VaLoma 15:5 - ULufingwi uLupwa

⁵ UMulungu we akuutupa uvhujimbiilizu nu kutusuvhaalizya amooyo giitu, avhavhiishe kuuti muvhe ni nsiivho zyoka lwe mukumulandata uChilisiti uYeesu.

Tesitamenti Umupwa 1965

⁵ Uwene nyenʼuMulungu wa vuzyihamulaha nuvulondovolelo wʼavapanjʼukuti muvanje numwoyo woka mwene mwenti, mulandate mwe mwa Chilisiti Yesu,

VaLoma 15:5 ပူးပေါင်းရင်းမြစ်များ

iMbombo izya Vhatumwa 4:32

Avhantu vhonti vhe vhámwitisile uYeesu, vháamile umwoyo wooka ni nsiivho zyavho zyámile pooka. Atáliipo umuntu we ahayangaga kuuti ivintu vwe ali navwo vwakwe weeka, ivintu vwavho vwonti vhahasanganyaaga pooka.

VaLoma 12:16

Mwivwanaje ahinza na vhamwinyu. Mutayitumvwaje, muvhanje nu vhuliilani na vhantu vhe vhatakushindikwa, mutayilolaje kuuti muvhapoosite injeele.

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

VaLoma 15:3

Yeenya, woope uChilisiti atáyisivhiliiye wuuyo weeka, nkandi zye ávhomvile zikuvhalilana nu Vhusimbe uVhufinjile vhwe vhukuti, “Indigo zye vhakukuliga iwe Mulungu, zyánaazile ine.”

1 VaKolinti 1:10

Ishi vhamwitu, nkuvhalambiilizya kwi izina ilya Mwene wiitu uYeesu Chilisiti kuuti muvhe mwe vhantu mwe mukwivwana, ipo pe kwe muvhe nu vhuliilani. Mutapagulanaje, nkandi muvhanje ishintu shooka ku zye mukusiivha havhili nu kuvha nu mwoyo wooka.

2 VaKolinti 13:11

Ishi vhamwitu, nkuvhalaga nkuti museshelaje. Musimpaje nu kusuvhalizanya nu kuvha nu vhuliilani nu vhutehamu. Woope uMulungu uwa shikunzi nu vhutehamu kwe avhanje pooka niimwe.

2 VaKolinti 7:6

Ileelo uMulungu we akuvhasuvhaalizya avhantu vhe vhavunzisile amooyo, aatusuvhaliziizye kwi idala ilya kwinza uTiiti.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

Filipi 1:27

Ileelo ulujendo lwinyu luvhe inza vwe Izwi iLyinza ilya Chilisiti likwanza. Pe inga nkwinza kuvhavuula, poosye inga ntaliipo, inivwaje inongwa zyinyu kuuti mukusimpa ku mwoyo wooka. Havhili inivwaje kuuti, mukulwila ulwitiho ulwa Izwi iLyinza pooka.

Filipi 2:2

Mwe pe zyonti izyo ziliipo, ishi nkuvhalaavha kuuti muvhe ni nsiivho zyoka nu kukundana. Havhili muvhe nu mwoyo wooka ni nsiivho zyoka. Vhwevhulo, pe kwe mumbiishe kuvha nu luseshelo ulupiti.

Filipi 3:16

Ileelo she shikwanzilwa, tujendeelele kulandata zyonti ziila zye tufishiiye.

Filipi 4:2

Nkuvhalambiilizya avha Evodiya nu Sintiike, kuuti vhavhe nu lwivwano ulwa mwa Mwene.

1 Peteli 3:20

Avhafwe ivho vhe hali lwe uNoowa ahagombaga imbogooso, vháhaanile kumushindiha uMulungu. UMulungu ájimbiliiye kuzya vhutalamalandu vhwavho kufishila ahavhaliilizyo he imbogooso yagombwa. Mu mbogooso umwo vhínjiiye avhantu vhansi vhweleele, vháamile 8. Ivho vhe uMulungu ávhaposile na minzi.

1 Peteli 3:8

Izwi ilya vhusililishilo kuli izi, nkuti muvhanje nu mwoyo wooka nu kufwilana uvhwila, havhili mukundanaje inza avhanine vwe vhakukundana nu kuvha nu mwoyo umwinza nu vhwahayiisye.

2 Peteli 3:15

Mukumbushe kuuti uMwene akuvhajimbiilila, inga muhavhwaje uvhuposhi. Vhwevhulo, vwe uwamwitu uPaavhuli unkundwa ávhasimbiiye ukalaata ku vhushindamu uvhwa njeele inza vwe uMulungu ámupiiye.

2 Peteli 3:9

UMWENE uMulungu atakuhaavha kulunjisya ziila zye afinzile inza vwe avhantu avhanji vhakusiivha kuuti akuhaavha. Uweene akujimbiilila ku zyitu, mwe pe atakwanza umuntu wonti ateeje, nkandi kuuti avhantu vhonti vhatonte uvhutalamalandu vhwavho.