VaLoma 14:15 - ULufingwi uLupwa

¹⁵ Inga iwe ukumuleetela uwamwinyu uvhuswimiilizu ku shaakulya she ukulya, nalyoli ipo ukuvha utali ni shikunzi kwa wamwinyu uyo. Pe ishi, utahiitishe inga hansi kuuti, kwi idala ilya shaakulya shaaho umuteezye umuntu we uChilisiti ahamufwila!

Tesitamenti Umupwa 1965

¹⁵ Apene nyene ingʼuwamwinyu ali muvuswimililwa pazya ṿwa kulya ṿwaho, pʼulujendo lwaho te lwra mushikunzi. Utamunangaje niṿintu ṿwʼukulyʼiwe uwamwinyu, wʼuChilisiti amufwiliye.

VaLoma 14:15 ပူးပေါင်းရင်းမြစ်များ

VaLoma 13:10

Umuntu we ali ni shikunzi, atangamuvhombela imbiivhi naazimo uwamwavho. Kuvhakunda avhanji kwe kulunjisya indajizyo zyonti.

VaLoma 14:20

Utananganyaaje imbombo ya Mulungu kuzya shaakulya. Ivwakulya vwonti vwinza kulya, ileelo havhiivhi kwa muntu kulya shonti she shingamupelela umuntu uwunji kuuti avhombe uvhutalamalandu.

VaLoma 15:2

Avhantu vhonti muli iswe, vhavhavhombelaje inyinza avhamwavho, inga vhazengwaje mu lwitiho.

1 VaKolinti 13:1

Poosye inga indi ni shikunjilwa isha kuyanga injango zyonti izya vhantu ni zya vhahavhizya, ileelo inga ntali ni shikunzi, injango izyo zitangaavwa naashimo, nkuvha inza ibegeeti, poosye inza ipenga lye likuzuma ahalanga.

1 VaKolinti 8:1

Ishi, naakuyanjila inongwa ziila zye mwaambuziliziizye izya shaakulya she vhafumwizye ku viholanyo. Mukuyanga mukuti, “Iswe swenti tuli nu vhumanyi.” Ileelo uvhumanyi uvhwo, vhukuvhavhiiha avhantu kuuti vhayitumvwaje. Nkandi ishikunzi she shikuvhazenga avhantu mu lwitiho.

VaGalati 5:13

Vhamwitu, imwe uMulungu avhiisite, inga muvhe mwe vhasatushe. Ileelo mutavhuvhombelaje uvhusatushe vhwinyu kuvhulandata uvhuntu vhwinyu uvhwa vhutalamalandu, nkandi kwi idala ilya shikunzi mwavwanaje.

VaEfeso 5:2

Mukundanaje ahavhaliilizyo honti, inza vwe uChilisiti ahatukunda nu kufwa ku zyitu. Ahayifumwa inza impuutile iya mununsi umwinza ye yikumuhondezya uMulungu.

2 Peteli 2:1

Ahavhaliilizyo aha vhakuvhwi, vháfumiiye avhakuvhwi avha ilenga mu Vhaisilayeeli. Vhwevhulo, avhasambiilizi avha ilenga vhalifumila muhati yiinyu. Avhasambiilizi ivho vhalileeta ku vhuzigizigi insambiilizyo izya ilenga nu kumuhaana uYeesu uMulongozi uMupiti we ávhatavhuuye. Kwi idala ilya nsambiilizyo zyavho, vhaliyileteelela naluvhiilo kulovha kwavho.

1 Yohani 2:2

UYeesu we mpuutile iya kuvhoolwa, kwi idala ilyo, áyefwizye uvhutalamalandu vhwitu nu kutukundanya nu Mulungu. Havhili te kuuti áyefwizye vhwe vhutalamalandu vhwitu vhweka vhweleele, nkandi nu vhwa vhantu vhonti.