VaLoma 15:26 - ULufingwi uLupwa

²⁶ Avhiitisi avha ku Makedooniya na ku Akaaya vhaavhwenyi kuuti hinza kusanga ivintu vwavho, kuvhaavwa avhapiina mu vhafinjile avha ku Yelusaleemu.

Tesitamenti Umupwa 1965

²⁶ Shʼava mu-Makedoniya nava mw-Akaya vanzile ukuvasangulila avafinjile avapina ava mu-Yelusalemu yimo.

VaLoma 15:26 ပူးပေါင်းရင်းမြစ်များ

Matayi 25:40

Pe ine ne Mwene ndivhaamula ndiiti, ‘Nalyoli nkuvhavhuuzya kuuti, lyonti lye mwámuvhombeeye wumo mu vhamwitu ivha vhe te vhamwamu, mwámbombeeye neene.’

Matayi 26:11

Yeenya, avhapiina muli navho insiku zyonti, ileelo ine te mbe niimwe ahavhaliilizyo honti.

uLuuka 14:13

Lwe ukusengaanya umulyo, uvhalanjilaje avhapiina na vhantendya na vhantonko.

uLuuka 6:20

UYeesu ahavheenya avhasundikwa vhaakwe, ahavhavhuuzya ahati, “Mulosiitwe imwe mwe vhapiina, mwe pe uvhumwene uvhwa Mulungu vhwinyu.

iMbombo izya Vhatumwa 16:12

Ipo tuhayileha imeeli, tuheepa ulwa pansi, tuhafiha mu Fiilipi, inkaaya ye yákumusile nkaani mu wilaaya ye yili mu shigavho isha nsi isha Makedooniya. Mu nkaaya iyo aVhaluumi vhahatendamaga nu kukonzya. Tuhatendama umwo ku havhaliilizyo aha nsiku nyinsi.

iMbombo izya Vhatumwa 16:9

Uvhusiku, uPaavhuli ahalola injozi iya pa minso amazelu. Mu njozi iyo, umuntu wumo uwa ku shigavho isha nsi isha Makedooniya áyimiliiye, ahalambilizyaga ahatinji, “Lamba ku Makedooniya, uyinze utwavwe.”

iMbombo izya Vhatumwa 18:12

Ileelo ahavhaliilizyo he uGaaliyo áamile mupiti uwa shigavho isha nsi isha Akaaya, aVhayuuda vhahamuvhuushila uPaavhuli ku mwoyo wooka nu kumutwala kwa Gaaliyo kwi ilonjelwi.

iMbombo izya Vhatumwa 19:21

Lwe zyatuuha zyonti izyo, uPaavhuli ahaamula mu mwoyo waakwe kusogola ku Yelusaleemu kutuushila mu shigavho isha nsi isha Makedooniya ni sha Akaaya. Ahayanga ahati, “Inga naafiha ku Yelusaleemu, nkwanzilwa kufiha na ku Luumi.”

iMbombo izya Vhatumwa 9:13

UAnaniya ahamwamula ahati, “We Mwene, nivuuye ku vhantu avhinji vwe uSaavhuli uyo avhavhombeeye imbiivhi avhafinjile vhaaho mu Yelusaleemu!

1 VaKolinti 16:15

Vhamwitu, mumanyile kuuti uSiteefani pooka na vhantu avha mu nyumba yaakwe, vhantu vhe vháali vha kwanda kumwitiha uYeesu Chilisiti mu shigavho isha nsi isha Akaaya, havhili vháyifumwizye nkaani kuvhaavwa avhafinjile!

1 VaKolinti 16:5

Inga naafuma mu shigavho isha nsi isha Makedooniya, nkwinza kuli imwe, mwe pe nkwanza suuti kutuushila ku Makedooniya.

2 VaKolinti 1:16

Naasivhiliiye kwinza kuli imwe lwe nkusogola mu shigavho isha nsi isha Makedooniya, nu kugaluha havhili kuli imwe lwe naafuma ukwo, inga mumpe ivwa kunaavwa kumfisya mu shigavho isha nsi isha Yudeeya.

2 VaKolinti 11:9

Ahavhaliilizyo he náamile pooka niimwe, lwe nasovhelwa ntámutamwizye umuntu nuumo, mwe pe avhamwitu vhe vháfumile ku Makedooniya vhámpiiye vwe nkanzaga. Kuli ilyo, náamile minso, inga ndeshe kuvhatamwa imwe poosye inga hansi, havhili kwe njendeelele kuvha minso.

2 VaKolinti 2:13

Ileelo ntaamile nu vhutehamu mu mwoyo waane, mwe pe ukwo ntaamuvhwenyi uwamwitu uTiiti. Pe nalagana navho, nu kwanda kusogola kumulondola mu shigavho isha nsi isha Makedooniya.

2 VaKolinti 7:5

Lwe twafiha ku Makedooniya twaaposiitwe kutuuzya, mwe pe twaamile na mayimba imbazu zyonti, kunzi kwaamile uvhulugu, muhati mu mooyo giitu mwaamile ilyoga.

2 VaKolinti 9:12

Yeenya, imbombo ino ye mukuvhomba, te kuuti yikwavwa avhafinjile vhe vhasovheliilwe vhweleele, yikuvhavhiiha na vhantu avhinji vhamusalifwaje nkaani uMulungu.

2 VaKolinti 9:2

mwe pe imanyile umwoyo wiinyu uwa kuvhaavwa avhanji. Niine nkuyitumvwa ku zyinyu ku vhantu avha ku Makedooniya kuuti, “Ishivhanza isha mu shigavho isha nsi isha Akaaya, shaamile nu mwoyo uwa kufumwa kufuma umwaha we waatuusile.” Umwoyo wiinyu uwa vhutesi uwo, wuvhavhiisile avhantu avhinji pahati yaavho kuvha nu mute kufumwa.

2 VaKolinti 9:4

Yeenya, inga ninza ukwo pooka na vhantu avha ku Makedooniya nu kwaga mutayisengiinye, ipo lwe mwampezya insoni kuzya lusuuvhilo lwitu kuli imwe. Havhili niimwe lwe mwavha ni nsoni zye zitakuyanjiha.

Filipi 4:15

Mwe Vhafiilipi, niimwe vhuulo, mumanyile kuuti shitaliipo ishivhanza ishinji she shihanavwaga. Kufuma ku vhwandilo uvhwa kulumbiilila Izwi iLyinza kuli imwe, lwe neepa ku shigavho shiinyu isha nsi isha Makedooniya, mweneemwe mweka mwe tuhatulanaga kuzya kufumwa nu kuposheela.

1 VaTesaloniki 1:7

Pe kuli izyo, mwavha mwe shiholanyo ishinza ku vhe vhamwitisile uChilisiti vhonti avha mu shigavho isha nsi isha Makedooniya ni sha Akaaya.

1 VaTesaloniki 1:8

Kufumiilana niimwe, avhantu vhivuuye izwi ilya Mwene uYeesu. Te ku vhantu avha ku Makedooniya na vha ku Akaaya vhweleele, ulwitiho lwinyu kwa Mulungu lumanyisile kwonti. Mwe pe izya lwitiho lwinyu zimanyisile kwonti, tutakuyitamwa kuyanga zyenezyo.

1 VaTesaloniki 4:10

Nalyoli vwe mukuvhavhombela vhwevhulo avhamwinyu vhonti vhe vhamwitisile uChilisiti avha mu shigavho isha nsi isha Makedooniya. Ishi tukuvhalambiilizya kuuti mukundanaje vhwevhulo nu kuluusya.

1 Timoti 1:3

Nkwanza kuuti usyale kunuukwo mu nkaaya iya Hefeeso, inza vwe nákuhomeleziizye ahavhaliilizyo he násogooye ku shigavho isha nsi isha Makedooniya. Nátili uvhalajizye avhantu kuuti vhatasambilizyaje insambiilizyo izya ilenga.

Filemoni 1:5

Nkuvhomba vhwevhulo, mwe pe nkwivwa inongwa izya lwitiho lwaho kwa Mwene uYeesu ni shikunzi shaaho ku vhafinjile vhonti.