VaLoma 12:6 - ULufingwi uLupwa

⁶ Kuli izyo, tupeliilwe ivikunjilwa vwe vikusugaana, kulandatana nu vhwila vhwe tupeliilwe. We ali ni shikunjilwa isha vhukuvhwi, akuvhwaje kulandatana nu lwitiho lwakwe.

Tesitamenti Umupwa 1965

⁶ Swenti tuli niṿikunjilwa ṿwe ṿivaliye muvwila vwʼatupiye wuyo, unʼuvwakwe payo, unʼuvwakwe payo; inga vukuvwi, pe vuholanaje nulwitiho,

VaLoma 12:6 ပူးပေါင်းရင်းမြစ်များ

Matayi 23:34

Kuli izyo, yeenya, ndivhasonteelezya kuli imwe avhakuvhwi na vhashindamu avha njeele na vhasambiilizi avha ndajizyo. Ileelo vhamo muli ivho mulivhagoga nu kuvhahomeela pa shihovhenkanyo, avhamwavho mulivhahoma nu muchaapu mu masinagoogi giinyu na vhamwavho mulivhashimbizya kufuma mu nkaaya yimo kuvhala mu nkaaya iyinji.

Matayi 25:22

“Woope umuvhomvi ula we ámupiiye italanta zivhili ahinza ni talanta izyamwavho zivhili, ahamuvhuuzya ahati, ‘We mwene, italanta zye waandesheeye zivhili, yeenya, zipaafile izyamwavho zivhili izi.’

uLuuka 11:49

“Izyo zye zyámuvhiisile uMulungu kuuti ayanje ku vhushindamu vhwakwe uvhwa njeele ati, ‘Ndivhasonteelezya avhakuvhwi na vhatumwa ku kwavho, ileelo vhamo vhalivhagoga na vhamwavho vhalivhayimvwa.’

iMbombo izya Vhatumwa 13:1

Mu shivhanza isha mu Antiyookiya mwámile avhakuvhwi na vhasambiilizi. Ivho vháali vhe vha Balinaaba nu Simiyooni (we vhahatinji uNiigeli) nu Luukiyo uwa ku Kileene nu Manayeeni (we ásunjiliilwe pooka nu mwene uHeelodi) nu Saavhuli.

iMbombo izya Vhatumwa 15:32

Avha Yuuda nu Siila vhoope vháamile vhakuvhwi, vhahayanga na vhamwavho ku havhaliilizyo ahatali, vhahavhasuvhaalizya nu kuvhagomwa.

iMbombo izya Vhatumwa 2:17

‘Ku manda aga kumpeleela, ndiivhapa avhantu vhonti uMupepo waane ku vhwinji. Avhaana vhiinyu avhanaavuli na vhalindu vhalikuvhwaga uvhukuvhwi, avhaana vhiinyu avhajaaha vhalilolaga injozi izya pa minso amazelu, vhoope avhasongo vhalilootaga injozi.

iMbombo izya Vhatumwa 21:9

Umuntu uyo áamile na vhaana vhane avhalindu vhe vhatímaliilwe. Avhaana ivho, vháamile ni shikunjilwa isha kukuvhwa uvhukuvhwi.

VaLoma 1:11

Nyonyiilwe nkaani kuvhavuula, inga ninze indilizanye ishikunjilwa isha mwa Mupepo uMufinjile isha kuvhagomwa amooyo giinyu,

VaLoma 12:3

Ishi, mwe pe uChilisiti ampiiye uvhwila kuuti mbe ne mutumwa waakwe, nkuvhavhuuzya mwenti kuuti, muleshe kuyilola kuuti muhondeeye kuluusya vwe muli. Muyilolaje kuuti, mwenti mupeliilwe ulwitiho lweluula nu Mulungu.

1 VaKolinti 12:18

Ileelo uMulungu avivhiisile ivipelwa vwonti ivwa muvhili inza vwe akasiime wuuyo.

1 VaKolinti 13:2

Havhili poosye inga indi ni shikunjilwa isha vhukuvhwi nu kumanyinsanya zyonti zye zili kukwilu nu vhumanyi vhwonti, poosye inga indi nu lwitiho ulupiti ulwa kusaamwa amagamba, ileelo inga ntali ni shikunzi, ntakuvha ni ilonka naalimo.

1 VaKolinti 14:1

Mulondolaje kuvha ni shikunzi, havhili mulondolaje kuvha ni vikunjilwa ivwa Mupepo uMufinjile, inkaani ishikunjilwa isha kukuvhwa.

1 VaKolinti 14:24

Ileelo inga avhiitisi vhonti vhakukuvhwa, ahavhaliilizyo hanaaho ayinza umuntu we atamanyile, poosye we te mwitisi, zyonti zye vhakukuvhwa zikumulolesya umuntu uyo kuuti mutalamalandu, na zye azyivwa zikumulonga mu mwoyo waakwe.

1 VaKolinti 14:29

Vhoope avhakuvhwi vhakuvhwaje vhavhili, poosye vhatatu, ileelo avhanji vhagalingaje amazwi igo.

1 VaKolinti 3:5

Ishi uApoolo wu naanu? Niine ne Paavhuli ne naanu? Iswe twe vhavhomvi vhweleele vhe uMulungu átusonteleziizye kuvhaavwa imwe kumwitiha uYeesu Chilisiti. Iswe swenti tuvhomvile inza vwe uMwene uYeesu átupiiye.

1 VaKolinti 7:7

Ine naasungwilwe kuuti, avhantu vhonti vhavhe inza ine, ileelo te vwe zili, mwe pe uMulungu avhapiiye avhantu vhonti ivikunjilwa vwavho, wumo ishikunjilwa ishi, uwamwavho shiila.

2 VaKolinti 8:12

Inga umuntu akufumwa ku lusungwo lwakwe, uMulungu akuposheela, mwe pe uMulungu akuposheela kulandatana na vwe umuntu ali navwo, te kuuti vwe atali navwo.

VaEfeso 3:5

Amanda gonti aga hali, uMulungu atávhamanyisiizye avhantu uvhuzigizigi uvhwo. Ileelo pisinda ahavhamanyisya avhafinjile vhaakwe avhatumwa na vhakuvhwi, kwi idala ilya Mupepo waakwe.

VaEfeso 4:11

Uweene ávhaloosite avhantu ivikunjilwa. Vhamo ávhasavhuuye kuuti vhavhe vhatumwa, avhamwavho vhavhe vhakuvhwi, avhamwavho vhavhe vhalumbiilizi, avhamwavho vhoope vhavhe vhadiimi havhili vhasambiilizi avha vhantu.

Filipi 3:15

Ishi iswe twe tusimfile mu lwitiho, tusiivhaje ziniizyo. Poosye inga mukusiivha izinji ku nongwa yonti, yoope iyo uMulungu alivhalolesezya apazelu.

1 VaTesaloniki 5:20

Havhili mutavhusufwaje uvhukuvhwi,

2 Peteli 1:20

Ileelo ipiti kuli izyo, mukumbushe kuuti vhutaliipo uvhukuvhwi mu Vhusimbe uVhufinjile vhwe avhakuvhwi vhávhulondovhooye kufumiilana ni nsiivho zyavho vhuuvho.