VaLoma 10:3 - ULufingwi uLupwa

³ Avheene vhatálimanyile idala lye uMulungu akuvhavhaazya avhantu kuuti vhagolosu, vhahalondola idala ilyavho. Vháhaanile kuyikonzya ku vhwanalyoli uvhwa Mulungu.

Tesitamenti Umupwa 1965

³ Shʼavene vatavumanyilʼuvugolosu vwa Mulungu, mwe mumwo vahanzʼukwimihʼuvugolosu vwavo vuvo. Pe vahasitʼukuyikonzya kuvugolosu vwa Mulungu.

VaLoma 10:3 ပူးပေါင်းရင်းမြစ်များ

uLuuka 10:29

Ileelo umusambiilizi uwa ndajizyo uyo ahanzaga kuyivhiiha kuuti mugolosu pilongolela ilya Mulungu, pe ahamuvhuziilizya havhili uYeesu ahati, “Ishi, umupalamani waane wu naanu?”

uLuuka 16:15

UYeesu ahavhavhuuzya ahati, “Imwe mukuyivhiiha mwe vhagolosu pilongolela ilya vhantu, ileelo uMulungu azimanyile zye zili mu mooyo giinyu. Ivintu vwe avhantu vhakuvimwamiha, uMulungu akuviviitilwa!”

VaLoma 1:17

Izwi ilyo likulolesya apazelu vwe uMulungu akuvhavhaazya avhantu kuuti vhagolosu. Avhantu vhakuvhaazilwa kuuti vhagolosu kwi idala ilya kwitiha vhweleele, inza uVhusimbe uVhufinjile vwe vhukuyanga vhukuti, “Umuntu we akuvha nu vhulanzi, we wula we akuvhaazilwa kuuti mugolosu kwi idala ilya kumwitiha uMulungu.”

VaLoma 10:2

Nkuhomeshezya kuuti, avhenevho vhali nu mute kumulondola uMulungu, ileelo vhatalimanyile idala lye uMulungu akwanza kuuti vhamulondolaje.

VaLoma 10:20

Havhili, umukuvhwi uYisaayi akuyanga ku vhudandamazu akuti, “Avhantu vhe vhatahandondolaga, vhe vhandola. Havhili njilolesiizye kuli ivho, vhe vhatahavhuzilizyaga inongwa zyane.”

VaLoma 11:7

Pe ishi, zili ishi: AVhaisilayeeli vhálondooye kuvhwaga uvhugolosu ileelo vhatávhwazile, nkandi vhaala vhe vhásavhuliilwe nu Mulungu vhe vhávhwazile. Vhe vhásyaye, ávhavhiisile kuuti vhavhe na mooyo amagomu.

VaLoma 3:22

Idala ilyo kwe kumwitiha uYeesu Chilisiti. Kwi idala ilyo, uMulungu ishisita kusavhulanya akuvhavhaazya kuuti vhagolosu avhantu vhonti vhe vhakumwitiha uYeesu.

VaLoma 3:26

Havhili, ávhomvile vhwevhulo, inga ahavhaliilizyo iha alolesye uvhugolosu vhwakwe. Uweene mugolosu, havhili we akuvhavhaazya avhantu vhe vhakumwitiha uYeesu kuuti vhagolosu.

VaLoma 5:19

Yeenya, inza vwe umuntu wooka áhaanile kumushindiha uMulungu, ahavhapelela avhantu avhinji kuvha vhatalamalandu, vhwevhulo umuntu wooka we ámushindisile uMulungu, alivhapelela avhantu avhinji kuvha vhagolosu.

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

Filipi 3:9

nu kuvha pooka nawo. Ntakusuuvhila havhili indajizyo, inga mbaazilwe kuuti ne mugolosu kuli izyo. Kuvhaazilwa kwane kuuti ne mugolosu, kuvhe kwi idala ilya kumwitiha uChilisiti. Kuvhaazilwa ukwo, kwe kukufuma kwa Mulungu, havhili kukuvha kwi idala ilya lwitiho.

2 Peteli 1:1

Ukalaata uno nsimvile neene ne Peeteli, ne muvhomvi, havhili ne mutumwa uwa Yeesu Chilisiti. Nkuvhasimbila imwe mwe muposheleeye ulwitiho luula ulwa nsavho, lwe niiswe tuluposheleeye. Muluposheleeye ulwitiho ulwo kwi idala ilya vhugolosu uvhwa Mulungu wiitu uMuposhi uYeesu Chilisiti.