VaLoma 12:16 - ULufingwi uLupwa

¹⁶ Mwivwanaje ahinza na vhamwinyu. Mutayitumvwaje, muvhanje nu vhuliilani na vhantu vhe vhatakushindikwa, mutayilolaje kuuti muvhapoosite injeele.

Tesitamenti Umupwa 1965

¹⁶ Muvanjʼumwoyo woka mwene mwenti mwe muvaliye. Mutasivaje izya kuyimwamiha mweka ndali, mutenjelane navasamusu. Zye ndali ukuyiyangʼinjele mwemwe mweka.

VaLoma 12:16 ပူးပေါင်းရင်းမြစ်များ

Matayi 11:5

Avhantonko vhakulola havhili, na vhantendya vhakujenda na vha mambombo vhakuzelupa. Havhili vhoope avhakuutwi vhakwivwa, na vhafwe vhakuzyuha na vhapiina vhakulumbiililwa Izwi iLyinza.

Matayi 26:11

Yeenya, avhapiina muli navho insiku zyonti, ileelo ine te mbe niimwe ahavhaliilizyo honti.

uLuuka 14:13

Lwe ukusengaanya umulyo, uvhalanjilaje avhapiina na vhantendya na vhantonko.

uLuuka 6:20

UYeesu ahavheenya avhasundikwa vhaakwe, ahavhavhuuzya ahati, “Mulosiitwe imwe mwe vhapiina, mwe pe uvhumwene uvhwa Mulungu vhwinyu.

iMbombo izya Vhatumwa 4:32

Avhantu vhonti vhe vhámwitisile uYeesu, vháamile umwoyo wooka ni nsiivho zyavho zyámile pooka. Atáliipo umuntu we ahayangaga kuuti ivintu vwe ali navwo vwakwe weeka, ivintu vwavho vwonti vhahasanganyaaga pooka.

VaLoma 11:20

Izyo zya nalyoli. Insamba izyo zyádiviilwe, mwe pe zitítisile, ileelo iwe uli inza vhwevhulo kufumiilana nu lwitiho lwaho. Pe ishi, utayitumvwaje, nkandi uvhanje minso.

VaLoma 11:25

Mwe vhamwitu, nkwanza kuuti muzimanye insiivho izya Mulungu izya kukwilu, inga muleshe kuyitumvwa kuuti muli ni njeele. AVhayuuda kuhaana kwavho kwitiha, te kwa havhaliilizyo honti, kuliisila lwe uvhwinji uvhwa vhantu vhe te Vhayuuda vhe vhakumwitiha uChilisiti vhwalunjiha.

VaLoma 12:3

Ishi, mwe pe uChilisiti ampiiye uvhwila kuuti mbe ne mutumwa waakwe, nkuvhavhuuzya mwenti kuuti, muleshe kuyilola kuuti muhondeeye kuluusya vwe muli. Muyilolaje kuuti, mwenti mupeliilwe ulwitiho lweluula nu Mulungu.

VaLoma 15:5

UMulungu we akuutupa uvhujimbiilizu nu kutusuvhaalizya amooyo giitu, avhavhiishe kuuti muvhe ni nsiivho zyoka lwe mukumulandata uChilisiti uYeesu.

VaLoma 6:2

Ndaali, te muumwo inga hansi! Kuzya vhutalamalandu iswe tuli ngati twe vhafwe. Kuli izyo, tutangajendeelela kuvhomba uvhutalamalandu.

1 VaKolinti 1:10

Ishi vhamwitu, nkuvhalambiilizya kwi izina ilya Mwene wiitu uYeesu Chilisiti kuuti muvhe mwe vhantu mwe mukwivwana, ipo pe kwe muvhe nu vhuliilani. Mutapagulanaje, nkandi muvhanje ishintu shooka ku zye mukusiivha havhili nu kuvha nu mwoyo wooka.

1 VaKolinti 3:18

Umuntu wonti muli imwe atahayihopenkanye kuuti ali nu vhushindamu uvhwa njeele. Umuntu inga akuyilola kuuti ali nu vhushindamu uvhwa njeele mu nsi umu, ayivhiishe mwalangani, inga avhwaje uvhushindamu uvhwa njeele uvhwa nalyoli.

1 VaKolinti 4:10

Avhantu vhakutulola iswe twe vhalangani, mwe pe tukumuvhombela uChilisiti, ileelo imwe mukuyilola muli nu vhushindamu uvhwa njeele mwa Chilisiti. Iswe tukuloleha twe vhayeyevhazu, ileelo imwe mukuloleha muli na maha. Iswe vhakutusuufwa, ileelo imwe vhakuvhashindiha.

1 VaKolinti 6:5

Nkuyanga vhwevhulo, inga mulole insoni. Ishi pahati yiinyu ataliipo wumo we ali nu vhushindamu uvhwa njeele, we angalonzya amalandu aga vhamwavho?

1 VaKolinti 8:2

Inga umuntu akuyilola kuuti azimanyile zimo, uyo atazimanyile inza vwe yikwanzilwa kuzimanya.

2 VaKolinti 13:11

Ishi vhamwitu, nkuvhalaga nkuti museshelaje. Musimpaje nu kusuvhalizanya nu kuvha nu vhuliilani nu vhutehamu. Woope uMulungu uwa shikunzi nu vhutehamu kwe avhanje pooka niimwe.

Filipi 1:27

Ileelo ulujendo lwinyu luvhe inza vwe Izwi iLyinza ilya Chilisiti likwanza. Pe inga nkwinza kuvhavuula, poosye inga ntaliipo, inivwaje inongwa zyinyu kuuti mukusimpa ku mwoyo wooka. Havhili inivwaje kuuti, mukulwila ulwitiho ulwa Izwi iLyinza pooka.

Filipi 3:16

Ileelo she shikwanzilwa, tujendeelele kulandata zyonti ziila zye tufishiiye.

Filipi 4:2

Nkuvhalambiilizya avha Evodiya nu Sintiike, kuuti vhavhe nu lwivwano ulwa mwa Mwene.

VaHebuli 13:5

Mutavhanje nu lupapilo ulwa mpiiya, nkandi amooyo giinyu gitihaje kuuti vikwiliiye vwe muli navwo. Nkuvhavhuuzya vhwevhulo, mwe pe uMulungu áyanzile átili, “Te nkakuleshe, poosye kukuluvwa naalumo.”

1 Peteli 3:8

Izwi ilya vhusililishilo kuli izi, nkuti muvhanje nu mwoyo wooka nu kufwilana uvhwila, havhili mukundanaje inza avhanine vwe vhakukundana nu kuvha nu mwoyo umwinza nu vhwahayiisye.

1 Peteli 5:3

Mutavhakonzyaje avhiitisi vhe mukuvhalongozya ku maha, nkandi uvhulanzi vhwinyu vhuvhanje shiholanyo ishinza ku kwavho.

3 Yohani 1:9

Naashisimbiiye ishivhanza ukalaata, ileelo umuntu wumo we izina lyakwe vhakuti wu Diyoteleefe we akuyivhiiha kwilongolela ngati we mupiti waavho, atakwitiha zye nsimvile.