VaLoma 15:7 - ULufingwi uLupwa

⁷ Ishi muposhelanaje inza vwe woope uChilisiti avhaposheleeye imwe, inga uMulungu ashindikwaje.

Tesitamenti Umupwa 1965

⁷ Mwe mumwo muposhelelanaje mwenti inza she nuChilisiti avaposheleye ukuti zivanje zya kumushindihʼuMulungu.

VaLoma 15:7 ပူးပေါင်းရင်းမြစ်များ

Matayi 10:40

“Umuntu wonti we akuvhaposheela imwe, akumposheela neene. Woope we akumposheela ine, akuvha akumuposheela ula we antumiliziizye.

Maliko 9:37

“We akumuposheela umwana umunsi inza uno kwi izina lyane, akumposheela neene. Woope we akumposheela ine, akumuposheela ula we antumiliziizye.”

uLuuka 15:2

Pe aVhafalisaayi na vhasambiilizi avha ndajizyo vhahanda kukwinkwina kuuti, “Yeenya umuntu uno! Akuvhaposheela avhatalamalandu nu kulya pooka navho.”

uLuuka 9:48

Ahavhavhuuzya ahati, “Umuntu wonti we akumuposheela umwana umunsi inza uno kwi izina lyane, akumposheela neene. Woope we akumposheela ine, akumuposheela ula we antumiliziizye. Vhwevhulo, we munsi kuli imwe mwenti, akuvha mupiti kuvhaluusya mwenti.”

Yohani 13:34

Ileelo ishi nkuuvhapa indajizyo impwa, nkuvhalajizya kuuti, ‘Mukundanaje. Inza vwe ine mbakunzite imwe, niimwe mukundanaje inza vhwevhulo.’

Yohani 6:37

Avhantu vhonti vhe uTaata waane akumpa, vhakwinza ku kwane nu kuniitiha. Havhili ine ntakumuhaana umuntu we akwinza ku kwane.

VaLoma 15:9

Havhili, áyinzile, inga avhantu vhe te Vhayuuda vhamushindihaje uMulungu ku vhwila vhwakwe inza vwe uVhusimbe uVhufinjile vhukuyanga vhukuti, “Kuli izyo, ndikutiima ku vhantu vhe te Vhayuuda. Havhili ndiyimba inyimbo izya kulitiima izina lyaho.”

VaLoma 5:2

Kwi idala ilya kumwitiha uYeesu, uMulungu átufwiliiye uvhwila, havhili poosye ishi atufwiliiye uvhwila. Ipo tukuseshela nkaani, mwe pe tukusuuvhila kuuti tuliivha pooka nu Mulungu mu vhutendamo vhwakwe uvhushindamu.

VaEfeso 1:12

Ávhomvile vhwevhulo, inga ku zyitu iswe swe vhatanzi kumusuuvhila uChilisiti, uMulungu ashindikwaje ku vhushindamu vhwakwe.

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

Kolosi 3:13

Mujimbililanaje nu kuswilana, inga umuntu amunanjila uwamwavho. Mukwanzilwa kuswilana inza vwe uMwene uYeesu ávhaswiliiye imwe.