VaLoma 16:18 - ULufingwi uLupwa

¹⁸ Nalyoli avhantu inza ivho vhatakumuvhombela uMwene wiitu uChilisiti, vhakuvhomba ku nsiivho iya kulondola ivintu ivwa kulya vhuuvho. Ku vhuhopenkanyi vhwavho, vhakuyanga amazwi aminza aga kuvhahondezya, fwandi vhakuvhahopenkanya avhantu avha lwitiho uluyeyevhazu.

Tesitamenti Umupwa 1965

¹⁸ Shʼavantu vanava vatakumuvombelʼuChilisiti uMwene witu, nkandi vwe vula vwavo vweka vwe vakuvuvombela. Mumazwi ga ntembwele namunjangʼinyinza vakuvahopʼavantu ve vatakusivʼizya mbivi.

VaLoma 16:18 ပူးပေါင်းရင်းမြစ်များ

Matayi 24:11

Havhili avhakuvhwi avhinji avha ilenga vhalifumila, vhoope vhalivhahopenkanya avhantu avhinji.

Matayi 24:24

Yeenya, vhalifumila avhantu vhe vhakuluma ilenga kuuti, ine ne Chilisiti nu kuuti ne mukuvhwi. Vhalivhomba ivilolesyo ivipiti havhili ivwa kusukumizya, inga vhavhahopenkanye avhantu, inga zingavha poosye na vhasaavhulwa avha Mulungu.

Matayi 6:24

“Ataliipo we angavhavhombela avhamwene vhavhili ku havhaliilizyo hooka. Yeenya, lwe akumukunda umwene wooka, akuvha akumuviitilwa uwamwavho, havhili lwe akuyifumwa nkaani kumuvhombela umwene wooka akuvha akumusuufwa uwamwavho. Inga ivwuma vikuvhakonzya, mutangamuvhombela uMulungu.”

Matayi 7:15

“Muvhanje minso na vhakuvhwi avha ilenga, mwe pe lwe vhakuvhinzila, vhakuyivhiiha ngati ngʼonzi. Ileelo mu mooyo gaavho vhali ngati mpumpi.

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

VaLoma 14:18

We akumuvhombela uChilisiti inza vhwevhulo, akumuhondezya uMulungu, havhili akwitishilwa na vhantu.

VaLoma 16:19

Avhantu vhonti vhivuuye kuuti imwe mulilemile ahinza izwi ilya Mulungu. Izyo zikumbiiha kuuti nseshele nkaani, ileelo nkwanza kuuti muvhe nu vhushindamu uvhwa njeele ku mbombo inyinza, havhili mutakweswaje ni mbiivhi.

2 VaKolinti 11:3

Ileelo ishi nkwogopa kuuti inza uEeva vwe áhopeliilwe ni njoha yiila, niimwe mutahinze muhopelwe, muvhuleshe uvhugolosu na mooyo giinyu amazelu kwa Chilisiti.

2 VaKolinti 2:17

Iswe tutali inza avhantu avhinji vhe vhalivhiisile izwi ilya Mulungu ngati shintu sha kulyajila ilonka. Ileelo ku maha aga Chilisiti, tukukumusya izwi ilyo ku vhugolosu vhwonti, nu Mulungu amanyile, mwe pe we atusonteleziizye.

2 VaKolinti 4:2

Tuhaanile nziila kuvhomba izya kukwilu izya nsoni, poosye kuvhahopenkanya avhantu, poosye kusangaanya izwi ilya Mulungu ni ilenga. Ileelo tukuyanga uvhwanalyoli apazelu, inga avhantu vhonti vhamanyaje mu mooyo gaavho kuuti twe vha nalyoli pilongolela ilya Mulungu.

VaGalati 1:10

Ishi vhuli, mukusiivha kuuti nkwanza kukundwa na vhantu? Ndaali, nkwanza kukundwa nu Mulungu weeka vhweleele! Inga nanzaga kukundwa na vhantu, ine nkandi te ne muzya wa Chilisiti.

Filipi 2:21

Avhamwavho vhonti, vhakusaajila zye zyavho, vhatakusaajila zye uYeesu Chilisiti akwanza.

Filipi 3:19

Vhalisilila kulovha. Avhalugu ivho, impapilo zyavho we wu mulungu waavho. Vhakuyitumvwa ku nongwa zye zingavhasuupizya, havhili vhakusiivha izya mu nsi umu.

Kolosi 2:4

Nkuvhasimbila izyo, inga mutahiitishe kuuti umuntu wonti avhahopenkanye ku mazwi aga kuvhakundiilizya.

Kolosi 3:24

Mukumbushe kuuti uMwene aliivhapa ishipeelwa she vhupwano vhwinyu. UMwene we mukumuvhombela we wu Chilisiti.

2 VaTesaloniki 2:10

Havhili alivhahopenkanya ku mavhiila na mavhiila vhonti vhe vhali mwi idala ilya kupuvha, mwe pe vhatítisile kusungwa uvhwanalyoli inga vhaposheele uvhuposhi.

1 Timoti 6:5

nu kudalinkana na vhamwavho shiima. Avhantu ivho zye vhakusiivha, mbiivhi, vhatali nu vhwanalyoli. Vhakusiivha kuuti kuvha nu lujendo ulwinza pilongolela ilya Mulungu lye lidala ilya kulyaga ilonka.

Yakobu 1:1

Ukalaata uno nsimvile neene ne Yaakobu, ne muvhomvi uwa Mulungu nu wa Mwene uYeesu Chilisiti. Nkuvhalamuha imwe mwe Vhayuuda mwenti mwe vha nkolo 12, mwe musaasite mu nsi izya mavhiila mu mavhiila.

2 Peteli 2:3

Avhasambiilizi avha ilenga ivho, ku mpapilo zyavho vhalivhavhuzyaga ivwili ivwa ilenga, inga muvhapanje ivintu vwinyu. Ileelo kufuma hali uMulungu ayisengiinye kuvhalonga, havhili akuzilola zye vhakuvhomba. Alivhalovwa naluvhiilo!

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.

uYuuda 1:12

Avhantu ivha vhakunanganya lwe vhakulya pooka niimwe pa mulyo uwa shikunzi, vhakulya vheeka ishisita insoni. Havhili vhali inza amavhingo ge gatali ni mvula, ge inkungu yikugapempenusya. Vhali inza amakwi ge gatali na mantonongwa ahavhaliilizyo aha mvuno, ge gafuuye nziila nu kwilulwa.

uYuuda 1:16

Ivha, vhantu vhe vhakuyivhuna nu kukwinkwina shiima. Vhakulandata impapilo zyavho, havhili vhakuyanga amazwi amamwamu nkaani aga kuyitumvwa. Vhakuvhatiima avhantu inga vhalyaje ilonka.

Ishitushizya 1:1

Ishi, shitushizya isha Yeesu Chilisiti. UMulungu ámupiiye ishenesho, inga avhalolesye avhavhomvi vhaakwe zye kuuti zivhombeshe ishisita kuhaavha. UYeesu ahamulolesya uYoohani umuvhomvi waakwe kutuushila kwa havhizya waakwe.