VaLoma 14:22 - ULufingwi uLupwa

²² Insiivho zye uli nazyo ku vwakulya, zivhe zyaho weeka nu Mulungu. Alosiitwe umuntu we akuyilola kuuti atakuvhomba uvhutalamalandu, lwe akuvhomba zye akuzilola kuuti ngolosu.

Tesitamenti Umupwa 1965

²² Ulwitiho lwʼuli nalwo uvanje nalwo kuminso ga Mulungu. Musangalusʼuno wengʼatakuyilonga ṿwengʼakuṿisajila.

VaLoma 14:22 ပူးပေါင်းရင်းမြစ်များ

iMbombo izya Vhatumwa 24:16

Kuli izyo, nkuyikungula kuvha nu mwoyo umuzelu insiku zyonti, inga ntahaavhe nu lukwinkwino pilongolela ilya Mulungu na pilongolela ilya vhantu.

VaLoma 14:14

Imanyile, havhili uMwene uYeesu andolesiizye apazelu uvhwanalyoli kuuti, shitaliipo ishaakulya shimo she shihombezu, nkandi inga umuntu aalola kuuti ishaakulya shimo shihombezu, pe ishaakulya isho shikuvha shihombezu ku kwakwe.

VaLoma 14:2

Yeenya, umuntu wumo kulandatana nu lwitiho lwakwe ali nu vhusatushe uvhwa kulya ivintu vwonti, ileelo uwamwavho we muyeyevhazu mu lwitiho, akulola kuuti akwanzilwa kulya zye nyanyi izya matundu.

VaLoma 14:23

Ileelo we ali na maganigani ni shaakulya shimo, havhili akulya shenesho, akuvhomba uvhutalamalandu, mwe pe atakuvhomba kulandatana nu lwitiho lwakwe kwa Chilisiti. Nkuyanga vhwevhulo, mwe pe ishintu shonti she ukuvhomba inga shitakufuma mu lwitiho lwaho kwa Chilisiti, vhutalamalandu.

VaLoma 14:5

Umuntu wumo akulishindiha isiku limo kuluusya izinji, wumo akulola kuuti insiku zyonti ziholiine. Ishi umuntu wonti alandataje zye akulola kuuti nyinza mu mwoyo waakwe.

VaLoma 2:1

Pe ishi, iwe wamwitu, we ukuvhalonga avhantu avhanji, utali ni lya kuyiyanjila pilongolela ilya Mulungu poosye uvhe we naanu. Yeenya, lwe ukumulonga uwamwinyu, ukupela ukuyilonga weneewe, mwe pe uvhutalamalandu vhwe uweene akuvhuvhomba vhwe niiwe ukuvhuvhomba.

VaLoma 7:15

Yeenya, ntakumanya zye nkuzivhomba. Ilyinza liila lye nkwanza kulivhomba ntakulivhomba, nkandi liila lye nkuliviitilwa lye nkulivhomba.

VaLoma 7:24

Nasheela ine! Wu naanu we kuuti amposhe nu muvhili uno we wukuntwala ku vhufwe?

1 VaKolinti 8:7

Ileelo te vhiitisi vhonti vhe vhazimanyile inongwa izi. Vhaliipo vhamo vhe vhávheleleeye kupuuta iviholanyo. Ivho lwe vhakulya ishaakulya isho she vhafumwizye ku viholanyo, vhakuyilola ngati vhakulya ishaakulya she mwiho, mwe pe vhafumwizye ku viholanyo. Pe mwe vhayeyevhazu mu mooyo gaavho, vhakuyilola kuuti vhahombela.

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

VaGalati 6:1

Vhamwitu, inga umuntu aagwa mu vhutalamalandu, imwe mwe mukulongolwa nu Mupepo mumusohaje ku vhutonsu vhwe vhukufuma kwa Mupepo, inga aleshe uvhutalamalandu vhwakwe. Havhili muvhanje minso, inga niimwe mutahinze mulingwe kululandata ulujendo lwakwe.

Yakobu 3:13

Ishi kuli limwe, inga kuli umuntu we ali nu vhushindamu uvhwa njeele, avhulolesye vhwenevhwo ku lujendo lwakwe ulwinza. Havhili avhombaje imbombo ku vhutonsu vhwe vhukufumiilana nu vhushindamu uvhwa njeele.

1 Yohani 3:21

Mwe vhankundwa, inga tutakulongwa mu mooyo giitu, pe tukuvha nu vhudandamazu uvhwa kusejeelela pilongolela ilya Mulungu.