VaLoma 11:6 - ULufingwi uLupwa

⁶ Kuli izyo, mwe pe vhasavhuliilwe ku vhwila vhwa Mulungu, vhatakupokwa ku mbombo zye vhavhomvile. Mwe pe inga zyaamile mbombo zyavho zye vhavhomvile, pe uvhwila vhutangavha vhwila havhili.

Tesitamenti Umupwa 1965

⁶ Apene lelo inga vuvasavuye vwe vwila, pe fwane zitavasavuye zye mbombo. She zipele zivasavuye zye mbombo, pe nkandʼuvwila vute vwila Uvwene.

VaLoma 11:6 ပူးပေါင်းရင်းမြစ်များ

uLuuka 6:13

Lwe kwasha, ahavhiita avhasundikwa vhaakwe. Muli ivho ahavhasevha 12, ahaavhapa izina ilya vhatumwa.

1 VaKolinti 15:10

Ileelo uvhwila uvhwa Mulungu vhwe vhumbiisile kuvha ne mutumwa. Havhili uvhwila vhwakwe kuli ine vhutáali vhwa vhweleele, mwe pe kutuushila uvhwila uvhwo, mbomvile imbombo kuluusya avhatumwa vhonti. Ntavhomvile izyo ku maha gaane, ileelo uMulungu ku vhwila vhwakwe we ali pooka niine.

VaGalati 2:21

Ntakwanza kuvhuhaana uvhwila uvhwa Mulungu. Yeenya, inga umuntu angavhaazilwa kuuti mugolosu kwi idala ilya kuzilandata indajizyo izya Moose, pe uChilisiti áfuuye vhweleele!

VaGalati 5:4

Inga mukusuuvhila kuvha mwe vhagolosu kwi idala ilya kuzilandata indajizyo, pe muyilehiinye nu Chilisiti, muvhuhaanile uvhwila uvhwa Mulungu.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

uTiiti 3:5

ahatupoha. Te kuuti iswe twámile nu lujendo ulwinza, nkandi átuposile ku vhwila vhwakwe vhweleele. Átuposile kwi idala ilya kutuzelufwa uvhutalamalandu vhwitu nu kutupaapa shipwa nu kutuvhiiha shipwa kwi idala ilya Mupepo uMufinjile.