VaLoma 12:7 - ULufingwi uLupwa

⁷ We ali ni shikunjilwa isha vhuvhombezi, avhombaje vhwevhulo, woope we ali ni shikunjilwa isha kusambiilizya, asambilizyaje.

Tesitamenti Umupwa 1965

⁷ inga vuvombezi, pe vulolehaje mumbombo zya kuvavombelʼavantu; wengʼakusambilizya muvusambilizi vwakwe;

VaLoma 12:7 ပူးပေါင်းရင်းမြစ်များ

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

Yohani 3:2

Isiku limo uvhusiku, uNikodeemo ahasogola kwa Yeesu, ahamuvhuuzya ahati, “We Musambiilizi, tumanyile kuuti iwe we Musambiilizi we uMulungu akusonteleziizye, mwe pe ataliipo umuntu we angavhomba ivilolesyo vwe ukuvhomba inga uMulungu atali pooka nawo.”

iMbombo izya Vhatumwa 13:1

Mu shivhanza isha mu Antiyookiya mwámile avhakuvhwi na vhasambiilizi. Ivho vháali vhe vha Balinaaba nu Simiyooni (we vhahatinji uNiigeli) nu Luukiyo uwa ku Kileene nu Manayeeni (we ásunjiliilwe pooka nu mwene uHeelodi) nu Saavhuli.

iMbombo izya Vhatumwa 20:20

Mumanyile kuuti ntahavhazyihaga izwi lyonti lye lingavhaavwa, ileelo nkavhasambilizyaga apazelu na mu nyumba zyinyu.

iMbombo izya Vhatumwa 20:28

Muyisunjililaje mweneemwe, pooka ni mpuga yiila ye uMupepo uMufinjile avhavhiisile imwe kuvha mwe vhimiilizi. Mushidiimaje ishivhanza isha Mulungu she áshikazile ku mavhanda gaakwe wuuyo.

iMbombo izya Vhatumwa 6:1

Insiku izyo, uvhwinji uvhwa vhalandati avha Yeesu vhuhonjelaga nkaani. Muli ivho, vháliipo aVhayuuda vhe vhahayangaga injango iya Shiyunaani, na vhe vhahayangaga injango iya Shiyalaamu. Isiku limo kuhafumila kuyivhuna. AVhayuuda vhe vhahayangaga iShiyunaani vhahayivhunaga kuuti avhaziishe vhaavho vhahavhaluvwaga kuvhagavhila ivwakulya insiku zyonti.

1 VaKolinti 12:28

Mu shivhanza, uMulungu ávhavhiisile avhatumwa na vhakuvhwi na vhasambiilizi. Havhili ávhavhiisile vhe vhakuvhomba amafindango na vha shikunjilwa isha kuponia avhavhinu na vha shikunjilwa isha kuvhaavwa avhanji na vha shikunjilwa isha kulongozya na vha shikunjilwa isha kuyanga injango injeni.

1 VaKolinti 12:5

Havhili kumuvhombela uMwene kuli ukwa mavhiila mu mavhiila, ileelo uMwene we akuvhombelwa we wewuula.

1 VaKolinti 14:26

Ishi vhamwitu tuti vhuli? Lwe muvhungiine kupuuta, inga wumo ali nu lwimbo nu wamwavho ali ni nsambiilizyo, wumo akwanza kuyanga zye uMulungu amulolesiizye nu wamwavho akuyanga injango injeni nu wamwavho akutantula injango injeni, izi zyonti zivhombehaje mu nsiivho izya kushizenga ishivhanza.

VaGalati 6:6

Umuntu we akusambiilila izwi ilya Mulungu, amugavhilaje umusambiilizi waakwe ivintu ivwinza vimo vwe akulonka.

VaEfeso 4:11

Uweene ávhaloosite avhantu ivikunjilwa. Vhamo ávhasavhuuye kuuti vhavhe vhatumwa, avhamwavho vhavhe vhakuvhwi, avhamwavho vhavhe vhalumbiilizi, avhamwavho vhoope vhavhe vhadiimi havhili vhasambiilizi avha vhantu.

Kolosi 4:17

Mumuvhuuzye uAlikiipo kuuti amale ahinza imbombo ye uMwene ámupiiye.

1 Timoti 2:7

Ku vhwahoome uvhwo, mbisiilwe kuvha ne hakumusya havhili ne mutumwa, kuzya kusambiilizya avhantu vhe te Vhayuuda kuuti vhoope vhamwitishe mu vhwanalyoli. Izi zye nkuyanga zya nalyoli, te zya ilenga!

1 Timoti 3:2

Ileelo umwimiilizi akwanzilwa avhe muntu we atakukwinkwinwa. Avhe nu mushi wooka vhweleele. Avhe muntu we akuyikonzya nu kuvha nu vhutimvu, havhili we avhantu vhakumushindiha. Avhe muntu we mutesi ku vhajeni na we amanyile kusambiilizya.

1 Timoti 4:16

Uyenyaaje vwe ukulandila na mazwi ge ukusambiilizya. Inga ukuvhomba izyo, pe kwe uyiposhe nu kuvhapoha vhe vhakukutejeelezya.

1 Timoti 5:17

Avhasongo vhe vhakulongozya ishivhanza ahinza, yikwanzilwa kuuti vhashindikwaje nu kupeelwa amalipilo aminza ku mbombo zyavho. Zivhombehaje vhwevhulo, inkaani ku vhaala vhe vhakuyifumwa kuvhalumbiilila nu kuvhasambiilizya avhantu izwi ilya Mulungu.

2 Timoti 2:2

Amazwi ge nkagayangaga pilongolela ilya vhahoome avhinji, niiwe wágivuuye. Amazwi igo uvhasambiilizye avhantu avhatungamu vhe vhangavhasambiilizya na vhanji.

2 Timoti 2:24

Umuvhomvi uwa Mwene uYeesu atakwanzilwa kuvha muntu wa ivho, nkandi kuvha mutonsu ku vhantu vhonti. Havhili akwanzilwa amanye kusambiilizya izwi ilya Mulungu nu kuvha mujimbiilizu.

2 Timoti 4:2

Uvhakumusizyaje avhantu izwi ilya Mulungu, yivhe kwe ku havhaliilizyo he hahondeeye, poosye he hatahondeeye. Havhili uvhasohaje nu kuvhapilila nu kuvhagomwa amooyo nu kuvhasambiilizya vhujimbiilizu vhwonti.