VaLoma 14:18 - ULufingwi uLupwa

¹⁸ We akumuvhombela uChilisiti inza vhwevhulo, akumuhondezya uMulungu, havhili akwitishilwa na vhantu.

Tesitamenti Umupwa 1965

¹⁸ shʼuno wengʼakumuvombelʼuChilisiti muzinizi zyonti, wʼuMulungu akumushela, wʼakuhondela nakuvantu.

VaLoma 14:18 ပူးပေါင်းရင်းမြစ်များ

Maliko 13:34

Ishiholanyo isha kugaluha kwane shili ngati muntu we akushuula, ahayileha inyumba yaakwe na vhazya vhaakwe, ahaavhapa vhonti amaha ni mbombo zyavho. Ahamulajizya umuguulizi uwa mulyango ahati, ‘Uvhanje minso.’

Yohani 12:26

Umuntu wonti we akumbombela ine, akwanzilwa andandate. Yeenya, ponti pe indi, nu muvhomvi waane kwe avhanje. Havhili uTaata alimushindiha umuntu wonti we akumbombela ine.

iMbombo izya Vhatumwa 10:35

Ileelo akuvhiitiha avhantu avha mu nsi zyonti, vhe vhakumunyila nu kuvhomba zye zihondeeye pilongolela lyakwe.

VaLoma 12:11

Mutavhanje mwe vhahata, mumuvhombelaje uMwene uYeesu ku mwoyo wonti.

VaLoma 14:4

Ishi iwe we naanu we ungamulonga umuvhomvi uwa muntu uwunji? Umwene waakwe we amanyile inga umuvhomvi waakwe avhomvile ahinza, pamo avhomvile havhiivhi. Umuvhomvi uyo alivhombaga inza vwe yikwanzilwa, mwe pe uMwene uYeesu ali na maha aga kumuvhiiha kuuti avhombaje ahinza.

VaLoma 16:18

Nalyoli avhantu inza ivho vhatakumuvhombela uMwene wiitu uChilisiti, vhakuvhomba ku nsiivho iya kulondola ivintu ivwa kulya vhuuvho. Ku vhuhopenkanyi vhwavho, vhakuyanga amazwi aminza aga kuvhahondezya, fwandi vhakuvhahopenkanya avhantu avha lwitiho uluyeyevhazu.

VaLoma 6:22

Ileelo ishi musatuliilwe kufuma mu vhutalamalandu, mwe vhazya vha Mulungu, ni ilonka lye mukuliposheela, vhufinjile na ku vhusililishilo uvhulanzi uvhwa shiima.

1 VaKolinti 7:22

Nkuyanga vhwevhulo, mwe pe umuntu we áamile muzya lwe uMwene uYeesu akumwita, uyo musatushe kwa Mwene uYeesu. Woope we áamile musatushe lwe uMwene akumwita, uyo muzya uwa Chilisiti.

2 VaKolinti 4:2

Tuhaanile nziila kuvhomba izya kukwilu izya nsoni, poosye kuvhahopenkanya avhantu, poosye kusangaanya izwi ilya Mulungu ni ilenga. Ileelo tukuyanga uvhwanalyoli apazelu, inga avhantu vhonti vhamanyaje mu mooyo gaavho kuuti twe vha nalyoli pilongolela ilya Mulungu.

2 VaKolinti 5:11

Ishi, mwe pe tumanyile kuuti avhantu vhakwanzilwa kumunyila uMwene uYeesu, tukuvha nu mute uwa kuvhalambiilizya avhantu kuuti vhamwitihaje. UMulungu atumanyile ahinza vwe tuli, niine nkusuuvhila kuuti niimwe mutumanyile ahinza mu mooyo giinyu.

2 VaKolinti 5:9

Kuli izyo, insiivho zyitu kwe kumuhondezya uMwene, inga tuli mu muvhili uno, poosye inga tutali mu muvhili uno.

2 VaKolinti 6:4

Ileelo mu zyonti tukulolesya kuuti twe vhavhomvi avha Mulungu. Tukulolesya ilyo kwi idala ilya kujimbiilila nkaani mu mayimba na mu ntamwo na mu ngomu.

2 VaKolinti 8:21

Insiivho zyitu, tukwanza kuvhomba ahinza pilongolela ilya Mwene na pilongolela ilya vhantu.

Filipi 4:18

Vhamwitu, mposheleeye ivintu vwonti viila vwe mwámusonteleziizye uEpafulodiito, kuuti andeetele. Havhili andeteeye ivwinji kuluusya vwe naasovheliilwe, pe ishi indi navwo ivwinji. Ivintu ivwo, vili ngati mpuutile iya mununsi umwinza, havhili mpuutile ye yikwitishilwa nu kumuhondezya uMulungu.

Filipi 4:8

Mwe vhamwitu, kumaliilizya, nkuvhavhuuzya kuuti, muvhanje mukusivhiilila zyonti zye zya nalyoli, zyonti zye zya mushinzi, zyonti zye zya muumwo, zyonti zye te nkandamanu, zyonti zye zihondeeye, zyonti zye zikutiimwa ahinza. Zyonti zye ngolosu, poosye intiimo inyinza, izyo, zye muvhanje mukusivhiilila.

Kolosi 3:24

Mukumbushe kuuti uMwene aliivhapa ishipeelwa she vhupwano vhwinyu. UMwene we mukumuvhombela we wu Chilisiti.

1 Timoti 2:3

Izyo zye nyinza, havhili zye zikumuhondezya uMulungu uMuposhi wiitu.

1 Timoti 5:4

Ileelo inga umuziishe ali na vhaana, poosye avhazukulu, ivho vhasambililaje kuvhaavwa suuti avhaziishe avha mu nyumba zyavho. Vhwevhulo, vwe kwe vhavhanje ngati vhakugalusya vwe avhapaafi vhaavho vhávhavhombeeye, izyo zye nyinza pilongolela ilya Mulungu.

1 Peteli 2:12

Muvhanje nu lujendo ulwinza pilongolela ilya vhantu vhe vhatamwitisile uMulungu. Pe inga vhakuvhayanga kuuti mwe vhavhomba mbiivhi, vhazilolaje imbombo zyinyu inyinza, inga vhahamutiime uMulungu ku zyinyu, isiku ilya kwinza kuvhalonga avhantu vhonti.

1 Peteli 2:20

Ishi kuli lilonka vhuli inga mukujimbiilila, lwe mukuhomwa kuzya vhutalamalandu vhwe mukuvhomba? Ileelo inga mukujimbiilila amayimba kuzya vhwinza vhwe mukuvhomba, pe mukumuhondezya uMulungu.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.

1 Peteli 3:16

Muvhanje na mooyo aminza, pe inga lwe avhantu vhakuvhayanjila izya ilenga nu kuvhaliga kuzya lujendo lwinyu ulwinza ulwa kumulandata uChilisiti, vhalolaje insoni.