VaLoma 16:12 - ULufingwi uLupwa

¹² Mundamushile uTilifaayina nu Tilifoosa. Avhantanda ivho vhakuvhomba ku mute nkaani imbombo iya Mwene uYeesu. Havhili, mundamushile unkundwa waane uPeelesi. Uno woope mwantanda we ávhomvile ku mute nkaani imbombo iya Mwene uYeesu.

Tesitamenti Umupwa 1965

¹² Mundamushile nuTilifena nuTilifosa ve vakuyikungula kumbombo ya Mwene. Mundamushile nuPelesi unkundwa, wʼayikunguye nkani kumbombo ya Mwene.

VaLoma 16:12 ပူးပေါင်းရင်းမြစ်များ

Matayi 5:47

Havhili, inga mukuvhalamuha vhe vhamwinyu vhweleele, pe mukuvhomba ishooni isha kuluusya? Yeenya, vhe te Vhayuuda vhoope vhakuvhomba vhwevhulo!

Matayi 9:38

Ishi mumulaavhe uMwene umuhaata viyavho, avhatume avhahavuna avha viyavho vwakwe.”

VaLoma 16:11

Mundamushile uHelodiyooni, uMuyuuda uwamwitu, na vhantu vhe vhali mu nyumba iya Naliikiso, vhe vhamwitisile uMwene uYeesu.

VaLoma 16:13

Mundamushile uLuufo, umusaavhulwa uwa Mwene uYeesu, havhili mundamushile nu maayi waakwe, we ánavwizye ine ngati ne mwana waakwe.

1 VaKolinti 15:10

Ileelo uvhwila uvhwa Mulungu vhwe vhumbiisile kuvha ne mutumwa. Havhili uvhwila vhwakwe kuli ine vhutáali vhwa vhweleele, mwe pe kutuushila uvhwila uvhwo, mbomvile imbombo kuluusya avhatumwa vhonti. Ntavhomvile izyo ku maha gaane, ileelo uMulungu ku vhwila vhwakwe we ali pooka niine.

1 VaKolinti 15:58

Ishi vhamwitu vhankundwa, musimpaje, mutavunzihaje umwoyo mu lwitiho. Insiku zyonti, mukanyilaje kuvhomba imbombo iya Mwene uYeesu, mwe pe mumanyile kuuti, imbombo ye mukuvhomba mwa Mwene, mutakuyimba vhweleele.

1 VaKolinti 16:16

Niimwe muvhashindihaje avhantu inza ivho, na vhanji vhonti vhe vhakuyikungula kuvhomba imbombo ino.

Kolosi 1:29

Pe ishi, nkuvhomba ku mute nu kuyikungula ku maha gonti ge uChilisiti akumpa lwe akuvhomba imbombo muhati yaane.

Kolosi 4:12

UEpaafula umuntu uwa ku mwinyu, umuvhomvi uwa Chilisiti uYeesu, akuvhalamuha. Ahavhaliilizyo honti akuyikungula kuvhalaavhila imwe inga musimpaje mu lwitiho, havhili muvhe mwe vhalunjisu nu kuvha mwe vhadandamazu ku zyonti zye uMulungu akwanza.

1 VaTesaloniki 1:3

Lwe tukuvhalaavhila kwa Taata wiitu uMulungu, tukukumbuha pilongolela lyakwe imbombo ye mukuvhomba ku lwitiho. Tukukumbuha umute wiinyu we wukufumiilana ni shikunzi shiinyu, havhili vwe mwimiliiye kufumiilana nu lusuuvhilo lwinyu kwa Mwene wiitu uYeesu Chilisiti.

1 Timoti 4:10

Inongwa izyo zye zikutuvhiiha kuuti tuyifumwaje kuvhomba imbombo, mwe pe iswe tuvhiisile ulusuuvhilo lwitu kwa Mulungu we mulanzi, havhili we Muposhi uwa vhantu vhonti vhe vhamwitisile.