VaLoma 15:8 - ULufingwi uLupwa

⁸ Yeenya, nkuvhavhuuzya imwe kuuti, uChilisiti áyinzile kuvhavhombela aVhayuuda, inga yiloleshe kuuti uMulungu mutungamu, kwe kuuti, kwi idala ilya Chilisiti, alunjisiizye zye áfinzile ku vhataata vhaavho.

Tesitamenti Umupwa 1965

⁸ Nkuti uChilisiti ayipezilʼukuva wa kuvavombela avavolwa pazya vwanalyoli vwa Mulungu, ukuti ulumfingwi lwʼafinzile navatata lulolehaje shisitakugalunkana,

VaLoma 15:8 ပူးပေါင်းရင်းမြစ်များ

Matayi 15:24

Ahaamula ahati, “UMulungu ahansonteelezya ku nongwa iya Vhaisilayeeli, mwe pe vhali ngati ngʼonzi zye ziteezile.”

Matayi 20:28

Vhwevhulo, niine ne Mwana wa Aadamu ntínzile kuvhombelwa, nkandi kuvhavhombela avhantu nu kufumwa uvhulanzi vhwane kuvhatavhula avhinji.”

Yohani 1:11

Áyinzile ku vhantu vhaakwe, ileelo avheene vhatámuposheleeye.

Yohani 10:16

Ine indi ni ngʼonzi izyamwavho zye naazimo mwi ivhiji ili, zyope nkwanzilwa inzileete umu. Ingʼonzi izyo, zyope kwe zilimanye izwi lyane. Kwi idala ilyo, kwe yivhe impuga yooka nu mudiimi wooka.

iMbombo izya Vhatumwa 13:46

Pe avha Paavhuli nu Balinaaba vhahavhaamula aVhayuuda ivho ku vhudandamazu vhahati, “Yáhondeeye izwi ilya Mulungu lilumbiililwe suuti kuli imwe mwe Vhayuuda. Ileelo mwalihaana, nu kuyilola kuuti mutahondeeye kuvha nu vhulanzi uvhwa shiima shiima. Ishi, twavhaleha, twasogola ku vhantu vhe te Vhayuuda,

VaLoma 11:22

Yeenya, uMulungu vwe ali uvhutonsu havhili vwe ali uvhuhali. Uweene muhali ku vhaala vhe vhatakumushindiha, ileelo kuli iwe, mutonsu inga ukujendeelela kumushindiha. Ileelo poosye niiwe inga waaleha kuvhomba vhwevhulo, uliidibwa.

VaLoma 11:30

Hali imwe mutahamushindihaga uMulungu, ileelo ishi muposheleeye uvhwila, kwi idala ilya Vhaisilayeeli kuleha kumushindiha.

VaLoma 15:16

kuuti mbe ne muvhomvi uwa Chilisiti uYeesu ku vhantu vhe te Vhayuuda. Nkuvhalumbiilila Izwi iLyinza, inga mbe inza umupuuti we akuvhafumwa imwe kwa Mulungu, inza impuutile iya kumuhondezya uMulungu, havhili ye uMupepo uMufinjile ayizelufwizye.

VaLoma 3:26

Havhili, ávhomvile vhwevhulo, inga ahavhaliilizyo iha alolesye uvhugolosu vhwakwe. Uweene mugolosu, havhili we akuvhavhaazya avhantu vhe vhakumwitiha uYeesu kuuti vhagolosu.

VaLoma 3:3

Ileelo nalyoli aVhayuuda vhamo vhatáamile vhatungamu. Vhuli! Tuti, avhantu ivho vhe te vhatungamu kwa Mulungu, vhakumuvhiiha uMulungu kuuti woope aleshe kuvha mutungamu kuvhomba zye áfinzile?

VaLoma 4:16

Ili lye likuvhiiha kuuti ulufingwi ulwa Mulungu lusuuvhile kumwitiha uweene nu vhwila vhwakwe. Kwi idala ilyo, ziila zye uMulungu áfinzile ku vhantu vhonti avha mu luho ulwa Aabulahamu, zivhe zya nalyoli. Kwe kuuti, yitakuvha ku Vhayuuda vhe vhakuzilandata indajizyo vheeka, nkandi poosye na ku vhaala vhe vhakumwitiha uMulungu inza uAabulahamu. Iswe swenti utaata wiitu mu lwitiho wu Aabulahamu.

1 VaKolinti 1:12

Ishi zye nkwanza kuyanga zye zino: Vhonti muli imwe vhakuyanga izyavho, vhamo vhakuti, “Iswe swe vha Paavhuli.” Avhamwavho vhakuti, “Iswe swe vha Apoolo.” Avhamwavho vhakuti, “Iswe swe vha Keefa.” Avhamwavho vhakuti, “Iswe swe vha Chilisiti.”

1 VaKolinti 10:19

Vhuli, ishi inti vhuli? Vhuli, ivintu vwe avhantu vhakufumwa ku viholanyo vili ni ilonka limo? Poosye iviholanyo ivwo vikwavwa shimo?

1 VaKolinti 10:29

Lwe nkuti kuzya mooyo, ntakuyanga izya mooyo giinyu, nkandi izya mwoyo uwa ula we akuvhavhuuzya. Ishi shooni she kuyimvilwa ukwa mwoyo uwa wunji kuneefwezye uvhusatushe vhwane?

1 VaKolinti 15:50

Vhamwitu, nkuyanga nkuti amavhili giitu aga pa nsi ipa, gatanginjila mu vhumwene uvhwa Mulungu. She shikufwa nu kuvhola, shitangavha nu vhulanzi uvhwa shiima.

2 VaKolinti 1:20

Zyonti zye uMulungu áfinzile kuuti aliitupa kwi idala ilya Chilisiti zya nalyoli, mwe pe iswe kutuushila kwa Chilisiti tukuti, “Amina,” kwe kuuti zya nalyoli, kuzya kumushindiha uMulungu.

VaEfeso 2:12

ahavhaliilizyo iho mutámumanyile uChilisiti. Mwámile inza avhajeni, kwe kuuti mutáamile pooka na Vhaisilayeeli, vhe vhantu vha Mulungu. Avheene uMulungu ávhafwiliiye uvhwila kulandatana na zye áfinzile, ileelo imwe mutáliipo. Havhili muhatendamaga mu nsi ishisita ulusuuvhilo, poosye kumumanya uMulungu.