VaLoma 14:17 - ULufingwi uLupwa

¹⁷ Yeenya, uvhumwene uvhwa Mulungu vhutakuloleha mu vwe tukulya poosye kumwela, nkandi vhukuloleha mu lujendo lwitu ulwa vhugolosu nu vhutehamu nu luseshelo lwe lukufuma kwa Mupepo uMufinjile.

Tesitamenti Umupwa 1965

¹⁷ Shʼuvumwene vwa Mulungu te ṿwa kulya havili te ṿwa kungʼwela, nkandi Uvwene vwe vugolosu nuvwihalo nuluseshelo muMupepʼuMufinjile,

VaLoma 14:17 ပူးပေါင်းရင်းမြစ်များ

Matayi 3:2

ahatinji, “Mupindushe uvhutalamalandu vhwinyu, mwe pe uvhumwene uvhwa Mulungu vhupalamiiye!”

Matayi 6:33

Imwe muvhulondole suuti uvhumwene uvhwa Mulungu nu vhugolosu vhwakwe, pe ivwo vwonti mulipeelwa.

uLuuka 14:15

Wumo mu vhaala vhe vhávhalanjiiye lwe ayiivwa amazwi aga Yeesu, ahamuvhuuzya ahati, “Alosiitwe, umuntu we aliilya umulyo mu vhumwene uvhwa Mulungu!”

Yohani 16:33

Navhavhuuzya izi, inga muvhe nu vhutehamu, mwe pe muli muhati yaane. Mu nsi umu muli na mayimba, ileelo mugomaje amooyo, mwe pe ine njipoosite insi.”

Yohani 3:3

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu, inga atapafwilwe ulwa vhuvhili.”

Yohani 3:5

UYeesu ahamwamula ahati, “Nalyoli nkukuvhuuzya kuuti, ataliipo umuntu we anginjila mu vhumwene uvhwa Mulungu inga atapafwilwe kwi idala ilya minzi ni lya Mupepo uwa Mulungu.

iMbombo izya Vhatumwa 13:52

Ileelo avhalandati avha Yeesu avha pa Antiyookiya vhahaseshelaga nkaani, nu kwizula uMupepo uMufinjile.

iMbombo izya Vhatumwa 9:31

Mu manda igo, ivivhanza ivwa mu Yudeeya vwonti na mu Galilaaya na mu Samaliya, vihasankaanaga ahavhaliilizyo aha vhutehamu. Vihagomaga nu kumunyila uMwene. UMupepo uMufinjile ahavhagomwaga umwoyo, nu vhwinji vhwavho vhuhonjelaga.

VaLoma 15:13

Pe ishi, nkulaavha kuuti uMulungu we akuutupa ulusuuvhilo, avhiizuzye uluseshelo lwonti nu vhutehamu mu lwitiho lwinyu, inga ulusuuvhilo lwinyu lwonjele ku maha aga Mupepo uMufinjile.

VaLoma 8:6

Umuntu we injeele zyakwe zikulongolwa nu vhuntu uvhwa vhutalamalandu, akuyipelela uvhufwe, ileelo umuntu we injeele zyakwe zikulongolwa nu Mupepo uMufinjile akuvha nu vhulanzi nu vhutehamu.

1 VaKolinti 1:30

UMulungu wuuyo we avhavhiisile imwe kuvha nu vhuliilani nu Chilisiti uYeesu. Uweene amuvhiisile uChilisiti kuvha vhushindamu vhwitu uvhwa njeele. Havhili kwi idala ilya Yeesu, iswe tuvhaziliilwe kuuti twe vhagolosu pilongolela ilya Mulungu, twe vhafinjile, havhili tutavhuliilwe.

1 VaKolinti 4:20

Nkuyanga vhwevhulo, mwe pe uvhumwene uvhwa Mulungu, vhutakuloleha mu mazwi, nkandi mu maha.

1 VaKolinti 6:9

Mutamanyile kuuti avhavhiivhi te vhahinjile mu vhumwene uvhwa Mulungu? Mutahayihopenkanye! Avhalugusu na vhantu vhe vhakupuuta iviholanyo na vhavhembu, poosye vhe vhakuvhembuha avhanaavuli vhuuvho vheeka,

1 VaKolinti 8:8

Ileelo ishaakulya shitakutuvhiiha kuvha papiipi nu Mulungu. Tutakusovhelwa ishintu naashimo inga tutakulya, havhili poosye inga tukulya, tutakwonjezelwa ishintu naashimo.

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaGalati 5:22

Ileelo inga tukulongolwa nu Mupepo uMufinjile, tukuvha na mantonongwa iga: ishikunzi nu luseshelo nu vhutehamu nu vhujimbiilizu nu vhwinza nu vhutesi nu vhutungamu

Filipi 2:1

UChilisiti akuuvhapa umwoyo, ni shikunzi shaakwe shikuvhasuvhaalizya. Muli nu vhuliilani nu Mupepo uMufinjile, havhili mukufwilana uvhwila.

Filipi 3:3

Iswe twe tutahiliilwe ku wanalyoli, mwe pe tukumupuuta uMulungu kwi idala ilya Mupepo waakwe. Tukuyitumvwizya uChilisiti uYeesu, havhili tutakusuuvhila kutahiililwa.

Filipi 3:9

nu kuvha pooka nawo. Ntakusuuvhila havhili indajizyo, inga mbaazilwe kuuti ne mugolosu kuli izyo. Kuvhaazilwa kwane kuuti ne mugolosu, kuvhe kwi idala ilya kumwitiha uChilisiti. Kuvhaazilwa ukwo, kwe kukufuma kwa Mulungu, havhili kukuvha kwi idala ilya lwitiho.

Filipi 4:4

Muvhe nu luseshelo ulwa mwa Mwene uYeesu insiku zyonti, havhili nkuvhavhuuzya kuuti museshelaje!

Filipi 4:7

Pe uvhutehamu vhwe vhukufuma kwa Mulungu vhwe vhukuluusya injeele zyonti, vhulivhuvhatila amooyo giinyu, ni nsiivho zyinyu, mwa Chilisiti uYeesu.

Kolosi 1:11

Tukuvhalaavhila kuuti, uMulungu aavhape amaha kulandatana na maha gaakwe ge gali nu vhushindamu, inga muvhwezye kujimbiilila ku zyonti,

1 VaTesaloniki 1:6

Pooka nu kuuti mwámile mu mayimba kuzya lwitiho lwinyu, ileelo mwáposheleeye Izwi ilyo ku luseshelo lwe lukufuma kwa Mupepo uMufinjile. Vwe mwávhomvile vhwevhulo, mwálandasite ishiholanyo shiitu ni shiholanyo isha Mwene uYeesu.

1 VaTesaloniki 2:12

kuuti mulandataje zye uMulungu akwanza. UMulungu we akuvhiita kuuti, mwinjile mu vhumwene na mu vhushindamu vhwakwe.

VaHebuli 13:9

Mutalandataje insambiilizyo injeni izya mavhiila mu mavhiila. Yeenya, amaha aga mu mooyo giinyu gakufuma mu vhwila uvhwa Mulungu, gatakufuma mu ndajizyo izya vwakulya zye zitangavhaavwa naashimo vhaala vhe vhakuzilandata.

1 Peteli 1:8

Imwe mumukunzite uYeesu, poosye she mutamuvhwenyi, havhili mukumwitiha, poosye she mutamuvhwenyi. Kuli izyo, muli nu luseshelo ulupiti havhili ulwa kusukumizya lwe lutangalondovholwa,

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.