VaLoma 11:14 - ULufingwi uLupwa

¹⁴ Nkusuuvhila kuuti, pamo vhaala vhe tuli amavhanda gooka, kwe vhavhalolele umwone imwe ku ziila zye uMulungu akuvhavhombela, inga vhamo muli vhuuvho vhapokwe.

Tesitamenti Umupwa 1965

¹⁴ she nkuti ingavanga ngavapelela uvuzuva avamwitu ve tulʼumuvanda woka, ukuti imbaposhe vamo mumwo.

VaLoma 11:14 ပူးပေါင်းရင်းမြစ်များ

VaLoma 10:19

Havhili nkuvhuziilizya kuuti, vhuli, aVhaisilayeeli lwe vhiivwa vhatámanyile? Vhámanyile, mwe pe ahavhaliilizyo aha Moose uMulungu átili, “Ndivhavhiiha kuvha nu mwone, ku vhantu vhe te Vhaisilayeeli, havhili ndivhaviisya nkaani, kuzya vhantu ivho vhe vhatamanyile.”

VaLoma 11:11

Ishi, nkuvhuziilizya havhili kuuti, vhuli, aVhaisilayeeli vhápunuuye nu kugwa nziila? Ndaali! Te muumwo inga hansi! Ileelo kwi idala lyavho ilya kumuhaana uMuposhi, avhantu vhe te Vhaisilayeeli vháposheleeye uvhuposhi, inga aVhaisilayeeli vhavhalolele umwone.

VaLoma 9:3

kuzya vhajenzi vhaane aVhaisilayeeli. Yeenya, inga lwaamile lukasamo lwane, ine neneene, nkandi nitisile kutipwa nu kundehaanya nu Chilisiti, inga kuvhomba vhwevhulo kungavhaavwa avhajenzi vhaane ivho, kuuti vhamwitishe uChilisiti.

1 VaKolinti 1:21

Yeenya, kulandatana na vwe vhuli uvhushindamu uvhwa njeele uvhwa Mulungu, avhantu avha mu nsi umu vhatangamumanya uMulungu ku vhushindamu vhwavho uvhwa njeele. Ileelo uMulungu asungwilwe kuvhapoha vhe vhakumwitiha uYeesu we iswe tukukumusya intumi yaakwe. Avhantu vhe vhatakumwitiha uYeesu vhakulola intumi iyo ya vhwalangani.

1 VaKolinti 10:33

Muvhanje inza ine. Nkuyikungula kuuti ku zyonti zye nkuvhomba, avhantu vhonti vhaseshelaje. Ntakuvhomba vhwevhulo, inga ine indyaje ilonka, nkandi inga avhantu avhinji vhalyaje ilonka, inga vhapokwe.

1 VaKolinti 7:16

We mwantanda iwe, umanyile vhuli kuuti pamo kwe umuposhe umulume waaho? Poosye we mwanaavuli iwe, umanyile vhuli kuuti pamo kwe umuposhe umushi waaho?

1 Timoti 1:15

Kuli izwi ilya nalyoli lye likwanzilwa kulyitiha ku mwoyo wonti, kuuti, “UChilisiti uYeesu áyinzile mu nsi umu kuvhapoha avhatalamalandu.” Niine ne mutalamalandu kuluusya avhanji vhonti.

1 Timoti 2:4

Uweene akwanza avhantu vhonti vhapokwe nu kuuti vhavhumanye uvhwanalyoli.

1 Timoti 4:16

Uyenyaaje vwe ukulandila na mazwi ge ukusambiilizya. Inga ukuvhomba izyo, pe kwe uyiposhe nu kuvhapoha vhe vhakukutejeelezya.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

2 Timoti 2:10

Ishi nkujimbiilila ku zyonti, inga vhoope vhe vhasavhuliilwe nu Mulungu, vhavhwaje uvhuposhi vhwe vhuli mwa Chilisiti uYeesu nu vhushindamu vhwakwe uvhwa shiima.

uTiiti 3:5

ahatupoha. Te kuuti iswe twámile nu lujendo ulwinza, nkandi átuposile ku vhwila vhwakwe vhweleele. Átuposile kwi idala ilya kutuzelufwa uvhutalamalandu vhwitu nu kutupaapa shipwa nu kutuvhiiha shipwa kwi idala ilya Mupepo uMufinjile.

Filemoni 1:12

Ishi nkumugalusya ku kwaho, uno imukunzite ku mwoyo waane wonti.

VaHebuli 1:14

Pe ishi, avhahavhizya shintu vhuli? Avhahavhizya mpepo vhweleele zye zikumuvhombela uMulungu. Uweene akuzisonteelezya kuvhavhombela vhaala vhe vhaliipokwa.

VaHebuli 2:3

Pe ishi, iswe tungaapona inza vhuli kupeelwa isunde, inga tutakuvhusaajila uvhuposhi uvhupiti inza uvhu? UMwene uYeesu wuuyo we átalisile kuvhukumusya uvhuposhi uvhwo, na vhantu vhe vhámwivuuye vhe vhátuhomesheziizye kuuti vhwáli vhwa nalyoli.

Yakobu 5:20

Mumanye ahinza kuuti umuntu wonti we akumugalusya umutalamalandu kufuma kwi idala ilya vhunanjisu, akumupoha uvhulanzi vhwakwe kufuma mu vhufwe. Havhili akumuvhiiha umutalamalandu uyo kuuti aswilwe uvhutalamalandu vhwakwe uvhwinji.