VaLoma 11:36 - ULufingwi uLupwa

³⁶ Ivintu vwonti vifumile ku kwakwe wuuyo. Havhili ku maha gaakwe vikujendeelela kuvha, vwonti viliipo, inga vilolesye uvhushindamu vhwakwe. UMulungu ashindikwaje shiima! Amina.

Tesitamenti Umupwa 1965

³⁶ She ṿwonti ṿifumile mumwakwe wuyo ṿibazusile muli wuyo, havili ṿwenyizye kukwakwe. We tumutundumihaje ulutundumiho lwa shimashima. Amen.

VaLoma 11:36 ပူးပေါင်းရင်းမြစ်များ

Matayi 6:13

Utulongole inga tutahinjile mu ndingo, havhili utuposhe nu Muvhiivhi ula, mwe pe uvhumwene na maha nu vhushindamu vwaho shiima! Amina!’”

uLuuka 19:38

vhahatinji, “Alosiitwe uMwene we akwinza kwi izina ilya MWENE uMulungu! Ishi kuvhe uvhutehamu nu vhushindamu ku mwanya.”

uLuuka 2:14

“Ashindikwaje uMulungu uMupiti uwa ku Mwanya, vhwope uvhutehamu vhuvhanje mu nsi ku vhantu vhe avhitisile.”

iMbombo izya Vhatumwa 17:28

inza vwe umuntu wumo áyanzile kuuti, ‘Iswe muhati yaakwe mwe tukutendama nu kujenda nu kuvha swe vhapuuma.’ Havhili vhamo mu vhasimvi vhiinyu avha nyimbo vhátili, ‘Iswe swe vhaana vhaakwe.’”

VaLoma 16:27

UMulungu weeka we ali nu vhushindamu uvhwa njeele vhwonti, ashindikwaje shiima kuzya Yeesu Chilisiti! Amina.

1 VaKolinti 11:12

Inza vwe umwantanda ápeziilwe kufuma kwa mwanaavuli, vhwevhulo, woope umwanaavuli ápafwilwe kufuma kwa mwantanda, ileelo uMulungu we ápezile ivintu vwonti.

1 VaKolinti 8:6

ileelo kuli iswe, aliipo uMulungu wooka vhweleele, we wu Taata, we ahapela ivintu vwonti. Iswe tukulandila ku lukasamo lwakwe. Havhili aliipo uMwene wooka vhweleele, we wu Yeesu Chilisiti, kufumiilana nu weene ivintu vwonti vihapelwa, havhili niiswe tuli nu vhulanzi.

VaGalati 1:5

UMulungu ashindikwaje shiima! Amina.

VaEfeso 3:21

UMulungu ashindikwaje na vhantu avha mu manda gonti shiima shiima ku vhupiti vhwakwe vhwe vhukuloleha ku shivhanza shaakwe na kwa Chilisiti uYeesu! Amina.

Filipi 4:20

Ishi uTaata wiitu uMulungu, ashindikwaje shiima shiima! Amina!

1 Timoti 1:17

UMulungu wu Mwene uwa shiima, ataliifwa naalumo. Ataliipo umuntu we angamulola uMulungu, havhili ataliipo uMulungu uwunji naawumo. Uweene weeka vhweleele we ahondeeye kuposheela umushinzi, havhili ashindikwaje shiima shiima! Amina.

1 Timoti 6:16

Uweene weeka we atakufwa, akutendama mu vhuzelu vhwe naawumo atangavhupalamila. Ataliipo umuntu we ahamulola, havhili ataliipo we ahondeeye kumulola. Uweene wa mushinzi na maha aga shiima! Amina!

2 Timoti 4:18

Kwe ajendeelele kumpoha mu mbiivhi zyonti zye kwe mbombelwe, inga amfisye ku mwanya ku vhumwene vhwakwe ku vhutehamu. Ashindikwaje shiima shiima! Amina.

VaHebuli 13:21

Havhili uMulungu ajendeelele kuuvhapa amaha aga kuvhomba zye uweene akasiime, avhombe mu mooyo giinyu kwi idala ilya Yeesu Chilisiti zye zikuhondela pilongolela lyakwe. Uweene ashindikwaje shiima shiima! Amina.

VaHebuli 2:10

Yámuhondeziizye uMulungu we ávipezile ivintu vwonti, nu kuvivhiiha inza vwe vili, kumutemwa kuvha mulongozi uweene we vhwandilo uvhwa vhuposhi kwi idala ilya mayimba. Ávhomvile vhwevhulo, inga uYeesu avhinjizye avhiitisi avhinji mu vhushindamu vhwakwe.

1 Peteli 4:11

We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.

1 Peteli 5:11

Amaha gavhe nu weene shiima. Amina!

2 Peteli 3:18

Ileelo mujendeelele kukula mu vhwila nu kumumanya uMwene wiitu nu Muposhi uYeesu Chilisiti. Uvhushindamu vhuvhanje nu weene ishi na shiima! Amina.

uYuuda 1:25

Uweene wu Mulungu weeka, havhili Muposhi wiitu, kwi idala ilya Mwene wiitu uYeesu Chilisiti. Uvhushindamu nu vhupiti na maha amasisya na maha, vili nu weene kufuma hali, ishi, havhili poosye shiima. Amina.

Ishitushizya 19:1

Lwe zyatuuha izyo nkiivwa amazwi ngati mazwi aga ivhungaana ipiti ilya vhantu ku mwanya gakuti, “Haleluuya! Uvhuposhi nu vhushindamu na maha vikufuma kwa Mulungu wiitu.

Ishitushizya 21:6

Ahati, “Zyalunjiha! Ine ne Aalufa havhili ne Omeega, uVhwandilo nu Vhusililishilo. We ali ni shinyooto ndiimupa ishakumwela pa vhweleele kufuma mu viduda ivwa minzi ge gakufumwa uvhulanzi.

Ishitushizya 7:10

Vhahayanga kwi izwi ipiti, vhahati, “Uvhuposhi vhukufuma kwa Mulungu wiitu, uweene we akutendama pa shitengo shaakwe isha vhumwene, na ku Hagonzi aha MWENE uMulungu.”

Ishitushizya 7:12

vhahati, “Amina! Intiimo nu vhushindamu nu vhushindamu uvhwa njeele, havhili insalifwo nu mushinzi na maha amasisya na maha, vili nu Mulungu wiitu shiima shiima. Amina!”