VaLoma 11:20 - ULufingwi uLupwa

²⁰ Izyo zya nalyoli. Insamba izyo zyádiviilwe, mwe pe zitítisile, ileelo iwe uli inza vhwevhulo kufumiilana nu lwitiho lwaho. Pe ishi, utayitumvwaje, nkandi uvhanje minso.

Tesitamenti Umupwa 1965

²⁰ Zye zyashi zinizi! Shʼizyene zyapanyusile shisitakuva nulwitiho, nkandʼiwe uyimiliye mwe mulwitiho. Uyolovele lelo, utayitimaje wewe weka ndali, nyilaga.

VaLoma 11:20 ပူးပေါင်းရင်းမြစ်များ

uLuuka 18:14

Pe uYeesu ahati, “Nkuvhavhuuzya kuuti, umusonchezya musonko ávhweleeye kuhaaya, avhaziliilwe kuuti mugolosu. Ileelo uMufalisaayi ula, haa! Navhavhuuzya vhwevhulo, mwe pe umuntu wonti we akuyizuvwa, uMulungu alimwisya. Ileelo umuntu we akuyiisya, uMulungu alimuzuvwa.”

iMbombo izya Vhatumwa 18:6

Ileelo aVhayuuda lwe vhanda kumudinda nu kusaamula, pe uPaavhuli ahakunyunta amenda gaakwe, ahavhavhuuzya ahati, “Inga uMulungu avhasunda, pa zyinyu mweneemwe! Kwi izwi ilyo, ine ntali nu vhunanzi naavhumo. Kufuma ileelo ili nasogola ku vhantu vhe te Vhayuuda.”

VaLoma 11:18

Kuli izyo, imwe mutazisufwaje insamba zye zidiviilwe. Havhili mutayitumvwaje, mwe pe te mazi ge gakuvhasuuvhila imwe, nkandi imwe mwe mukugasuuvhila amazi.

VaLoma 11:21

Nkuyanga vhwevhulo, mwe pe inga uMulungu atávhafwiliiye uvhwila aVhayuuda, vhe nsamba izya izayituuni ilya kuvhwalwa, pe nalyoli atalikufwila uvhwila niiwe.

VaLoma 12:16

Mwivwanaje ahinza na vhamwinyu. Mutayitumvwaje, muvhanje nu vhuliilani na vhantu vhe vhatakushindikwa, mutayilolaje kuuti muvhapoosite injeele.

VaLoma 12:3

Ishi, mwe pe uChilisiti ampiiye uvhwila kuuti mbe ne mutumwa waakwe, nkuvhavhuuzya mwenti kuuti, muleshe kuyilola kuuti muhondeeye kuluusya vwe muli. Muyilolaje kuuti, mwenti mupeliilwe ulwitiho lweluula nu Mulungu.

VaLoma 3:3

Ileelo nalyoli aVhayuuda vhamo vhatáamile vhatungamu. Vhuli! Tuti, avhantu ivho vhe te vhatungamu kwa Mulungu, vhakumuvhiiha uMulungu kuuti woope aleshe kuvha mutungamu kuvhomba zye áfinzile?

1 VaKolinti 10:12

Pe ishi, we akuyilola kuuti ayimiliiye ahinza mu lwitiho, avhe minso, inga atahinze agwe.

1 VaKolinti 15:1

Ishi vhamwitu, nkuvhakumbusya Izwi iLyinza lye nálumbiliiye kuli imwe, niimwe muhaliposheela. Ilyo lye likuvhavhiiha kuuti musimpe mu lwitiho lwe muli nalwo.

1 VaKolinti 16:13

Muvhanje minso nu kusimpa mu lwitiho, havhili mutavhanje ni lyoga, nkandi muvhanje mwe vhadandamazu.

2 VaKolinti 1:24

Te kuuti iswe tukwanza kuvhavijiilizya zye mukwanzilwa kuvhomba mu lwitiho lwinyu, mwe pe imwe mugomile mu lwitiho. She shikwanzilwa kuli iswe, kwe kuvhomba imbombo pooka niimwe, inga museshele.

2 VaKolinti 10:5

Tukunanganya amabaado ni zinji zyonti zye zikuvhadinda avhantu kuuti vhatamumanyaje uMulungu. Havhili tukuzigoma insiivho zyonti, inga zimushindihaje uChilisiti.

Filipi 2:12

Vhankundwa vhaane, muhamunyilaga uMulungu lwe náali pooka niimwe. Ishi mumunyilaje inza vhwevhulo, ahavhaliilizyo iha he indi ukutali, kuluusya luula lwe náali pooka niimwe. Jendelelaaji kulunjisya uvhuposhi vhwinyu, kwi lyoga nu kutetema.

Kolosi 2:7

Musimpaje nu kuyizenga mu kwakwe, havhili mugomaje mu lwitiho inza vwe mwásambiliiye. Mumusalifwaje uMulungu nkaani.

2 VaTesaloniki 2:4

Uweene alidindanjizya vwonti vwe avhantu vhakuvilola kuuti wu Mulungu, poosye vwe vhakuvipuuta nu kuyitumvwa ku vwonti ivwo. Havhili aliyinjila nu kutendama mu Nyumba iMfinjile iya Mulungu nu kuyitumvwa kuuti wu Mulungu.

1 Timoti 6:17

Uvhalajizye avhadumbwe mu nsi umu kuuti vhatayitumvwaje, nu kuuti vhatavhiihaje ulusuuvhilo lwavho mu vintu vwe vhali navwo, mwe pe ivwa mu nsi umu vikuvha vwavho ku havhaliilizyo hansi vhweleele. Uvhasohaje kuuti vhavhiihaje ulusuuvhilo lwavho kwa Mulungu, we akuutupa ivintu vwonti ku vhwinji, inga tuvhanje nu luseshelo.

VaHebuli 3:12

Vhamwitu, muvhe minso, muli imwe atahaavhe umuntu uwa mwoyo umuvhiivhi we atakwitiha, uyo akuyilehaanya nu Mulungu uMulanzi.

VaHebuli 3:19

Ishi tumanyile kuuti avhantu ivho vháposiitwe kwinjila pa lutuuzyo ulwo, mwe pe vhatámwitisile uMulungu.

VaHebuli 4:11

Pe ishi, tuvhe nu mute kwinjila pa lutuuzyo ulwo, inga atahaavhe umuntu wonti uwa kupootwa kwinjila, mwe pe atakumushindiha uMulungu inza avhataata vhiitu vwe vhávhomvile.

VaHebuli 4:6

Pooka nu kuuti avhataata vhiitu vhálongoleeye kulumbiililwa Izwi iLyinza ilya pa lutuuzyo, ileelo vháposiitwe kwinjila penepo, mwe pe vhatámushindisile uMulungu. Ileelo avhantu avhanji vhaliyinjila pa lutuuzyo ipo.

Yakobu 2:19

Ukwitiha kuuti uMulungu ali wooka. Mwe muumwo! Zyope impepo inkandamanu zikwitiha vhwevhulo nu kutetema kwi lyoga!

Yakobu 4:6

Pooka niizyo, uweene akwonjezya kutufwila uvhwila. Ye nongwa yisimviilwe mu Vhusimbe uVhufinjile kuuti, “UMulungu akuvhahaana avha mabaado, ileelo vhe vhakuyiisya, akuvhafwila uvhwila.”

1 Peteli 1:17

UMulungu we mukumwita mukuti Taata, we akulonga avhantu vhonti kulandatana ni mbombo zyavho ishisita kusavhulanya. Ishi mumunyilaje nkaani ahavhaliilizyo iha he mushiili mukutendama mu nsi umu inza avhajeni.

1 Peteli 5:12

Mbasimbiiye ukalaata uno kutuushila kwa Silwano we imumanyile kuuti mwitisi umutungamu. Mbasimbiiye ku mazwi amansi iga, inga mbasuvhaalizye nu kuhomeshezya kuuti uvhu vhwe vhwila uvhwa nalyoli uvhwa Mulungu. Kuli izyo, nkuvhavhuuzya kuuti, musimpaje mu vhwila uvhwo.

1 Peteli 5:9

Ishi mumudindaje uweene kwi idala ilya kusimpa mu lwitiho. Havhili mumanye kuuti avhamwinyu avha mu nsi zyonti, vhakuyimvilwa inza imwe vwe mukuyimvilwa.

Ishitushizya 18:7

Mumuyimvwe nu kumuvhavwa kufumiilana nu kuyitumvwa kwakwe, kufumiilana ni mpapilo zyakwe. Akuyitumvwa mu mwoyo waakwe kuuti, ‘Ine nkutendama pa shitengo shaane nu kukonzya fwe ne samwene. Ine te ne muziishe, havhili ntaliswimiililwa naalumo!’

Ishitushizya 3:17

Iwe ukuti, ‘Ne dumbwe, ndonsile nkaani, ntasovheliilwe naashimo.’ Ileelo utamanyile kuuti iwe we mudedevhazu, we wakufwilwa uvhwila, we mupiina, we ntonko havhili uli ishitali.