulungu izya kukwilu, inga muleshe kuyitumvwa kuuti muli ni njeele. AVhayuuda kuhaana kwavho kwitiha, te kwa havhaliilizyo honti, kuliisila lwe uvhwinji uvhwa vhantu vhe te Vhayuuda vhe vhakumwitiha uChilisiti vhwalunjiha.

VaLoma 14:4

Ishi iwe we naanu we ungamulonga umuvhomvi uwa muntu uwunji? Umwene waakwe we amanyile inga umuvhomvi waakwe avhomvile ahinza, pamo avhomvile havhiivhi. Umuvhomvi uyo alivhombaga inza vwe yikwanzilwa, mwe pe uMwene uYeesu ali na maha aga kumuvhiiha kuuti avhombaje ahinza.

VaLoma 16:24

UMwene wiitu uYeesu Chilisiti avhafwilaje uvhwila imwe mwenti. Amina.

VaLoma 2:16

Vwe ziliivha isiku ilya vhulonzi, lye uMulungu alivhalonga avhantu kwi idala ilya Chilisiti uYeesu, poosye ni nsiivho izya vhuzigizigi. Izwi iLyinza lye nkukumusya vwe likuyanga.

1 VaKolinti 1:23

Ileelo iswe tukumukumusya uChilisiti we áfuuye pa shihovhenkanyo. Intumi iyo aVhayuuda yikuvhapunuzya, havhili ku vhe te Vhayuuda vhwalangani.

1 VaKolinti 2:7

Nkandi uvhushindamu uvhwa njeele uvhu, vhukufuma kwa Mulungu, havhili vhwáli vhwa vhuzigizigi, kwe kuuti vhutávhisiilwe apazelu ku vhantu. UMulungu ávhuvhatisile uvhushindamu uvhwo lwe insi yishiili kupelwa, inga niiswe tuvhe nu vhuliilani nawo mu vhushindamu vhwakwe.

1 VaKolinti 4:1

Avhantu vhatumanyaje iswe kuuti, twe vhavhomvi avha Chilisiti, havhili twe vhimiilizi avha ntumi iya Mulungu iya vhuzigizigi.

2 VaKolinti 4:3

Ileelo inga Izwi iLyinza lye tukulumbiilila litakumanyiha, litakumanyiha ku vhe vhakuteega.

2 VaKolinti 4:5

Nkuyanga vhwevhulo, mwe pe iswe tutakukumusya inongwa zyitu, ileelo tukukumusya kuuti uYeesu Chilisiti we wu Mwene, niiswe twe vhavhomvi vhiinyu kwi idala ilya kumuvhombela uYeesu.

VaGalati 2:2

Násogooye ahavhaliilizyo iho, mwe pe uMulungu ándolesiizye kuuti nsogole. Lwe naafiha, nkatendama na vhalongozi kukwilu, nkavhavhuuzya Izwi iLyinza lye nkavhakumusizyaga vhe te Vhayuuda. Návhomvile vhwevhulo, inga imbombo yaane ye nkuyivhomba yitishilwe, yitahaavhe ya vhweleele.

VaEfeso 1:9

Ahatumanyisya ulukasamo lwakwe ulwa vhuzigizigi, lwe ákasiime kulandatana na vwe yikumuhondezya. Ulukasamo ulwo ásivhiliiye kululolesya kutuushila kwa Mwana waakwe uyo,

VaEfeso 3:11

Ulwo lwe lwáli lukasamo ulwa Mulungu kufuma amanda gonti aga hali. Álulunjisiizye kutuushila imbombo ye uMwene wiitu uChilisiti uYeesu áyivhomvile.

VaEfeso 3:9

UMulungu we Mupezi uwa vintu vwonti, ánsavhuuye kuuti mbalolesye avhantu vhonti ulukasamo lwakwe ulwa vhuzigizigi vwe lukuvhombeha. Ulukasamo ulwo, áluzyisile kukwilu amanda gonti aga hali.

VaEfeso 6:19

Niine vhuulo, mundavhilaje kuuti uMulungu ampe amazwi aga kuyanga, inga mbuvumbule uvhuzigizigi uvhwa Izwi iLyinza ku vhudandamazu.

Kolosi 2:2

Nkuvhomba ishi, inga mwenti amooyo giinyu gagome. Havhili musopenkane pooka ku shikunzi, nu kuvha nu vhumanyi vhwe vhukuuvhapa uvhwanalyoli. Pe mulivhumanya uvhuzigizigi uvhwa Mulungu, kwe kuuti uChilisiti wuuyo.

Kolosi 4:3

Mutulavhilaje niiswe, inga uMulungu atwigulile idala ilya kulumbiilila izwi lyakwe, nu kuvhuvumbula uvhuzigizigi uvhwa Chilisiti. Ine nkunziilwe kuzya kuvhulumbiilila uvhuzigizigi uvhwo.

1 VaTesaloniki 3:13

Havhili avhagomwe amooyo giinyu, inga muvhanje mwe vhafinjile. Muvhanje ishisita ulukwinkwino pilongolela ilya Taata wiitu uMulungu, lwe akwinza uMwene wiitu uYeesu pooka na vhafinjile vhaakwe vhonti. Amina!

2 VaTesaloniki 2:14

UMulungu ahavhiita, inga muposheele uvhuposhi uvhwo kwi idala ilya Izwi iLyinza lye twálumbiliiye kuli imwe. Pe muvhanje mu vhushindamu uvhwa Mwene wiitu uYeesu Chilisiti.

2 VaTesaloniki 3:3

Ileelo uMwene uYeesu mutungamu, uweene alivhagomwa imwe nu kuvhaguulila kwa Muvhiivhi ula.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

2 Timoti 2:8

Umukumbuhaje uYeesu Chilisiti we ázyusile, uwa mu luho ulwa mwene Daavhudi, inza vwe likuyanga Izwi iLyinza lye nkulumbiilila.

uTiiti 1:2

Kuli izyo, vhakuvha nu vhulanzi uvhwa shiima, mwe pe uMulungu áfinzile kuutupa uvhulanzi uvhwo kufuma lwe insi yishiili kupelwa, nu Mulungu atakuluma ilenga.

VaHebuli 7:25

Kuli izyo, uweene ali na maha aga kuvhapoha nziila vhaala vhe vhakusogola kwa Mulungu kutuushila ku kwakwe. Havhili, mwe pe uweene mulanzi shiima, akuvhalaavhila ahavhaliilizyo honti.

1 Peteli 1:20

UMulungu ámusavhuuye uChilisiti uyo kufuma ku vhwandilo lwe insi yishiili kupelwa, ileelo ahaguliilila kufishila insiku izi izya kumpeleela. Pe ahamulolesya apazelu ku vhantu vhonti ku zyinyu.

1 Peteli 5:10

Ileelo lwe mwayimba ku havhaliilizyo hansi, uMulungu alivhasengaanya nu kuvhasuvhaalizya nu kuuvhapa amaha nu kuvhaavwa kuvha nu lwalo ulwa maha mu lwitiho lwinyu. Uweene wu Mulungu uwa vhwila mu zyonti, ávhiisite kutuushila kwa Chilisiti uYeesu, kuuti mwinjile mu vhushindamu vhwakwe uvhwa shiima.

Ishitushizya 10:7

Ileelo mu manda igo lwe uhavhizya uwa 7 apalamila kuhoma isaji lyakwe, uluvhaatiho ulwa vhuzigizigi ulwa Mulungu lulilunjiha. Lulilunjiha inza vwe ávhalumbiliiye avhavhomvi vhaakwe avhakuvhwi.”