VaLoma 13:7 - ULufingwi uLupwa

⁷ Pe ishi, muvhavhombelaje avhalongozi vhonti zye zikwanzilwa kuvhavhombela. Inga mukwanzilwa kusonka umusonko uwa mavhiila mu mavhiila, musonkaje, inga wumo akwanzilwa kumunyila, mumunyilaje, havhili inga wumo akwanzilwa kumushindiha, mumushindihaje.

Tesitamenti Umupwa 1965

⁷ Vonti muvapanje huho henga vakuti muvapanje. Uwa musonko mumupanjʼumusonko; izya pampaho muvapanjʼava pampaho; uwa kumunyila we mumunyilaje; uwa kumushindiha we mumushindihaje.

VaLoma 13:7 ပူးပေါင်းရင်းမြစ်များ

Matayi 17:25

UPeeteli ahavhaamula ahati, “Vwe zili, akufumwaga.” Pe uPeeteli ahinjila mu nyumba ye uYeesu áamile. Ileelo lwe uPeeteli ashiili kuyanga naashimo, uYeesu ahati, “We Siimoni, ukulola vhuli? Avhamwene avha mu nsi umu vhakusonchezyaga umusonko ku vhantu vhuli? Ku vhaana vhaavho pamo ku vhanji?”

Matayi 22:21

Vhahamwamula vhahati, “Vwa Kayisaali.” Pe uYeesu ahavhavhuuzya ahati, “Ishi ivwa Kayisaali mumupanje uKayisaali, vwope ivwa Mulungu mumupanje uMulungu.”

Maliko 12:17

Pe uYeesu ahavhavhuuzya ahati, “Ishi, ivwa Kayisaali mumupanje uKayisaali, vwope ivwa Mulungu mumupanje uMulungu.” Avhantu ivho vhahasukumila nkaani vwe uYeesu áyamuuye.

uLuuka 20:22

Vhuli, indajizyo izya Moose zikutwitishila kusonka umusonko kwa Kayisaali?”

uLuuka 20:25

Pe uYeesu ahavhavhuuzya ahati, “Ishi, ivwa Kayisaali, mumupanje uKayisaali, vwope ivwa Mulungu mumupanje uMulungu.”

uLuuka 23:2

Vhahanda kumulonjeelela, vhahati, “Umuntu uno, twaamuvhwenyi akusambiilizya insambiilizyo zye zikuvhavhiiha avhantu kusambuha mu nsi yiitu. Akuvhahaana avhantu kufumwa umusonko kwa Kayisaali, havhili akuyanga akuti uweene wu Chilisiti, uMwene.”

VaLoma 12:10

Mukundanaje inza avhanine vwe vhakukundana. Uvhashindihaje avhamwinyu kuluusya vwe ukuyishindiha weneewe.

VaLoma 13:6

Havhili mukusonka umusonko, mwe pe avhalongozi avha silikaali lwe vhakuvhomba imbombo ku mute, vhakumuvhombela wu Mulungu.

VaEfeso 5:33

Ileelo niimwe vhweleele nkuvhavhuuzya mwenti kuuti, umwanaavuli akwanzilwa kumukunda umushi waakwe inza vwe akuyikunda wuuyo, woope umwantanda akwanzilwa kumushindiha umulume waakwe.

VaEfeso 6:5

Niimwe mwe vhazya, mukwanzilwa muvhashindihaje nu kuvhanyila avhamwene vhiinyu. Muvhombaje vhwevhulo ku mwoyo wonti, inza vwe mukumuvhombela uChilisiti.

1 Timoti 5:13

Pooka ni zyo, vhanganda kujendanga mu nyumba zya vhantu kuzya vhuhata. Te ziniizyo zyeka haa, nkandi nu kukwakwasya nu kuyanga zye zitahondeeye na zye te nyinza.

1 Timoti 5:17

Avhasongo vhe vhakulongozya ishivhanza ahinza, yikwanzilwa kuuti vhashindikwaje nu kupeelwa amalipilo aminza ku mbombo zyavho. Zivhombehaje vhwevhulo, inkaani ku vhaala vhe vhakuyifumwa kuvhalumbiilila nu kuvhasambiilizya avhantu izwi ilya Mulungu.

1 Timoti 6:1

Avhazya vhonti, vhakwanzilwa kuuti vhavhashindihaje avhamwene vhaavho ku mushinzi wonti, inga izina ilya Mulungu litahinze lisaamulwe pooka ni nsambiilizyo zye tukusambiilizya.

1 Peteli 3:7

Niimwe mwe vhanaavuli mwe mwimaaye, mukwanzilwa mutendamaje ku njeele na vhashi vhiinyu, mwe pe mumanyile kuuti vhatali na maha inza imwe. Havhili muvhasunjililaje ku mushinzi, mwe pe uMulungu akuuvhapa mwenti uvhulanzi uvhwa shiima. Muvhombaje vhwevhulo, inga impuuto zyinyu zitadindilwaje.