VaLoma 12:17 - ULufingwi uLupwa

¹⁷ Inga avhantu vhavhavhombela imbiivhi, mutalanduzyaje. Ahavhaliilizyo honti lwe mushiili kuvhavhombela avhanji ishintu shonti, musiivhaje suuti nu kuvhomba ziila zye zikuloleha nyinza ku vhantu vhonti.

Tesitamenti Umupwa 1965

¹⁷ Mutamugalushizyaje numʼimbivi pambivi. Muyikungule kuvwinza vwe vakuti vwinza avantu vonti.

VaLoma 12:17 ပူးပေါင်းရင်းမြစ်များ

Matayi 5:24

uzileshe suuti impuutile izyo pilongolela pa shifinjilo, usogole ukundane suuti nu wamwinyu uyo. Pe uyinze ufumwe impuutile zyaho.

Matayi 5:39

Ileelo ine nkuvhavhuuzya kuuti, mutalanduzyaje kwa muntu we akuvhavhombela imbiivhi. Ileelo inga umuntu akukanza uludili ulwa kundiilo kukusuufwa, muleshe akukanze nu lwamwavho.

VaLoma 12:19

Vhankundwa, mutalanduzyaje mweneemwe, mumuleshelaje uMulungu kuuti we avhombaje izyo. Nkuyanga izyo, mwe pe uMWENE uMulungu mu Vhusimbe uVhufinjile akuyanga akuti, “Kulanduzya mbombo yaane, ine ndilanduzya.”

VaLoma 14:16

Pe ishi, utahaaleshe ishintu she ukushilola kuuti shinza, shivhe shikuyangwa na vhanji kuuti shivhiivhi.

Kolosi 4:5

Mutatezyaje ahavhaliilizyo shaaha he muli naho aha kulolesya ulujendo ulwinza ku vhantu vhe vhatamwitisile uChilisiti.

1 VaTesaloniki 4:12

Ipo mukuvha mwalolesya ulujendo ulwinza pilongolela ilya vhe vhatamwitisile uMulungu, havhili mutakuvha mwe vha kusuuvhila ivwa vhanji.

1 VaTesaloniki 5:15

Yeenyi, umuntu wonti atamulanduzyaje uwamwavho ku mbiivhi. Amanda gonti muvhombelanaje inyinza mweneemwe nu kuvhavhombela avhantu vhonti.

1 VaTesaloniki 5:22

Muyefwaje mu mbiivhi zyonti.

1 Timoti 5:14

Izyo zye zikumbiiha injanje kuuti avhaziishe vhe vhalindu vhanyatulwaje. Vhapaapaje avhaana nu kusunga inyumba zyavho, inga vhatahinze vhaamupe umulugu idala ilya kutusaamula.

1 Peteli 2:12

Muvhanje nu lujendo ulwinza pilongolela ilya vhantu vhe vhatamwitisile uMulungu. Pe inga vhakuvhayanga kuuti mwe vhavhomba mbiivhi, vhazilolaje imbombo zyinyu inyinza, inga vhahamutiime uMulungu ku zyinyu, isiku ilya kwinza kuvhalonga avhantu vhonti.

1 Peteli 3:16

Muvhanje na mooyo aminza, pe inga lwe avhantu vhakuvhayanjila izya ilenga nu kuvhaliga kuzya lujendo lwinyu ulwinza ulwa kumulandata uChilisiti, vhalolaje insoni.

1 Peteli 3:9

Mutalanduzyaje imbiivhi kwa muntu we avhavhombela imbiivhi. Lwe vhakuvhaliga mutalanduzyaje indigo, nkandi muvhalavhilaje uvhuloote, mwe pe uMulungu ávhiisite kuvhomba izyo, inga muposheele uvhuloote vhwakwe.