VaLoma 12:11 - ULufingwi uLupwa

¹¹ Mutavhanje mwe vhahata, mumuvhombelaje uMwene uYeesu ku mwoyo wonti.

Tesitamenti Umupwa 1965

¹¹ mutatozoshe muvwahayikungule, muvanje nuvulanzi vwa mumupepo, mumuvombelʼuMwene,

VaLoma 12:11 ပူးပေါင်းရင်းမြစ်များ

Matayi 24:12

Havhili, mwe pe uvhuvhiivhi vhuliivula nkaani, avhantu avhinji vhaliileha kuvhakunda avhamwavho.

Matayi 25:26

Umwene waakwe ahamwamula ahati, ‘We muvhomvi umuvhiivhi iwe, havhili we muhata! Inga waamanyile kuuti nkuvuna mwe ntavhwaye havhili nkuvhungaaniha mu nkoma vwe ntavunile,

iMbombo izya Vhatumwa 18:25

Umuntu uyo ásambiliiye idala ilya Mwene uYeesu. Ahataliha kuvhasambiilizya avhantu izya Yeesu mu vhwanalyoli, mwe pe umwoyo waakwe wuhaahaga nkaani. Ileelo ámanyile ulwozyo lwe lwa Yoohani.

iMbombo izya Vhatumwa 20:19

Nkamuvhombelega uMwene uYeesu ku vhwahayiisye vhwonti na ku mansozi. Havhili nkayimbaga, mwe pe aVhayuuda vhahasiivhaga kungoga.

1 VaKolinti 7:22

Nkuyanga vhwevhulo, mwe pe umuntu we áamile muzya lwe uMwene uYeesu akumwita, uyo musatushe kwa Mwene uYeesu. Woope we áamile musatushe lwe uMwene akumwita, uyo muzya uwa Chilisiti.

VaEfeso 4:28

Umwivha aleshe kwivha, avhombaje imbombo ye nyinza, inga avwagaje ivintu ivwa kumwavwa uweene nu kuvhagavhila avhamwavho vhe vhasovheliilwe.

Kolosi 4:1

Niimwe mwe vhamwene, muvhavhombelaje avhazya vhiinyu zye zikwanzilwa ni shisita kusavhulanya. Mukumbuhaje kuuti niimwe vhweleele muli nu Mwene uwa ku mwanya.

1 Timoti 5:13

Pooka ni zyo, vhanganda kujendanga mu nyumba zya vhantu kuzya vhuhata. Te ziniizyo zyeka haa, nkandi nu kukwakwasya nu kuyanga zye zitahondeeye na zye te nyinza.

VaHebuli 12:28

Kuli izyo, tumusalifwaje uMulungu, mwe pe atwitisile kuuti tuvhanje mu vhumwene vhwakwe vhwe vhutakuyingaana. Ishi tumupuutaje uMulungu kwi idala lye likumuhondezya nu kuvha nu vhwahayiisye nu kumunyila.

Yakobu 5:16

Kuli izyo, mupemulilanaje uvhutalamalandu vhwinyu nu kulavhilana, inga uMwene avhaponiaje. Kulaavha ukwa muntu umugolosu kuli na maha, havhili kukuvhomba imbombo.

1 Peteli 1:22

Mwe pe mukulandata insambiilizyo izya nalyoli, muyizelufwizye amooyo giinyu, inga muvhakundaje avhamwinyu ishisita ishifumbo. Ishi mukundanaje ku mwoyo wonti.

1 Peteli 4:8

Ipiti ku zyonti mukundanaje ku mwoyo wonti, mwe pe inga wamukunda umuntu kwe uvhanje ukumuswila, poosye inga akuvhombela uvhutalamalandu ulwinji.

Ishitushizya 2:4

Ileelo indi ni izwi niiwe: Ushilesile ishikunzi shaaho ishitanzi.