VaLoma 12:2 - ULufingwi uLupwa

² Mutalandataje amaata ge vhakuvhomba avhantu avha mu nsi ino, nkandi uMulungu we agagalulanye amooyo giinyu, muvhe ni nsiivho impwa. Ipo pe kuuti mulumanye ulukasamo ulwa Mulungu kuli imwe, kwe kuuti ishintu she shinza, she shikumuhondezya, havhili she shilunjisu.

Tesitamenti Umupwa 1965

² Mwandaje mutayiholanyaje ninsʼino ndali, mwanduhaje mwidala lya kupelwʼuvupwa munsivo zyinyu; pe namwe mulizimanyinsanya zyʼakasimʼuMulungu, nazye nyinza nazyʼakuzishelʼuwene nizya vulunjisu.

VaLoma 12:2 ပူးပေါင်းရင်းမြစ်များ

Matayi 13:22

Imbeyu zye zyágwiliiye mu mimvwa, shiholanyo isha vhantu vhaala vhe vhakwivwa izwi ilya Mulungu, ileelo pisinda mu vhulanzi vhwavho, vhakulemwa na maganigani nu kutepushila mu vhudumbwe na mu nyinza izya mu nsi. Izyo zikuliviganya izwi ilyo nu kulivhiiha kuuti lipootwe kupaapa.

Maliko 4:19

Ileelo imbombo izya mu nsi, nu luhopenkanyo ulwa vwuma nu lupapilo ulwa vintu ivwinji, vikulibuda izwi, lyope litakupaapa.

Yohani 14:30

Te njanje niimwe ahavhaliilizyo ahatali, mwe pe umupiti uwa nsi, kwe kuuti uSeetano akwinza, ileelo atali na maha kuli ine.

Yohani 15:19

Inga mwaamile mwe vhantu avha mu nsi umu, nkandi vhavhakunzite inza vwe vhavhakunzite avhantu vhaakwe. Ileelo imwe te mwe vha mu nsi umu, mwe pe mbasavhuuye kufuma mu nsi umu, ye nongwa avhantu avha mu nsi umu vhakuvhaviitilwa.

Yohani 17:14

Mbavhuziizye izwi lyaho, ileelo avhantu avha mu nsi vhavhavitiliilwe, mwe pe te vha mu nsi umu, inza vwe niine te ne wa mu nsi umu.

Yohani 7:7

Nkuyanga vhwevhulo, mwe pe avhantu avha mu nsi umu vhatangavhaviitilwa imwe, nkandi vhakumviitilwa ine, mwe pe nkuvhavhuuzya kuuti, zye vhakuvhomba mbiivhi.

VaLoma 12:1

Ishi vhamwitu, mwe pe uMulungu ali nu vhwila kuli iswe, nkuvhalambiilizya kuuti muyifumwaje amavhili giinyu kuvha ngati mpuutile indanzi, imfinjile ye yikumuhondezya uMulungu. Yeenya, kuvhomba vhwevhulo lye lidala ilya nalyoli ilya kumupuuta.

VaLoma 13:14

Mumuzwale uMwene uYeesu Chilisiti, kwe kuuti mulongolwaje nawo, mutahiitishe inga hansi kulongolwa nu vhuntu uvhwa vhutalamalandu, poosye impapilo zyakwe.

VaLoma 7:12

Kuli izyo, nalyoli indajizyo izya Mulungu mfinjile, ngolosu havhili nyinza.

VaLoma 7:14

Tumanyile kuuti indajizyo zyáfumile kwa Mupepo uMufinjile, ileelo ine indi nu vhuntu uvhwa vhutalamalandu, kwe kuuti ne muzya uwa vhutalamalandu.

VaLoma 7:22

Indajizyo izya Mulungu nkuzisungwa ku mwoyo waane wonti.

1 VaKolinti 3:19

Yeenya, uvhushindamu uvhwa njeele uvhwa mu nsi umu, vhwalangani pilongolela ilya Mulungu. Izyo zili inza vwe yisimviilwe mu Vhusimbe uVhufinjile kuuti, “UMulungu akuvhalema vhe vhali nu vhushindamu uvhwa njeele mu vhushevu vhwavho.”

2 VaKolinti 4:4

Litamanyisile kuli ivho, mwe pe uSeetano we wu mulungu uwa nsi ino, agubishiiye injeele izya vhantu vhe vhatamwitisile uChilisiti, inga vhapotwaje kuvhulola uvhuzelu uvhwa Izwi iLyinza ilya vhushindamu uvhwa Chilisiti, we shiholanyo isha Mulungu.

2 VaKolinti 5:17

Kuli izyo, umuntu wonti we akumwitiha uChilisiti, akuvha shipelwa ishipwa, izya hali zikutuuha, uvhuntu vhwakwe vhukuvha vhupwa!

VaGalati 1:4

UChilisiti áyifumwizye kufwa kuzya kwefwa uvhutalamalandu vhwitu, inga atuposhe kufuma mu mbiivhi zyonti izya mu nsi iya havhaliilizyo iha, inza vwe ákasiime uTaata wiitu uMulungu.

VaEfeso 1:18

Havhili nkulaavha avhigulile aminso aga mu mwoyo, inga mumanye ahinza shiila she avhitiiye kuuti muposheele, pe muvhe nu lusuuvhilo ulwa nalyoli. Ishintu isho vhudumbwe uvhwa vhupwano uvhwa vhushindamu vhwe áfinzile kuuvhapa avhafinjile.

VaEfeso 2:2

Muhalandataga ulujendo uluvhiivhi inza avhantu avhanji avha mu nsi umu. Havhili muhamushindihaga uMwene uMuvhiivhi, uweene we akuzikonzya impepo inkandamanu kumwanya, na havhaliilizyo iha akuvhomba imbombo muhati izya vhantu vhe vhasambusile kwa Mulungu.

VaEfeso 5:17

Mutavhanje mwe vhapukupuuku, yikwanzilwa mulondolaje ziila zye uMwene uYeesu akwanza muzivhombaje.

Kolosi 1:9

Kuli izyo, kufuma ahavhaliilizyo he twívuuye inongwa zyinyu, tukuvhalavhilaga insiku zyonti. Tukulaavha kuuti uMulungu aavhape uvhumanyi vhwonti ku ziila zye uweene akwanza, nu vhushindamu uvhwa njeele nu vhumanyi kufuma kwa Mupepo uMufinjile.

Kolosi 3:10

Muzwaye amooyo amapwa ge uMulungu akujendeelela kugapela kuvha mapwa, inga mwonjele kumumanya, mwe pe avhapezile kuuti muholane nawo.

Kolosi 4:12

UEpaafula umuntu uwa ku mwinyu, umuvhomvi uwa Chilisiti uYeesu, akuvhalamuha. Ahavhaliilizyo honti akuyikungula kuvhalaavhila imwe inga musimpaje mu lwitiho, havhili muvhe mwe vhalunjisu nu kuvha mwe vhadandamazu ku zyonti zye uMulungu akwanza.

1 VaTesaloniki 4:3

UMulungu akwanza muvhe mwe vhafinjile, kwe kuuti mutavhombaje uvhulugusu.

uTiiti 3:5

ahatupoha. Te kuuti iswe twámile nu lujendo ulwinza, nkandi átuposile ku vhwila vhwakwe vhweleele. Átuposile kwi idala ilya kutuzelufwa uvhutalamalandu vhwitu nu kutupaapa shipwa nu kutuvhiiha shipwa kwi idala ilya Mupepo uMufinjile.

Yakobu 1:27

Imbombo zye zikumuhondezya uMulungu uTaata zye zino: kuvhaavwa avhantaagwa na vhaziishe mu mayimba gaavho nu kuyidinda kuuti izya mu nsi zitahakuhandamanie.

Yakobu 4:4

Imwe muholiine na vhavhembu, mwe pe mutali nu mushinzi kwa Mulungu! Mutamanyile kuuti we akusungwa izya mu nsi, akuvha mulugu uwa Mulungu? Ishi, wonti we akusungwa izya mu nsi, ayipezile kuvha mulugu uwa Mulungu.

1 Peteli 1:14

Muvhanje inza avhaana vhe vhali nu mushinzi. Mutalongolwaje ni mpapilo zyinyu zye mwáli nazyo lwe mushiili kumumanya uMulungu,

1 Peteli 1:18

Imwe mumanyile kuuti uMulungu ávhatavhuuye kufuma mu lujendo lwinyu lwe lutahondeeye, lwe mwáposheleeye kufuma ku vhataata vhiinyu. Ileelo atávhatavhuuye ku vintu vwe vikunanjiha inza impiiya ni sahaabu,

1 Peteli 2:3

Mukwanzilwa kuvhomba vhwevhulo, mwe pe mulinzile nu kumanya kuuti uMwene uYeesu mwinza.

1 Peteli 4:2

Ahavhaliilizyo hiinyu he hasyaye aha kulandila pa nsi ipa, muleshe kulandila kulandatana ni mpapilo izya mavhili giinyu, nkandi mulandilaje inza vwe uMulungu akwanza.

2 Peteli 1:4

Kwi idala ilyo, uMulungu afinzile kuutupa ivintu ivipiti havhili ivwa nsavho, inga tuvhe nu vhuliilani nu Mulungu mu lujendo lwakwe. Kwe kuuti tukupokwa mu vhunanjisu vhwe vhukufumiilana ni mpapilo izya mu nsi.

2 Peteli 2:20

Avhantu vhe vhavhushimbiiye uvhutalamalandu uvhwa mu nsi kwi idala ilya kumumanya uMwene nu Muposhi wiitu uYeesu Chilisiti, inga vhagalushila havhili kuvhomba uvhutalamalandu, uvhulanzi uvhwa kumpeleela uvhwa vhantu ivho vhuliivha vhuvhiivhi nkaani, kuluusya ku vhwandilo.

1 Yohani 3:13

Pe ishi, mwe vhamwitu, mutasukumilaje inga avhantu vhe vhatakumushindiha uMulungu vhakuvhaviitilwa imwe.

1 Yohani 5:19

Tumanyile kuuti, iswe swe vhaana vha Mulungu, nu kuuti, avhantu avhanji vhonti, vhe vhatakumushindiha uMulungu, uMuvhiivhi ula akuvhakonzya.

Ishitushizya 12:9

UMikayeeli na vhahavhizya vhaakwe vhahalisumbila pa nsi iyoha ilyo pooka na vhahavhizya vhaakwe. Iyoha ilyo ye njoha iya hali, ye wu Mukwalanzi nu Seetano, we akuyihopela insi yonti.

Ishitushizya 13:8

Avhantu vhonti vhe vhakutendama pa nsi vhalishipuuta, vhonti vhe amazina gaavho gatásimviilwe mwi ikalaata ilya vhulanzi ilya Hagonzi aha MWENE uMulungu he hávholiilwe. Ikalaata ilyo lyásimviilwe lwe insi yishiili kupelwa.