VaLoma 16:10 - ULufingwi uLupwa

¹⁰ Mundamushile uApeele, we atuusile mu ndingo inyinji nu kwitishilwa nu Chilisiti, havhili mundamushile avhantu avha mu nyumba iya Alisitoobulo.

Tesitamenti Umupwa 1965

¹⁰ Mundamushile nuApele wulolesile nkani ukuva mwa Chilisiti. Mundamushile navantu va Alisitobuli.

VaLoma 16:10 ပူးပေါင်းရင်းမြစ်များ

VaLoma 14:18

We akumuvhombela uChilisiti inza vhwevhulo, akumuhondezya uMulungu, havhili akwitishilwa na vhantu.

VaLoma 16:3

Mundamushile uPuliisila nu Aakila, avhavhomvi avhamwitu mu mbombo iya Chilisiti uYeesu.

VaLoma 16:7

Havhili mundamushile uAndulooniko nu Yuuniya, aVhayuuda avhamwitu vhe vhákunziilwe pooka niine mu jeela. Avhantu ivho vhándongoleeye ine kumwitiha uChilisiti, havhili vhamanyisile nkaani mu vhatumwa.

VaLoma 8:11

Havhili, inga uMupepo uwa ula we ámuzyusiizye uYeesu akulandila muhati zyinyu, amavhili giinyu ge gakufwa, uMulungu we ámuzyusiizye uChilisiti uYeesu aliigapa uvhulanzi kwi idala ilya Mupepo waakwe we akulandila muhati zyinyu.

1 VaKolinti 11:19

Vhuli, mukusiivha kuuti mukwanzilwa musugaane? Vhuli, mukwanza vhamanyishe vhe vhakuyilola kuuti vhitishiliilwe pilongolela ilya Mulungu?

2 VaKolinti 12:2

Imumanyile umuntu wooka umulandati uwa Chilisiti, we amaaha 14 ge gatuuha, ányatuliilwe kusogola ku mwanya, ahafiha ku mwanya iya vhutatu. Lwe akunyatulwa, ntámanyile kuuti pamo áali nu muvhili uno, poosye kuuti pamo atáali nu muvhili uno, ileelo uMulungu we amanyile.

2 VaKolinti 2:9

Insiivho zyane izyamwavho izya kuvhasimbila ukalaata ula, zyaamile zya kumanya inga mukunshindiha mu zyonti.

2 VaKolinti 5:17

Kuli izyo, umuntu wonti we akumwitiha uChilisiti, akuvha shipelwa ishipwa, izya hali zikutuuha, uvhuntu vhwakwe vhukuvha vhupwa!

2 VaKolinti 8:22

Tukumusonteelezya uwamwitu uwamwavho avhe pooka na vha Tiiti. Uwamwitu uyo ulwinji tukumulola kuuti ali nu mute uwa kuvhomba imbombo. Ali nu mute nkaani kuluusya ku vhwandilo, mwe pe akuvhasuuvhila nkaani imwe.

VaGalati 1:22

Ahavhaliilizyo iho, ine ntáhomiine na vhiitisi avha mu vivhanza ivwa Chilisiti ivwa mu shigavho isha nsi isha Yudeeya.

Filipi 2:22

Ileelo imwe muhomesheziizye kuuti uTiimoti akuvhomba ahinza, ávhomvile imbombo iya kulumbiilila Izwi iLyinza pooka niine inza umwana vwe akumwavwa uyise.

1 Timoti 3:10

Yikwanzilwa kuvhenyeelezya mu mbombo, inga vhaloleha kuuti vhahondeeye, pe vhitishilwaje mu mbombo iyo iya vhutuuli.

2 Timoti 4:19

Undamushile uPuliisila nu Aakila, na vhantu avha mu nyumba iya Nesifoolo.

1 Peteli 1:7

Kulingwa kwinyu kukulolesya kuuti nalyoli mukumwitiha uYeesu Chilisiti. Inza vwe avhantu vhakuyizelufwa isahaabu kwi idala ilya kuyipemba inga yivhe nyinza, vhwevhulo, ulwitiho lwinyu lukulingwa kulolesya kuuti mumwitisile uChilisiti. Kumwitiha uChilisiti kwinza kuluusya isahaabu ye yikunanjiha. Inga mukujimbiilila indingo izyo, uMulungu alivhatiima, nu kuuvhapa uvhushindamu nu mushinzi pi isiku liila lye uYeesu Chilisiti aliloleha apazelu ku vhantu vhonti.