VaLoma 11:1 - ULufingwi uLupwa

¹ Ishi nkuvhuziilizya kuuti, vhuli, uMulungu ávhalesile avhantu vhaakwe aVhaisilayeeli? Ndaali, te muumwo inga hansi! Yeenya, ine neneene ne Mwisilayeeli, mfumile mu mavhanda aga Aabulahamu, mu nkolo iya Benjamiini.

Tesitamenti Umupwa 1965

¹ Mwe mumwo nkuti: AmwʼuMulungu avatazilʼavantu vakwe? Zye ndali ukushela zinizi! Nkwe nane ne muYisilayili, mfumile mumbeyu ya Abulahamu, muluho lwa Benyamini.

VaLoma 11:1 ပူးပေါင်းရင်းမြစ်များ

uLuuka 20:16

Aliyinza nu kuvhalovwa, nu mugunda uwo, aliivhapa avhalimi avhanji!” Avhantu lwe vhiivwa amazwi igo, vhahati, “Izyo zitahafumile inga hansi!”

iMbombo izya Vhatumwa 22:3

“Ine ne Muyuuda, nápafwilwe mu Taaso, mu shigavho isha nsi isha Kiliikiya. Ileelo nkuliiye pa Yelusaleemu panaapa. UGamaliyeeli we ansambiliziizye indajizyo zyonti zye avhataata vhiitu vhátulesheeye. Nkayikungulaga kwa Mulungu ku mute wonti, inza imwe vwe mukuyikungula ileelo ili.

iMbombo izya Vhatumwa 26:4

“AVhayuuda vhonti vhamanyile ahinza nkaani vwe nkatendamaga kufuma ku vhwana vhwane mu vhantu avha mu nsi yaane, mu nkaaya iya Yelusaleemu.

VaLoma 11:11

Ishi, nkuvhuziilizya havhili kuuti, vhuli, aVhaisilayeeli vhápunuuye nu kugwa nziila? Ndaali! Te muumwo inga hansi! Ileelo kwi idala lyavho ilya kumuhaana uMuposhi, avhantu vhe te Vhaisilayeeli vháposheleeye uvhuposhi, inga aVhaisilayeeli vhavhalolele umwone.

VaLoma 3:4

Ndaali, te muumwo inga hansi! UMulungu akuvhalolesya avhantu kuuti uweene akuyanga izya nalyoli nu kuzivhomba, poosye inga avhantu vhonti vhakuluma ilenga. Yeenya, uVhusimbe uVhufinjile vhukuti, “Inga wavhavhuuzya avhantu vhaaho uvhutalamalandu vhwavho, amazwi gaaho ga nalyoli. Inga wavhalonga, uvhulonzi vhwaho vhugolosu.”

VaLoma 9:3

kuzya vhajenzi vhaane aVhaisilayeeli. Yeenya, inga lwaamile lukasamo lwane, ine neneene, nkandi nitisile kutipwa nu kundehaanya nu Chilisiti, inga kuvhomba vhwevhulo kungavhaavwa avhajenzi vhaane ivho, kuuti vhamwitishe uChilisiti.

2 VaKolinti 11:22

Inga avheene Vhahebuuli, niine ne Muhebuuli, inga avheene Vhaisilayeeli, niine ne Mwisilayeeli, inga avheene vha mu mpaapo izya Aabulahamu, niine ne wa mu mpaapo izya Aabulahamu.

Filipi 3:5

Zipoosite, mwe pe lwe napaapwa nátahiliilwe isiku ilya 8. Havhili ne wa mu luho ulwa Benjamiini, mu nsi iya Isilayeeli. Havhili ne Muhebuuli uwa nalyoli, názilemile nkaani indajizyo izya Moose, mwe pe náamile ne Mufalisaayi.