VaLoma 12:8 - ULufingwi uLupwa

⁸ We ali ni shikunjilwa isha kuvhasuvhaalizya avhanji, avhombaje vhwevhulo, woope umutesi ku vhantu, afumwaje ivintu ku mwoyo wonti. We ali ni shikunjilwa isha kuvhalongozya avhanji, avhombaje ku mute, woope we ali ni shikunjilwa isha kuvhafwila avhanji uvhwila, avhombaje vhwevhulo ku luseshelo.

Tesitamenti Umupwa 1965

⁸ wengʼakusoha munsoshe zyakwe; wengʼakuvapʼiṿwa kuvapa atasivajʼizinji pupo; wenga wʼusongo apangamalajʼimbombo yakwe; wengʼakuvombʼizya shikuku avombaje shʼasankine.

VaLoma 12:8 ပူးပေါင်းရင်းမြစ်များ

Matayi 25:40

Pe ine ne Mwene ndivhaamula ndiiti, ‘Nalyoli nkuvhavhuuzya kuuti, lyonti lye mwámuvhombeeye wumo mu vhamwitu ivha vhe te vhamwamu, mwámbombeeye neene.’

iMbombo izya Vhatumwa 11:23

Lwe aafiha ukwo, ahalola vwe uMulungu avhaloosite avhantu ivho, ahaseshela nkaani. Ahavhalambiilizya vhonti kuuti, vhajendelelaje kuvha vhatungamu kwa Mwene uYeesu ku mwoyo wonti.

iMbombo izya Vhatumwa 13:12

Umupiti ula lwe aalola zye zyavhombeha, ahamwitiha uMwene uYeesu. Havhili ahasukumila nkaani insambiilizyo zye ázyivuuye kuzya Mwene uYeesu.

iMbombo izya Vhatumwa 13:15

Lwe vhatendama, umuntu wumo ahavhaazya mwi ikalaata ilya ndajizyo izya Moose, na mu mazwi aga vhakuvhwi. Pe avhapiti avha isinagoogi vhahasonteelezya umuntu kwa Paavhuli nu Balinaaba, avhavhuuzye ati, “Vhamwitu, inga muli ni izwi ilya kuvhavhuuzya avhantu kuvhagomwa amooyo, muyanje.”

iMbombo izya Vhatumwa 15:32

Avha Yuuda nu Siila vhoope vháamile vhakuvhwi, vhahayanga na vhamwavho ku havhaliilizyo ahatali, vhahavhasuvhaalizya nu kuvhagomwa.

iMbombo izya Vhatumwa 20:2

Ukwo ahatuuha mwonti, ahavhagomwa avhalandati amooyo ku mazwi aminji. Pe ahasogola mu nsi iya Vhuyunaani.

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

iMbombo izya Vhatumwa 4:36

Kwámile uMulaawi wumo, we áamile muhaaya wa mu nsi iya Kiipulo. Umuntu uyo izina lyakwe vhahatinji uYoosefu. Avhatumwa vhámupiiye izina ilya Balinaaba (kwe kuuti, “We Akusuvhaalizya”).

VaLoma 12:13

Muvhavwaje avhafinjile ivintu vwe vhasovheliilwe, havhili muvhaposheelaje ahinza avhajeni mu nyumba zyinyu.

VaLoma 13:6

Havhili mukusonka umusonko, mwe pe avhalongozi avha silikaali lwe vhakuvhomba imbombo ku mute, vhakumuvhombela wu Mulungu.

1 VaKolinti 12:28

Mu shivhanza, uMulungu ávhavhiisile avhatumwa na vhakuvhwi na vhasambiilizi. Havhili ávhavhiisile vhe vhakuvhomba amafindango na vha shikunjilwa isha kuponia avhavhinu na vha shikunjilwa isha kuvhaavwa avhanji na vha shikunjilwa isha kulongozya na vha shikunjilwa isha kuyanga injango injeni.

1 VaKolinti 14:3

Ileelo umuntu we akukuvhwa, akuyanga na vhantu amazwi aga kuvhazenga mu lwitiho nu kuvhasuvhaalizya nu kuvhagomwa amooyo.

2 VaKolinti 1:12

Ishi iswe tukuyitumvwa kuli ili: Tukuyilola mu mooyo giitu kuuti mu nsi umu, inkaani kuli imwe, twálandiiye ku vhugolosu, havhili na ku mwoyo umuzelu kufuma kwa Mulungu. Tutávhomvile vhwevhulo ku vhushindamu vhwitu uvhwa njeele, nkandi ku vhwila uvhwa Mulungu.

2 VaKolinti 11:3

Ileelo ishi nkwogopa kuuti inza uEeva vwe áhopeliilwe ni njoha yiila, niimwe mutahinze muhopelwe, muvhuleshe uvhugolosu na mooyo giinyu amazelu kwa Chilisiti.

2 VaKolinti 8:12

Inga umuntu akufumwa ku lusungwo lwakwe, uMulungu akuposheela, mwe pe uMulungu akuposheela kulandatana na vwe umuntu ali navwo, te kuuti vwe atali navwo.

2 VaKolinti 9:11

Uweene akuuvhapa uvhudumbwe mu zyonti, inga muvhanje mwe vhatesi shiima. Kwi idala ilyo, avhantu kwe vhamusalifwaje uMulungu, lwe iswe tukuuvhapa ivintu ivwo vwe vwafuma kuli imwe.

2 VaKolinti 9:13

Imbombo iyo yikulolesya kuuti mwe vhavhomvi avhinza avha Mulungu. Avhantu vhakumutiima uMulungu kuzya mushinzi wiinyu uwa kwitiha Izwi iLyinza ilya Chilisiti. Havhili vhakumutiima, lwe vhakulola uvhutesi vhwinyu ku kwavho na ku vhantu avhanji vhonti.

2 VaKolinti 9:7

Avhantu vhonti vhafumwaje inza vwe vhakwanza mu mooyo gaavho, vhatafumwaje ku vhuswimiilizu, poosye kwi idala ilya kuvhavijiilizya, mwe pe uMulungu akumukunda umuntu we akufumwa ku mwoyo wonti.

VaEfeso 6:5

Niimwe mwe vhazya, mukwanzilwa muvhashindihaje nu kuvhanyila avhamwene vhiinyu. Muvhombaje vhwevhulo ku mwoyo wonti, inza vwe mukumuvhombela uChilisiti.

Kolosi 3:22

Niimwe mwe vhazya, muvhashindihaje avhamwene vhiinyu avha havhaliilizyo iha ku mbombo zyonti. Mutavhombaje isho lwe vhakuvhalola vhweleele, inga muyilolesye kuuti muhondeeye. Muvhashindihaje shiima ku mwoyo wonti, mwe pe mukumunyila uMwene uYeesu.

1 VaTesaloniki 2:3

Mwe pe ku nongwa zye tukuhomeelezya kuli imwe, tutakusivhiilila kuvhahopenkanya, poosye kuvhahandamania, poosye kuyanga imbiivhi.

1 VaTesaloniki 2:8

Twávhakunzite imwe nkaani. Kuli izyo, twásesheeye te kwe kuvhavhuuzya Izwi iLyinza ilya Mulungu vhweleele, nkandi havhili nu kuyifumwa kuvhomba zyonti zye zihondeeye kuvhaavwa, mwe pe nalyoli mwe vhankundwa vhiitu.

1 Timoti 4:13

Uvhe nu mute kuvhavhaazizya avhantu uVhusimbe uVhufinjile, havhili uvhagomwaje amooyo nu kuvhasambiilizya. Uvhombaje izyo shiima kufishila ahavhaliilizyo he ndiyinza.

1 Timoti 5:17

Avhasongo vhe vhakulongozya ishivhanza ahinza, yikwanzilwa kuuti vhashindikwaje nu kupeelwa amalipilo aminza ku mbombo zyavho. Zivhombehaje vhwevhulo, inkaani ku vhaala vhe vhakuyifumwa kuvhalumbiilila nu kuvhasambiilizya avhantu izwi ilya Mulungu.

1 Timoti 6:18

Havhili, uvhavhuzyaje kuuti vhavhombaje inyinza, inga vhavhe vhe vhadumbwe ku nyinza. Vhavhanje nu vhwila uvhwa kuvhaavwa avhanji ni vwuma vwavho ku mwoyo uwa luseshelo.

VaHebuli 10:25

Tutahagaleshe amaata giitu aga kuhomaana inza vwe avhantu avhanji vhalesile kuhomaana. Ileelo tujendeelele kugomanya amooyo, mwe pe tumanyile kuuti isiku ilya kugaluha uMwene uYeesu lipalamiiye.

VaHebuli 13:17

Muvhashindihaje avhalongozi vhiinyu nu kuyiisya ku kwavho, mwe pe vhe vhakuvhasunga ahavhaliilizyo honti ishisita kulita. Havhili vhalilondovhola pilongolela ilya Mulungu izya mbombo yaavho. Kuli izyo, muvhashindihaje, inga vhavhombaje imbombo yaavho ku luseshelo. Inga mutakuvhashindiha, kwe vhavhombaje imbombo ku vhuswimiilizu ni mbombo yaavho iyo yitangavha ni ilonka kuli imwe.

VaHebuli 13:22

Mwe vhamwitu, nkuvhalambiilizya nkaani kuuti mugalandataje amazwi amansi iga aga kuvhasuvhaalizya ge mbasimbiiye mwa kalaata uno.

VaHebuli 13:24

Muvhalamushe avhalongozi vhonti na vhafinjile vhonti vhe muli navho ukwo. Avhiitisi avha mu nsi iya Itaaliya vhakuvhalamuha.

VaHebuli 13:7

Muvhakumbuhaje avhalongozi vhaala vhe vhahavhasambilizyaga izwi ilya Mulungu. Mulusivhililaje ulujendo lwavho ulwinza, lwe vháali nalwo mu vhulanzi vhwavho nu kululandata ulwitiho lwavho.