VaLoma 14:2 - ULufingwi uLupwa

² Yeenya, umuntu wumo kulandatana nu lwitiho lwakwe ali nu vhusatushe uvhwa kulya ivintu vwonti, ileelo uwamwavho we muyeyevhazu mu lwitiho, akulola kuuti akwanzilwa kulya zye nyanyi izya matundu.

Tesitamenti Umupwa 1965

² Wengʼali nulwitiho wʼakulya ṿwonti, nkandi wenga muyeyevazu akulya ṿwe ṿiyavo ṿweka.

VaLoma 14:2 ပူးပေါင်းရင်းမြစ်များ

VaLoma 14:1

Mumuposheelaje uwamwinyu we muyeyevhazu mu lwitiho, mutadalinkanaje nawo ku nsiivho zyakwe zye zikusugaana ni zyinyu.

VaLoma 14:14

Imanyile, havhili uMwene uYeesu andolesiizye apazelu uvhwanalyoli kuuti, shitaliipo ishaakulya shimo she shihombezu, nkandi inga umuntu aalola kuuti ishaakulya shimo shihombezu, pe ishaakulya isho shikuvha shihombezu ku kwakwe.

VaLoma 14:20

Utananganyaaje imbombo ya Mulungu kuzya shaakulya. Ivwakulya vwonti vwinza kulya, ileelo havhiivhi kwa muntu kulya shonti she shingamupelela umuntu uwunji kuuti avhombe uvhutalamalandu.

VaLoma 15:1

Ishi iswe twe tugomile mu lwitiho, yikwanzilwa tuvhajimbililaje vhaala vhe vhatagomile mu lwitiho, tuleshe kuvhomba ziila zye zikutuhondezya sweneeswe.

1 VaKolinti 10:25

Inyama zye vhakukazya mu nsokooni mulyanje ishisita kuvhuziilizya-vhuziilizya, inga mutayimbaje mu mooyo giinyu.

1 VaKolinti 8:9

Ishi muvhe minso, uvhumanyi vhwinyu vhutahaavhe lipunulo ku vhayeyevhazu.

1 VaKolinti 9:22

Havhili lwe náali ku vhayeyevhazu mu lwitiho, náali inza umuyeyevhazu mu lwitiho, inga mbaaje vhamwitishe uChilisiti. Ku vhantu vhonti náyivhiisile kuvha ne wamwavho, inga ku madala gonti imbaposhe vhamo.

VaGalati 2:12

Yeenya, avhantu vhamo lwe vhashiili kwinza kufuma kwa Yaakobu, uKeefa ahalyanga na vhe te Vhayuuda. Ileelo lwe avhantu ivho vhaafiha, uKeefa ahayipaagula, ahaleha kulya navho, mwe pe áyogofile avhantu vhe vhahahomelezyaga kuuti avhiitisi vhonti vhatahiililwe.

1 Timoti 4:4

Vwonti vwe uMulungu ávipezile vwinza, vitaliipo ivwa kuvihaana inga vwaposheelwa ku mpuuto izya kusalifwa.

uTiiti 1:15

Ivho vhakusambiilizya kuuti viliipo ivintu vwe vihandamanu. Ileelo ku vhantu vhe amooyo gaavho mazelu, ivintu vwonti vizelu. Ku vhantu vhe vhahandamanu havhili vhe vhatakumwitiha uYeesu Chilisiti, ivintu vwonti ku kwavho vihandamanu. Ivho injeele zyavho na mooyo gaavho mahandamanu.

VaHebuli 13:9

Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.

VaHebuli 9:10

Yeenya, imbaatiho izya vwakulya ni vwakumwela, ni zya kuyizelufwa ukwa mavhiila mu mavhiila, zitangaavwa naashimo umwoyo uwa muntu. Imbombo iya mbaatiho izyo yásizile lwe uMulungu aleeta imbaatiho impwa.