VaLoma 10:4 - ULufingwi uLupwa

⁴ Yeenya, uChilisiti álunjisiizye zyonti zye zikwanzilwa mu ndajizyo, inga wonti we akumwitiha uweene avhazilwaje kuuti mugolosu.

Tesitamenti Umupwa 1965

⁴ ShʼuChilisiti we lumalilizyo lwa nkomelezyo ukuti umuntu wonti wʼakwitiha avwagajʼuvugolosu.

VaLoma 10:4 ပူးပေါင်းရင်းမြစ်များ

Matayi 3:15

UYeesu ahamwamula ahati, “Uvhombe isho, mwe pe tukwanzilwa tuvhombe zyonti zye uMulungu akwanza.” Pe uYoohani ahiitiha, ahamwozya.

Yohani 1:17

Nkuyanga vhwevhulo, mwe pe uMulungu áfumwizye indajizyo zyakwe kwi idala ilya Moose, ileelo uvhwila nu vhwanalyoli atupiiye kwi idala ilya Yeesu Chilisiti.

VaLoma 3:22

Idala ilyo kwe kumwitiha uYeesu Chilisiti. Kwi idala ilyo, uMulungu ishisita kusavhulanya akuvhavhaazya kuuti vhagolosu avhantu vhonti vhe vhakumwitiha uYeesu.

1 VaKolinti 1:30

UMulungu wuuyo we avhavhiisile imwe kuvha nu vhuliilani nu Chilisiti uYeesu. Uweene amuvhiisile uChilisiti kuvha vhushindamu vhwitu uvhwa njeele. Havhili kwi idala ilya Yeesu, iswe tuvhaziliilwe kuuti twe vhagolosu pilongolela ilya Mulungu, twe vhafinjile, havhili tutavhuliilwe.

VaGalati 3:24

Pe ishi, indajizyo izyo zihatulongozyaga ngati musunzi wiitu, kufishila lwe uChilisiti ayinza, inga kwi idala ilya kumwitiha uweene, tuvhaazilwe kuuti twe vhagolosu.

VaGalati 4:5

Ámusonteleziizye, inga avhatavhule vhe vháali vhazya avha ndajizyo izya Moose. Ávhomvile vhwevhulo, inga iswe swenti tuvhe twe vhaana vha Mulungu.

Kolosi 2:10

Niimwe muposheleeye uvhulunjisu vhwonti kwi idala ilya kusopenkana nu Chilisiti, uweene inza itwe mu muvhili, akuvikonzya ivipelwa vwe vili na maha amasisya na vwe vili na maha vwonti.

Kolosi 2:17

Amiiho igo, shiholanyo isha zye aVhayuuda vhásuvhiiye kuuti zikwinza. Ileelo izya nalyoli zikuloleha mwa Chilisiti.

VaHebuli 10:14

Kwi idala ilya Yeesu kuyifumwa lwoka vhweleele, avhazelufwizye avhantu vhaakwe shiima.