VaLoma 15:2 - ULufingwi uLupwa

² Avhantu vhonti muli iswe, vhavhavhombelaje inyinza avhamwavho, inga vhazengwaje mu lwitiho.

Tesitamenti Umupwa 1965

² Swenti pakuti tumushelajʼuwamwitu wenga tupalamine nawo, ukuti avanje nuvwinza azengwaje fwe ngati nyumba.

VaLoma 15:2 ပူးပေါင်းရင်းမြစ်များ

VaLoma 14:19

Pe ishi, ahavhaliilizyo honti tuvhe nu mute uwa kuvhomba zye zikuleeta uvhutehamu, na zye zikwavwa kuzengana mu lwitiho.

1 VaKolinti 10:23

Vhamo vhakuyanga vhakuti, “Iswe twitishiliilwe nu Mulungu kuvhomba zyonti.” Ileelo ine nkuti, te zyonti zye zili ni ilonka. Havhili poosye she vhakuti, “Iswe twitishiliilwe nu Mulungu kuvhomba zyonti.” Ileelo ine nkuti te zyonti zye zikwavwa kuvhagomwa avhantu mu lwitiho.

1 VaKolinti 10:24

Avhantu vhonti vhatavhombaje zye zili ni ilonka ku kwavho, nkandi vhavhombaje zye zili ni ilonka ku vhamwavho.

1 VaKolinti 10:33

Muvhanje inza ine. Nkuyikungula kuuti ku zyonti zye nkuvhomba, avhantu vhonti vhaseshelaje. Ntakuvhomba vhwevhulo, inga ine indyaje ilonka, nkandi inga avhantu avhinji vhalyaje ilonka, inga vhapokwe.

1 VaKolinti 13:5

Ishikunzi shikumupela umuntu kuvha nu mushinzi ku vhantu avhanji. Havhili shikumupela umuntu kuuti atasiivhaje zye zyakwe vhweleele, nu kuuti atavitwaje naluvhiilo, nu kuuti atavhanje na hamfwishi mu mwoyo.

1 VaKolinti 14:26

Ishi vhamwitu tuti vhuli? Lwe muvhungiine kupuuta, inga wumo ali nu lwimbo nu wamwavho ali ni nsambiilizyo, wumo akwanza kuyanga zye uMulungu amulolesiizye nu wamwavho akuyanga injango injeni nu wamwavho akutantula injango injeni, izi zyonti zivhombehaje mu nsiivho izya kushizenga ishivhanza.

1 VaKolinti 14:3

Ileelo umuntu we akukuvhwa, akuyanga na vhantu amazwi aga kuvhazenga mu lwitiho nu kuvhasuvhaalizya nu kuvhagomwa amooyo.

2 VaKolinti 12:19

Pamo mukusiivha kuuti ahavhaliilizyo honti iha, tukuyiyanjila, inga mutahatulole kuuti twe vhavhiivhi. Iswe tukuyanga izi, mwe pe twe vhavhomvi avha Chilisiti, nu Mulungu amanyile. Vhankundwa vhaane, tukuvhomba izi zyonti kuvhazenga imwe mu lwitiho.

2 VaKolinti 13:9

Tukuseshela, mwe pe iswe twe vhayeyevhazu, ileelo imwe muli na maha. Tukumulaavha uMulungu avhaavwe kuuti muvhe mwe vhagolosu.

VaEfeso 4:12

Imbombo yaavho ivho vhonti kwe kuvhasengaanya nu kuvhagomwa avhafinjile kuvhomba imbombo yaakwe. Vhakwanzilwa kuvhomba imbombo iya Mulungu, inga umuvhili uwa Chilisiti wuzengwe, kwe kuuti ishivhanza.

VaEfeso 4:29

Mutayangaje amazwi amavhiivhi, muyangaje amazwi aga kuvhazenga avhamwinyu kulandatana na vwe yikwanzilwa, inga vhe vhakutejeelezya vhalyagaje ilonka.