VaLoma 12:3 - ULufingwi uLupwa

³ Ishi, mwe pe uChilisiti ampiiye uvhwila kuuti mbe ne mutumwa waakwe, nkuvhavhuuzya mwenti kuuti, muleshe kuyilola kuuti muhondeeye kuluusya vwe muli. Muyilolaje kuuti, mwenti mupeliilwe ulwitiho lweluula nu Mulungu.

Tesitamenti Umupwa 1965

³ Nkuyanjila muvwila vwʼampiye nane, nkuvavuzya mwenti mwe muvaliye woka woka ukuti ukuyisivila mutapitilizyaje pe pahondeye ukuyisivila. Nkandi ukwenʼukuyisivila muyisivilajʼahinza woka woka inza shʼuMulungu amulinjiye ulwitiho lwakwe.

VaLoma 12:3 ပူးပေါင်းရင်းမြစ်များ

uLuuka 18:11

“UMufalisaayi uyo ahimiilila kulaavha. Ahalaavha mu mwoyo waakwe, ahati, ‘We Mulungu, nkukusalifwa, mwe pe ine ntali inza avhantu avhanji, avhapumula vintu na vhatalamalandu na vhavhembu, poosye inza umusonchezya musonko uno!

Yohani 3:34

mwe pe uMulungu ámusonteleziizye uYeesu kuyanga amazwi aga Mulungu. UMulungu ámupiiye uYeesu uMupepo uMufinjile ishisita ishipimo.

VaLoma 1:5

Kutuushila ku kwakwe, uMulungu ámfwiliiye uvhwila nu kumbiiha kuvha ne mutumwa. Ávhomvile vhwevhulo, inga mbiitaje avhantu vhonti vhe te Vhayuuda, kuuti vhamwitihaje uMwene uYeesu nu kulandata zye uweene akwanza.

VaLoma 11:20

Izyo zya nalyoli. Insamba izyo zyádiviilwe, mwe pe zitítisile, ileelo iwe uli inza vhwevhulo kufumiilana nu lwitiho lwaho. Pe ishi, utayitumvwaje, nkandi uvhanje minso.

VaLoma 11:25

Mwe vhamwitu, nkwanza kuuti muzimanye insiivho izya Mulungu izya kukwilu, inga muleshe kuyitumvwa kuuti muli ni njeele. AVhayuuda kuhaana kwavho kwitiha, te kwa havhaliilizyo honti, kuliisila lwe uvhwinji uvhwa vhantu vhe te Vhayuuda vhe vhakumwitiha uChilisiti vhwalunjiha.

VaLoma 12:16

Mwivwanaje ahinza na vhamwinyu. Mutayitumvwaje, muvhanje nu vhuliilani na vhantu vhe vhatakushindikwa, mutayilolaje kuuti muvhapoosite injeele.

1 VaKolinti 15:10

Ileelo uvhwila uvhwa Mulungu vhwe vhumbiisile kuvha ne mutumwa. Havhili uvhwila vhwakwe kuli ine vhutáali vhwa vhweleele, mwe pe kutuushila uvhwila uvhwo, mbomvile imbombo kuluusya avhatumwa vhonti. Ntavhomvile izyo ku maha gaane, ileelo uMulungu ku vhwila vhwakwe we ali pooka niine.

1 VaKolinti 3:10

Kulandatana nu vhwila uvhwa Mulungu vhwe ampiiye, ine inza umupiti uwa vhazenzi we ali nu vhushindamu uvhwa njeele, názenzile ulwalo lwe ishi avhazenzi avhanji vhakuzenga pamwanya yaakwe. Ileelo avhantu vhonti vhavhanje minso, lwe vhakuzenga pa lwalo ulwo.

1 VaKolinti 7:17

Avhantu vhonti vhakwanzilwa kulandila inza vwe uMwene uYeesu avhavhiisile, havhili vhasyale inza vwe vháamile lwe uMulungu akuvhiita. Ulu lwe lulajizyo lwane ku vivhanza vwonti.

2 VaKolinti 10:13

Ileelo iswe tutakuyitumvwa kuluusya ishipimo isha mbombo ye atupiiye uMulungu. Imbombo iyo ye yila ye tukuvhomba na kuli imwe.

2 VaKolinti 12:13

Shitaliipo she návhomvile ku vivhanza ivinji she ntávhomvile kuli imwe. Pamo she nánanzile sha kuuti ntávhatamwizye kuuti munavwaje. Inga uvhwo vhwe vhunanzi vhwane, munswile!

2 VaKolinti 12:7

Ileelo inga ntahayitumvwe nkaani kuzya kusukumizya inyinji zye uMwene uYeesu ándolesiizye, nápeliilwe amayimba mu muvhili waane ge gali inza ilyimvwa. Amayimba igo gáfumile kwa havhizya uwa Seetano, átumiilwe inga anjimvwe, inga ndeshe kuyitumvwa nkaani.

VaGalati 6:3

Ishi inga umuntu akuyilola kuuti mumwamu kuluusya avhanji, ileelo atali inza vhwevhulo, uyo akuyihopenkanya wuuyo weeka.

VaEfeso 3:2

Nalyoli nkwitiha kuuti, mwivuuye kuuti uMulungu ambiisile kuvha ne muvhomvi waakwe uwa kulumbiilila uvhwila vhwakwe kuli imwe.

VaEfeso 3:4

Inga mwavhaazya zye mbasimbiiye izyo, kwe mulole vwe imanyile ulukasamo ulwa vhuzigizigi kuzya Chilisiti.

VaEfeso 4:16

Mu muvhili, inkole zisopenkiinye ivipelwa vwonti. Inga ivipelwa vwonti vikuvhomba imbombo yaakwe, pe umuvhili wonti wukukula nu kuzengwa ahinza. Isho vwe niiswe swenti tusopenkiine kwa Chilisiti. Ishi inga swenti tukuvhomba imbombo ye uweene atupiiye, pe kwe tugome nu kukundana nkaani.

Filipi 2:13

Muvhombaje isho, mwe pe uMulungu wuuyo we akuvhomba imbombo muhati zyinyu, kuuti inyinza zye akwanza, zye niimwe mwanzaje nu kuzivhomba.

Kolosi 1:29

Pe ishi, nkuvhomba ku mute nu kuyikungula ku maha gonti ge uChilisiti akumpa lwe akuvhomba imbombo muhati yaane.

Kolosi 2:13

Hali imwe mwámile mwe vhafwe, mwe pe muhashilanyaaga indajizyo izya Mulungu, havhili amavhili giinyu aga vhutalamalandu gáshiili kutahiililwa. Ileelo uMulungu ahaavhapa uvhulanzi pooka nu Chilisiti, lwe atuswila uvhutalamalandu vhwitu vhwonti.

1 Timoti 1:14

UMwene wiitu uChilisiti uYeesu ámfwiliiye uvhwila nkaani, ahampa ulwitiho ni shikunzi kufuma ku kwakwe.

1 Timoti 2:15

Ileelo avhantanda vhalivhwaga uvhuposhi kwi idala lya kupaapa kwavho, inga vhakujendeelela kuvha nu lwitiho ni shikunzi, nu lujendo nu mwoyo umuzelu nu kuyikonzya.

1 Timoti 2:9

Vhoope avhantanda, nkwanza kuuti vhayikonzyaje, nu kuvha nu mushinzi, kuzwala kwavho amenda, kuvhanje kwi idala lye lihondeeye pilongolela ilya vhantu. Kuyiyemvwa kwavho kutahavhanje kwi idala ilya kutavha insisi, poosye kuzwala amayembo aga sahaabu ge gakunyengʼenyela, poosye amenda aga nsavho.

uTiiti 2:12

Uvhwila uvhwo vhukutusambiilizya kuzihaana zyonti zye te zya Mulungu ni mpapilo izya mu nsi. Pe lwe tukutendama ahavhaliilizyo iha, tukuvha twe vhantu twe tukuyikonzya nu kuvha twe vhagolosu nu kuvhomba inyinza pilongolela ilya Mulungu.

uTiiti 2:2

Avhanaavuli avhagoosi, uvhasambilizyaje kuuti vhavhanje vhantu vhe vhakuyikonzya nu kushindikwa, havhili vhavhanje nu vhutimvu. Vhagomaje mu lwitiho, nu kuvha ni shikunzi nu vhujimbiilizu.

uTiiti 2:4

inga vhavhasambilizyaje avhantanda avhalindu, kuuti vhavhakundaje avhalume vhaavho na vhaana vhaavho.

uTiiti 2:6

Vhoope avhajaaha, uvhasohaje kuuti vhayikonzyaje.

Yakobu 4:6

Pooka niizyo, uweene akwonjezya kutufwila uvhwila. Ye nongwa yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo vhe vhakuyiisya, akuvhafwila uvhwila.”

1 Peteli 1:13

Pe ishi, muyisenganyaaje nu kuyikonzya nu kuvhiiha ulusuuvhilo lwinyu ku vhwila vhwe mulipeelwa ahavhaliilizyo he uYeesu Chilisiti aliloleha apazelu ku vhantu vhonti.

1 Peteli 4:11

We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.

1 Peteli 4:7

Uvhusililishilo uvhwa vintu vwonti vhupalamiiye, ishi muyikonzyaje, havhili muvhanje minso ku zye mukuvhomba, inga mulaavhaje vwe yikwanzilwa.

1 Peteli 5:5

Niimwe mwe vhajaaha muvhashindihaje avhasongo. Mwavwanaje mwenti ku vhwahayiisye, mwe pe yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo akuvhafwila uvhwila vhe vhali nu vhwahayiisye.”

1 Peteli 5:8

Muyikonzyaje nu kuvha minso ahavhaliilizyo honti, mwe pe umulugu wiinyu uMukwalanzi akuzyunguula uku nuukwo inza insama ye yikulondola umuntu, inga yiimulye.

3 Yohani 1:9

Naashisimbiiye ishivhanza ukalaata, ileelo umuntu wumo we izina lyakwe vhakuti wu Diyoteleefe we akuyivhiiha kwilongolela ngati we mupiti waavho, atakwitiha zye nsimvile.