VaLoma 16:1 - ULufingwi uLupwa

¹ Nkwanza mumanye kuuti uwamwitu uFiibi, muntu mwinza. Uweene muvhomvi uwa mu shivhanza she shili mu nkaaya iya Kenkileeya.

Tesitamenti Umupwa 1965

¹ Ilelo nkuvalajizyʼuFoyibe umwanawitʼumulindu we muvombezi wa mushivanza sha mu-Kenchileya,

VaLoma 16:1 ပူးပေါင်းရင်းမြစ်များ

Matayi 12:50

Umuntu wonti we akuvhomba zye uTaata waane uwa ku mwanya akwanza, uyo we munine waane, havhili we wu maayi waane.”

Maliko 10:30

uMulungu kwe aamupe ivwinji nkaani ahavhaliilizyo iha he ali mu nsi. Kwe avhe ni nyumba na vhanine avhanaavuli na vhantanda nu nyina na vhaana na magunda. Pooka niizyo kwe avhanje na mayimba. Ahavhaliilizyo he hakwinza, aliposheela uvhulanzi uvhwa shiima.

uLuuka 8:3

nu Yowaana umushi wa Kuuza. UKuuza áamile muvhomvi umupiti uwa mwene uHeelodi. Havhili, áliipo uSuzaana, na vhantanda avhanji avhinji. Avhantanda ivho vhahafumwaga ivintu vwavho, kumwavwa uYeesu na vhasundikwa vhaakwe.

iMbombo izya Vhatumwa 18:18

UPaavhuli ahajendeelela kutendama mu Kolinto amanda aminji. Pisinda, ahavhalaga avhamwavho, ahasogola pooka nu Aakila nu Puliisila mu nkaaya iya Kenkileeya. Lwe vhaafiha ku Kenkileeya, uPaavhuli ahavhegula insisi zyakwe, mwe pe ávhiisile ulufingwi, pe ahalimbila imeeli kusogola mu shigavho isha nsi isha Siiliya.

2 VaKolinti 3:1

Vhuli, mukusiivha kuuti twanda havhili kuyihomeshezya inyinza sweneeswe? Ndaali! Iswe tutali inza avhantu avhanji vhe vhakwinza kuli imwe na vhakalaata vhe vhakuvhahomeshezya kuuti vhinza, poosye vhe vhakulaavha kuli imwe avhakalaata vhe vhakuvhahomeshezya kuuti vhinza ku vhantu avhanji.

1 Timoti 5:2

vhantanda avhagoosi vhe vhamaayi vhaaho. Vhoope avhalindu uvhasohaje ku mwoyo umugolosu ngati vhanine vhaaho.

Filemoni 1:2

Havhili tukuvhasimbila na vhantu avha mu shivhanza vhe vhakuvhungaana mu nyumba yaaho, inkaani uwamwitu umwantanda uAafiya, nu Alikiipo, umusikaali uwamwitu mu mbombo iya Mulungu.

Yakobu 2:15

Tuti, uwamwitu wumo umwanaavuli, poosye umwantanda, atali na menda, poosye ishaakulya isha kumukwilana.