VaLoma 12:13 - ULufingwi uLupwa

¹³ Muvhavwaje avhafinjile ivintu vwe vhasovheliilwe, havhili muvhaposheelaje ahinza avhajeni mu nyumba zyinyu.

Tesitamenti Umupwa 1965

¹³ ingʼavafinjile ṿikuvasova yimo pe mulilane navo, muvatetele navajeni.

VaLoma 12:13 ပူးပေါင်းရင်းမြစ်များ

Matayi 25:35

Yeenya, lwe náali ni nzala mwámpiiye ishaakulya, lwe náali ni shinyooto mwámpiiye aminzi aga kumwela, havhili lwe náali ne mujeni, mwámposheleeye mu nyumba zyinyu.

iMbombo izya Vhatumwa 10:4

UKolineeliyo ahamutontomela uhavhizya uyo kwi lyoga, ahamuvhuziilizya ahati, “We mwene, kuli shooni?” Uhavhizya ahamuvhuuzya ahati, “UMulungu ayiivwa kulaavha kwaho, havhili azyitiha impuutile zyaho zye ukuvhaavwa avhapiina. Zyonti izyo azimanyile, akuzikumbuha ku mwanya.

iMbombo izya Vhatumwa 4:35

Impiiya zye vhaposheela, vhahavhapanga avhatumwa avha Yeesu. Impiiya izyo vhahagavhanaga, inza vwe wooka muli vhuuvho ásovheliilwe.

VaLoma 12:8

We ali ni shikunjilwa isha kuvhasuvhaalizya avhanji, avhombaje vhwevhulo, woope umutesi ku vhantu, afumwaje ivintu ku mwoyo wonti. We ali ni shikunjilwa isha kuvhalongozya avhanji, avhombaje ku mute, woope we ali ni shikunjilwa isha kuvhafwila avhanji uvhwila, avhombaje vhwevhulo ku luseshelo.

1 VaKolinti 16:15

Vhamwitu, mumanyile kuuti uSiteefani pooka na vhantu avha mu nyumba yaakwe, vhantu vhe vháali vha kwanda kumwitiha uYeesu Chilisiti mu shigavho isha nsi isha Akaaya, havhili vháyifumwizye nkaani kuvhaavwa avhafinjile!

2 VaKolinti 9:1

Ishi ntakwanza kuvhasimbila nkaani izya mbombo yiinyu iya kuvhaavwa avhafinjile avha ku Yelusaleemu,

2 VaKolinti 9:12

Yeenya, imbombo ino ye mukuvhomba, te kuuti yikwavwa avhafinjile vhe vhasovheliilwe vhweleele, yikuvhavhiiha na vhantu avhinji vhamusalifwaje nkaani uMulungu.

VaGalati 6:10

Pe ishi, ahavhaliilizyo honti he tuli naho, tuvhavhombelaje inyinza avhantu vhonti, inkaani avhiitisi avhamwitu.

1 Timoti 3:2

Ileelo umwimiilizi akwanzilwa avhe muntu we atakukwinkwinwa. Avhe nu mushi wooka vhweleele. Avhe muntu we akuyikonzya nu kuvha nu vhutimvu, havhili we avhantu vhakumushindiha. Avhe muntu we mutesi ku vhajeni na we amanyile kusambiilizya.

1 Timoti 5:10

Avhanje amanyisile kuuti avhombaga imbombo inyinza, inza kusunga avhaana vhaakwe ahinza nu kuposheela avhajeni nu kuvhaavwa avhafinjile ku vhutonsu nu kuvhaavwa vhe vhali mu mayimba nu kuyifumwa ku mbombo izinji zyonti inyinza.

uTiiti 1:8

Ileelo akwanzilwa kuuti avhanje muntu we mutesi na we akuzisungwa nyinza. Havhili akwanzilwa kuuti avhanje muntu we akuyikonzya nu kuvhomba ingolosu nu kuvha mufinjile na we akuyidinda ku mbiivhi.

uTiiti 3:14

Avhantu vhiitu vhasambililaje kuvhomba inyinza ahavhaliilizyo honti, inga vhavhavwaje avhantu avhanji ivintu vwe vhasovheliilwe. Ipo pe vhakuvha vhakuvhahondezya avhanji mu vhuyo vhwavho.

Filemoni 1:7

Wamwitu, ishikunzi shaaho isho shimpiiye uluseshelo nkaani nu kungomwa umwoyo, mwe pe usansamusiizye amooyo aga vhafinjile.

VaHebuli 13:16

Mujendeelele kuvhomba inyinza nu kuvhaavwa avhamwinyu ivintu vwe muli navwo, mwe pe kuvhomba vhwevhulo, ye mpuutile ye yikumuhondezya uMulungu.

VaHebuli 13:2

Havhili mujendeelele kuvhaposheela avhajeni mu nyumba zyinyu, mwe pe kwi idala ilyo, vhamo vhávhaposheleeye avhahavhizya ishisita kumanya.

VaHebuli 6:10

Mwe pe uMulungu mugolosu, atangaziluvwa imbombo inyinza zye mukuzivhomba. Havhili atangashiluvwa ishikunzi she mwáshilolesiizye ku kwakwe kuvhaavwa avhafinjile avhamwinyu kufuma ku vhwandilo kufishila ishi.

1 Peteli 4:9

Lwe mukuvuulana, mutetelanaje ishisita ulukwinkwino.

1 Yohani 3:17

Umuntu wonti we ali ni vintu, havhili akumulola uwamwavho we asovheliilwe, ileelo atakuvha nu mwoyo uwa vhwila, angayanga vhuli kuuti ali ni shikunzi isha Mulungu?

3 Yohani 1:5

We nkundwa, iwe we mutungamu ku ziila zye ukuvhavhombela avhamwitu, pooka nu kuuti vhajeni kuli iwe.