VaLoma 15:3 - ULufingwi uLupwa

³ Yeenya, woope uChilisiti atáyisivhiliiye wuuyo weeka, nkandi zye ávhomvile zikuvhalilana nu Vhusimbe uVhufinjile vhwe vhukuti, “Indigo zye vhakukuliga iwe Mulungu, zyánaazile ine.”

Tesitamenti Umupwa 1965

³ She wope nuChilisiti atahayishela weka ndali, nkandi ahonzizye inza she lisimṿilwe lye likuti: Umusamu wa ve vakukusamula wʼangwiliye nenene.

VaLoma 15:3 ပူးပေါင်းရင်းမြစ်များ

Matayi 10:25

Umusundikwa akwanzilwa kuvha inza umusambiilizi waakwe, woope umuzya akwanzilwa kuvha inza umwene waakwe. Inga vhakumwita umuhaata nyumba kuuti wu Belizabuuli, vhuli, te vhahavhiite avhantu avha mu nyumba yaakwe izina ivhiivhi nkaani?”

Matayi 26:39

Ahasogola pilongolela hansi, ahagwa ishikupama, ahalaavha ahati, “We Taata, inga zingavhombeha, nkulaavha uyeefwe amayimba iga kuli ine. Ileelo utahavhombe inza vwe nkasiime ine, nkandi vwe ukasiime weneewe.”

Matayi 26:42

UYeesu ahasogola ulwa vhuvhili havhili kulaavha, ahati, “We Taata, inga amayimba iga gatangeepa kuli ine, pe zivhombeshe inza vwe ukasiime weneewe.”

Matayi 27:44

Vhoope avhapumula vintu vhe vháhomeliilwe pooka nawo, vhahamuliga inza vwe avhanji.

Yohani 15:10

Inga mukuzilandata indajizyo zyane, pe kwe mujendeelele kuvha mu shikunzi shaane, inza vwe niine nkuzilandata indajizyo izya Taata waane nu kuvha mu shikunzi shaakwe.

Yohani 15:24

Mbomvile imbombo impiti zye umuntu inga wooka atahavhomba. Inga apele vhatazilolaje, nkandi vhatali nu vhutalamalandu. Ileelo ishi vhazivhwenyi zyonti zye mbomvile, ileelo poosye vhwevhulo vhali she vhakumviitilwa ine nu Taata waane.

Yohani 4:34

UYeesu ahavhaamula ahati, “Ishaakulya shaane ine, kwe kuvhomba ulukasamo ulwa Taata we ansonteleziizye kumaliilizya imbombo yaakwe.

Yohani 5:30

UYeesu ahajendeelela kuyanga ahati, “Naashimo she ingavhomba ku maha gaane. Nkuvhalonga avhantu kulandatana na vwe uTaata waane akumbuuzya. Kuli izyo, uvhulonzi vhwane vhugolosu, mwe pe ntakuvhomba zye nkasiime, nkandi zye akasiime uTaata waane we ansonteleziizye.

Yohani 6:38

Nkuyanga isho, mwe pe ine ninzile kufuma ku mwanya, inga mbombaje ulukasamo ulwa Taata waane we ansonteleziizye. Ntinzile kuvhomba zye nkansiime neene.

Yohani 8:29

UMulungu we ansonteleziizye ali pooka niine. Atandesiile neeka, mwe pe ahavhaliilizyo honti nkuvhomba zye zikumuhondezya.”

2 VaKolinti 8:9

Yeenya, mumanyile vwe uMwene wiitu uYeesu Chilisiti ávhafwiliiye uvhwila. Poosye she wu dumbwe uwa vintu vwonti, áyivhiisile kuvha mupiina ku zyinyu, inga mu vhupiina vhwakwe, imwe muvhe mwe vhadumbwe.

Filipi 2:5

Muvhe ni nsiivho ziila, zye áali nazyo uChilisiti uYeesu.

Filipi 2:8

Ahayiisya weeka, havhili ámushindisile uTaata, ahiitiha nu kufwa, poosye uvhufwe uvhwa pa shihovhenkanyo.