VaLoma 14:19 - ULufingwi uLupwa

¹⁹ Pe ishi, ahavhaliilizyo honti tuvhe nu mute uwa kuvhomba zye zikuleeta uvhutehamu, na zye zikwavwa kuzengana mu lwitiho.

Tesitamenti Umupwa 1965

¹⁹ Shʼinga zili vovulo pe tuzilandate zye mpelavwihalo nazye zya kuzengana swe vuvo vatupu.

VaLoma 14:19 ပူးပေါင်းရင်းမြစ်များ

Matayi 5:9

Vhalosiitwe vhe vhakuvhakundanya avhamwavho, mwe pe uMulungu alivhiita kuuti vhaana vhaakwe.

Maliko 9:50

Ivheeya shintu shinza, ileelo inga lyasuupa, shiliipo she shingalinonia? Muvhe ni ivheeya muhati zyinyu, mutendame ku vhutehamu mwemwe mweka.”

VaLoma 12:18

Muvhombaje zyonti zye mungavhomba zye zikuvhavhiiha kuvha nu vhutehamu na vhantu vhonti.

VaLoma 15:2

Avhantu vhonti muli iswe, vhavhavhombelaje inyinza avhamwavho, inga vhazengwaje mu lwitiho.

1 VaKolinti 10:23

Vhamo vhakuyanga vhakuti, “Iswe twitishiliilwe nu Mulungu kuvhomba zyonti.” Ileelo ine nkuti, te zyonti zye zili ni ilonka. Havhili poosye she vhakuti, “Iswe twitishiliilwe nu Mulungu kuvhomba zyonti.” Ileelo ine nkuti te zyonti zye zikwavwa kuvhagomwa avhantu mu lwitiho.

1 VaKolinti 10:33

Muvhanje inza ine. Nkuyikungula kuuti ku zyonti zye nkuvhomba, avhantu vhonti vhaseshelaje. Ntakuvhomba vhwevhulo, inga ine indyaje ilonka, nkandi inga avhantu avhinji vhalyaje ilonka, inga vhapokwe.

1 VaKolinti 14:26

Ishi vhamwitu tuti vhuli? Lwe muvhungiine kupuuta, inga wumo ali nu lwimbo nu wamwavho ali ni nsambiilizyo, wumo akwanza kuyanga zye uMulungu amulolesiizye nu wamwavho akuyanga injango injeni nu wamwavho akutantula injango injeni, izi zyonti zivhombehaje mu nsiivho izya kushizenga ishivhanza.

1 VaKolinti 14:3

Ileelo umuntu we akukuvhwa, akuyanga na vhantu amazwi aga kuvhazenga mu lwitiho nu kuvhasuvhaalizya nu kuvhagomwa amooyo.

1 VaKolinti 14:4

We akuyanga injango injeni, akuyizenga wuuyo weeka mu lwitiho, ileelo we akukuvhwa akushizenga ishivhanza isha Mulungu.

1 VaKolinti 14:5

Ine nkwanza kuuti imwe mwenti muyangaje injango injeni, ileelo inkaani nkwanza kuuti mukuvhwaje. Nkuyanga vhwevhulo, mwe pe kukuvhwa shikunjilwa ishipiti kuluusya kuyanga injango injeni. Inga aliipo umuntu we akuyanga injango injeni, atantulaje, inga ashizengaje ishivhanza mu lwitiho.

1 VaKolinti 7:15

Ileelo umwanaavuli, poosye umwantanda we te mwitisi inga akwanza kumuleha uwamwavho we mwitisi, mumuleshe avhombe inza vwe akwanza. Ipo umwitisi umwanaavuli, poosye umwantanda, atakukungwa nu lulajizyo ulwa kwimalana. Ileelo uMulungu avhiisite kuuti, mulandilaje ku vhutehamu.

1 VaKolinti 8:1

Ishi, naakuyanjila inongwa ziila zye mwaambuziliziizye izya shaakulya she vhafumwizye ku viholanyo. Mukuyanga mukuti, “Iswe swenti tuli nu vhumanyi.” Ileelo uvhumanyi uvhwo, vhukuvhavhiiha avhantu kuuti vhayitumvwaje. Nkandi ishikunzi she shikuvhazenga avhantu mu lwitiho.

2 VaKolinti 12:19

Pamo mukusiivha kuuti ahavhaliilizyo honti iha, tukuyiyanjila, inga mutahatulole kuuti twe vhavhiivhi. Iswe tukuyanga izi, mwe pe twe vhavhomvi avha Chilisiti, nu Mulungu amanyile. Vhankundwa vhaane, tukuvhomba izi zyonti kuvhazenga imwe mu lwitiho.

2 VaKolinti 13:11

Ishi vhamwitu, nkuvhalaga nkuti museshelaje. Musimpaje nu kusuvhalizanya nu kuvha nu vhuliilani nu vhutehamu. Woope uMulungu uwa shikunzi nu vhutehamu kwe avhanje pooka niimwe.

VaEfeso 4:12

Imbombo yaavho ivho vhonti kwe kuvhasengaanya nu kuvhagomwa avhafinjile kuvhomba imbombo yaakwe. Vhakwanzilwa kuvhomba imbombo iya Mulungu, inga umuvhili uwa Chilisiti wuzengwe, kwe kuuti ishivhanza.

VaEfeso 4:29

Mutayangaje amazwi amavhiivhi, muyangaje amazwi aga kuvhazenga avhamwinyu kulandatana na vwe yikwanzilwa, inga vhe vhakutejeelezya vhalyagaje ilonka.

1 Timoti 1:4

Havhili uvhavhuuzye kuuti vhaleshe ivwili vwe vitahondeeye nu kutaha amazina aga wooka wooka aga vhataata, vhe vhahafwa. Izyo zye zikuleeta amadali, zitakuvhagomwa avhantu mu mbombo iya Mulungu ye yikufumililana nu lwitiho.

2 Timoti 2:22

Uzishimbilaje impapilo imbiivhi izya vhujaaha. Ulandataje uvhugolosu nu lwitiho ni shikunzi nu vhutehamu. Umulaavhaje uMwene uYeesu pooka na vhaala vhe vhakumulaavha ku mwoyo umuzelu.

VaHebuli 12:14

Mwe vhamwitu, mukanyilaje kulandila ku vhutehamu na vhantu vhonti. Havhili mukanyilaje kuvha mwe vhafinjile mu vhulanzi vhwinyu, mwe pe ataliipo umuntu we angamulola uMWENE uMulungu ishisita kuvha mufinjile.

1 Peteli 3:11

Yikwanzilwa aleshe kuvhomba imbiivhi, avhombaje inyinza. Havhili alondolaje kuvha nu vhutehamu na vhanji nu kuvhulandata,