VaLoma 10:6 - ULufingwi uLupwa

⁶ Ileelo izya muntu kuvhaazilwa kuuti mugolosu kwi idala ilya lwitiho, uVhusimbe uVhufinjile vhukuti, “Mutayivhuzilizyaje mu mooyo giinyu kuuti, ‘Wu naanu we angaazuvha ku mwanya?’” (Ukwo kwe kumuleeta uChilisiti pansi.)

Tesitamenti Umupwa 1965

⁶ Uvwenʼuvugolosu vwe vukufuma mulwitiho vwe vukuti: Zye ndali ukuyanga mumwoyo waho ukuti wʼunanu wʼalizuva ukuvala kumwanya? (She kwe kumwisyʼuChilisiti pansi.)

VaLoma 10:6 ပူးပေါင်းရင်းမြစ်များ

Yohani 6:33

Nkuyanga vhwevhulo, mwe pe ishaakulya isha Mulungu, neene ne uMulungu ansonteleziizye kufuma ku mwanya, inga mbape uvhulanzi uvhwa shiima avhantu vhonti vhe vhali mu nsi umu.”

Yohani 6:38

Nkuyanga isho, mwe pe ine ninzile kufuma ku mwanya, inga mbombaje ulukasamo ulwa Taata waane we ansonteleziizye. Ntinzile kuvhomba zye nkansiime neene.

Yohani 6:58

Ine ne shaakulya she shifumile kwa Mulungu. Ishaakulya she shitaholiine na shiila she vhahalyanga avhataata vhiitu. Avheene vháliiye nu kufwa. Ileelo umuntu wonti we akulya ishaakulya ishi, kwe avhe nu vhulanzi uvhwa shiima.”

VaLoma 3:22

Idala ilyo kwe kumwitiha uYeesu Chilisiti. Kwi idala ilyo, uMulungu ishisita kusavhulanya akuvhavhaazya kuuti vhagolosu avhantu vhonti vhe vhakumwitiha uYeesu.

VaLoma 3:25

UMulungu ámufumwizye uYeesu kuvha mpuutile iya kuvhakundanya avhantu nu weene, kwi idala ilya kwita amavhanda gaakwe, avhantu vhe vhakwitiha kuuti áfuuye kuzya vhutalamalandu vhwavho vhaswilwe. UMulungu ávhomvile vhwevhulo kulolesya kuuti uweene mugolosu. Yeenya, uweene ájimbiliiye, atávhapiiye isunde ku vhutalamalandu vhwavho vhwe vhátazile ahavhaliilizyo aha mwisinda.

VaLoma 4:13

UMulungu áfinzile nu Aabulahamu na vhantu avha mu luho lwakwe kuuti, aliivhapa insi yonti kuuti yivhe vhupwano vhwavho. UMulungu atáfinzile isho nu Aabulahamu, mwe pe ahazilandataga indajizyo, nkandi, mwe pe ámwitisile uMulungu. Pe uweene uMulungu ahamuvhaazya uAabulahamu kuuti mugolosu.

Filipi 3:9

nu kuvha pooka nawo. Ntakusuuvhila havhili indajizyo, inga mbaazilwe kuuti ne mugolosu kuli izyo. Kuvhaazilwa kwane kuuti ne mugolosu, kuvhe kwi idala ilya kumwitiha uChilisiti. Kuvhaazilwa ukwo, kwe kukufuma kwa Mulungu, havhili kukuvha kwi idala ilya lwitiho.

VaHebuli 1:3

UMwana uyo akulolesya vwe uMulungu akunyengʼenyela ku vhushindamu, havhili uweene shiholanyo isha nalyoli isha vwe uMulungu ali. Havhili uMwana uyo akuvivhiiha ivintu vwonti kuuti vijendeelele kuvha inza vwe vili, kwi izwi lyakwe ilya maha. Lwe avhazelufwa avhantu uvhutalamalandu, ásogooye kutendama uluvhazu ulwa nyoovhe iya kundiilo iya Mulungu uwa Maha Gonti, pa vhushindamu uvhupiti nkaani ku mwanya.

VaHebuli 11:7

Mwe pe uNoowa ámwitisile uMulungu, ámushindisile uMulungu lwe amusoha ku zye zyáshiili kufumila. Pe ahagomba imbogooso, inga uMulungu amuposhe uweene pooka na vhantu avha mu nyumba yaakwe. Kwi idala ilyo, ávhalonzile avhantu avha mu nsi vhe vhatámwitisile uMulungu. Kuli izyo, uMulungu ahamuvhaazya uNoowa kuuti muntu umugolosu pilongolela lyakwe.