VaLoma 14:13 - ULufingwi uLupwa

¹³ Ishi, tuleshe kulongana, poosye kuvhomba lyonti lye lingamupelela uwamwitu kupunula, poosye kuvhomba uvhutalamalandu.

Tesitamenti Umupwa 1965

¹³ Ukwo lelo situleshʼukulongana nkandi mwitinkane, ukuti numo atamupelelaje nazimo izya kupunula nizya kumupuṿwa uwamwavo.

VaLoma 14:13 ပူးပေါင်းရင်းမြစ်များ

Matayi 16:23

Ileelo uYeesu ahagalunkana kwa Peeteli, ahamuvhuuzya ahati, “Galuuha mwisinda iwe Seetano! Ukulinga kundinda kuvhomba ulukasamo ulwa Mulungu! Nkukuvhuuzya isho, mwe pe zye ukusiivha te zya Mulungu, ukusiivha izya vhantu.”

Matayi 18:7

“Mwasheela mwe vhantu mwe vha mu nsi umu, ku ndingo zye zikupelela avhantu kuvhomba uvhutalamalandu! Indingo izyo zikwanzilwa kwinza, ileelo asheela umuntu we akuzileeta indingo izyo!

Matayi 7:1

“Mutavhalongaje avhamwinyu, inga niimwe mutahinze mulongwe.

uLuuka 12:57

“Shooni she mutakusaavhula kuvhomba ingolosu?

uLuuka 17:2

Yaamile kwashi umuntu uyo kupinyiilwa ulwala mu nsingo yaakwe, nu kusumbilwa mwa sumbi, kuluusya amayimba ge galimwaga, mwe pe amupelela wumo mu vhansi ivha kuvhomba uvhutalamalandu!

VaLoma 11:9

Woope umwene uDaavhudi átili, “Umulyo waavho wupelwe kuvha lwagulo ni ilivha, havhili wuvhe lipunulo nu kuvha lisunde ku kwavho.

VaLoma 14:10

Ishi shooni she ukumulonga uwamwinyu? Havhili shooni she ukumusuufwa uwamwinyu? Yeenya, iswe swenti tuliyimiilila kulongwa pilongolela ilya Mulungu.

VaLoma 14:3

We akulya ivintu vwonti atamusufwaje we akulya zye nyanyi izya matundu, woope we akulya zye nyanyi izya matundu, atamusufwaje we akulya ivintu vwonti, mwe pe uMulungu amuposheleeye uweene.

VaLoma 14:4

Ishi iwe we naanu we ungamulonga umuvhomvi uwa muntu uwunji? Umwene waakwe we amanyile inga umuvhomvi waakwe avhomvile ahinza, pamo avhomvile havhiivhi. Umuvhomvi uyo alivhombaga inza vwe yikwanzilwa, mwe pe uMwene uYeesu ali na maha aga kumuvhiiha kuuti avhombaje ahinza.

VaLoma 16:17

Ishi, vhamwitu, nkuvhasoha kuuti muvhe minso na vhantu vhaala, vhe insambiilizyo zyavho zikuvhavhiiha avhiitisi kuuti vhatapunkane. Muvhe apatali navho, mwe pe insambiilizyo zyavho zikusugaana ni nsambiilizyo zye musambiliiye. Mutantame navho.

1 VaKolinti 10:32

Mutavhavwalazyaje amooyo aVhayuuda, poosye vhe te Vhayuuda, poosye avhantu avha mu shivhanza isha Mulungu.

1 VaKolinti 11:13

Ishi sivhiliili mweneemwe, vhuli, yihondeeye umwantanda kumulaavha uMulungu ishisita kwuvhala kwi itwe?

2 VaKolinti 5:14

Ishikunzi isha Chilisiti shikutulongola iswe, mwe pe tumanyile kuuti umuntu wooka áfuuye kuzya vhantu vhonti, kuli izyo, avhantu vhonti vháfuuye.

2 VaKolinti 6:3

Ishi tutakuvhomba lyonti lye likuvhapunuzya avhanji, inga uvhuvhomvi vhwitu vhutahinze vhuyangwe havhiivhi.

Filipi 1:10

inga mwamulaje zye nyinza. Pe muliivha mwe vhagolosu ishisita uvhunanzi kufishila isiku lye uChilisiti aligaluha.

1 Timoti 5:14

Izyo zye zikumbiiha injanje kuuti avhaziishe vhe vhalindu vhanyatulwaje. Vhapaapaje avhaana nu kusunga inyumba zyavho, inga vhatahinze vhaamupe umulugu idala ilya kutusaamula.

Yakobu 2:4

vhuli, te lwe mwavhomba izya vhunyala? Vhuli, te lwe mwafumwa uvhulonzi, kufumiilana ni nsiivho zyinyu imbiivhi?

Yakobu 4:11

Mwe vhamwitu, mutayanjilanaje imbiivhi. Umuntu we akumuyanga havhiivhi uwamwavho, poosye kumulonga, akuziyanjila havhiivhi indajizyo izya Mulungu nu kuzisuufwa. Lwe ukuzisuufwa indajizyo, utakuzishindiha, nkandi ukuzihaana.

1 Yohani 2:10

Umuntu we akumukunda uwamwavho, akulandila mu vhuzelu. Havhili muhati yaakwe shitaliipo naashimo isha kumwazya kuvhomba uvhutalamalandu.

Ishitushizya 2:14

Ileelo indi na mazwi mansi niiwe: Vhamo muli imwe vhakulandata insambiilizyo izya Baalamu. Ula we ámusambiliziizye uBaalaki kuvhapuvwa aVhaisilayeeli kuuti vhalye impuutile zye vháfumwizye ku viholanyo nu kuvhembuha.