VaLoma 14:1 - ULufingwi uLupwa

¹ Mumuposheelaje uwamwinyu we muyeyevhazu mu lwitiho, mutadalinkanaje nawo ku nsiivho zyakwe zye zikusugaana ni zyinyu.

Tesitamenti Umupwa 1965

¹ Uno wenga muyeyevazu mulwitiho, we mumuposhelajʼahinza, kwe ndali kuzya kumulonga insivo zyakwe.

VaLoma 14:1 ပူးပေါင်းရင်းမြစ်များ

Matayi 12:20

Te ahaavhe muhali ku vhayeyevhazu inza vwe atangalivunza itete ilyolo. Havhili te ahaavhe muhali ku vhe vhatali nu wa kuvhaavwa inza vwe atangavhuzimanya uvhutambi vhwe vhukusuuha ilyosi. Kumpeleela alivhuvhiiha uvhwanalyoli vhupoote.

Matayi 14:31

Naluvhiilo, uYeesu ahagolosya inyoovhe nu kumulema, ahamuvhuuzya ahati, “We wa lwitiho ulunsi, shooni she uli na maganigani?”

Matayi 18:10

“Muvhanje minso, mutamusufwaje wumo mu vhansi ivha! Nkuvhavhuuzya kuuti, avhahavhizya vhaavho ku mwanya, ahavhaliilizyo honti vhali pilongolela ilya Taata waane uwa ku mwanya.

Maliko 7:19

Yeenya, shitakumwinjila mu mwoyo, shikumwinjila mu lwanda, nu kusogola ku shikwilo.” Kuyanga vhwevhulo ahavhitishila ivwakulya vwonti.

uLuuka 17:2

Yaamile kwashi umuntu uyo kupinyiilwa ulwala mu nsingo yaakwe, nu kusumbilwa mwa sumbi, kuluusya amayimba ge galimwaga, mwe pe amupelela wumo mu vhansi ivha kuvhomba uvhutalamalandu!

Yohani 13:20

Nalyoli nkuvhavhuuzya kuuti, umuntu wonti we akumuposheela we imutumiliziizye, akumposheela neene, woope we akumposheela ine, akumuposheela we antumiliziizye.”

iMbombo izya Vhatumwa 28:2

Avhahaaya avha pa Meliita vhahatwavwa nkaani. Vhahatupembela umwoto uwa kwota, mwe pe kwámile impepo, havhili imvula yihatimaga.

VaLoma 11:15

Ishi inga kuhaanwa ukwa Vhayuuda kwávhapeleeye vhe te Vhayuuda kwivwana nu Mulungu, pe ziliivha vhuli lwe aVhayuuda vhaposheelwa nu Mulungu? Nalyoli kuposheelwa kwavho kuliivha fwe kwe kuzyuha ukwa vhafwe.

VaLoma 14:2

Yeenya, umuntu wumo kulandatana nu lwitiho lwakwe ali nu vhusatushe uvhwa kulya ivintu vwonti, ileelo uwamwavho we muyeyevhazu mu lwitiho, akulola kuuti akwanzilwa kulya zye nyanyi izya matundu.

VaLoma 14:21

Hinza kuleha kuvhomba zye zingamupelela uwamwinyu kuuti apunule, yivhe kwe kulya inyama, poosye kumwela ipele, poosye ishinji shonti shiila.

VaLoma 14:3

We akulya ivintu vwonti atamusufwaje we akulya zye nyanyi izya matundu, woope we akulya zye nyanyi izya matundu, atamusufwaje we akulya ivintu vwonti, mwe pe uMulungu amuposheleeye uweene.

VaLoma 15:1

Ishi iswe twe tugomile mu lwitiho, yikwanzilwa tuvhajimbililaje vhaala vhe vhatagomile mu lwitiho, tuleshe kuvhomba ziila zye zikutuhondezya sweneeswe.

VaLoma 15:7

Ishi muposhelanaje inza vwe woope uChilisiti avhaposheleeye imwe, inga uMulungu ashindikwaje.

VaLoma 4:19

Ahavhaliilizyo he uMulungu ámuvhuziizye, uAabulahamu áamile na maaha 100 ishi. Uweene ámanyile kuuti, umuvhili waakwe wáamile ngati wufuuye, havhili woope umushi waakwe uSaala áamile mugumba. Ileelo pooka niizyo ulwitiho lwakwe lutátozosile.

1 VaKolinti 9:22

Havhili lwe náali ku vhayeyevhazu mu lwitiho, náali inza umuyeyevhazu mu lwitiho, inga mbaaje vhamwitishe uChilisiti. Ku vhantu vhonti náyivhiisile kuvha ne wamwavho, inga ku madala gonti imbaposhe vhamo.

Filipi 2:29

Mumuposheele ngati wamwitu mwa Mwene ku luseshelo ulupiti. Mukwanzilwa kuvhashindiha avhantu vhe vhali inza uweene,

1 VaTesaloniki 5:14

Vhamwitu, tukuvhalambiilizya kuuti muvhasohaje avhahata nu kuvhagomwa vhe vhavunzisile amooyo. Havhili muvhagomwaje vhe vhatali na maha nu kuvhajimbiilila avhantu vhonti.

VaHebuli 5:14

Ileelo avhantu vhe vhagomile vhe vhakulya ishaakulya ishigomu. Ivho vhe kwi idala ilya kuyiluvhaalizya, vhavheleleeye kuzimanyinsanya inyinza ni mbiivhi.

2 Yohani 1:10

Inga umuntu akwinza kuli imwe we atakusambiilizya insambiilizyo izyo izya Chilisiti, mutamuposheelaje mu nyumba zyinyu, havhili mutamulamuhaje inza avhiitisi avhamwinyu.