VaLoma 10:18 - ULufingwi uLupwa

¹⁸ Poosye vhwevhulo, nkuvhuziilizya kuuti, vhuli, aVhaisilayeeli vhatívuuye? Nalyoli vhívuuye, mwe pe uVhusimbe uVhufinjile vhukuti, “Izwi lyavho lyívwisile mu nsi zyonti, na mazwi gaavho gáfisile ku vhusililishilo uvhwa nsi.”

Tesitamenti Umupwa 1965

¹⁸ Ilelo pe nkuti: Amwe vatiṿuye lelo? Nalyoli vahiṿwa she Ipangwi lyavo lisavaliye munsi yonti, namazwi gavo gafisile kwʼipeleleyʼinsi mwe vasamiyeʼavantu.

VaLoma 10:18 ပူးပေါင်းရင်းမြစ်များ

Matayi 24:14

Havhili Izwi iLyinza ilya vhumwene uvhwa Mulungu lilikumuha mu nsi zyonti, inga livhe vhuhomeshezi ku vhantu vhonti. Ipo pe uvhusililishilo uvhwa nsi vhuliyinza.”

Matayi 26:13

Nalyoli nkuvhavhuuzya kuuti, mu nsi yonti pe vhalikumusya Izwi iLyinza, niili lye avhomba umwantanda uno kwe liyangwaje kumukumbuha.”

Matayi 28:19

Ishi musogole ku vhantu avha mu nsi zyonti nu kuvhapela kuvha vhasundikwa vhaane. Muvhombaje isho, kwi idala ilya kuvhoozya kwi izina ilya Taata ni lya Mwana ni lya Mupepo uMufinjile,

Matayi 4:8

Pe uMukwalanzi ahamutwala uYeesu pi igamba pamwanya nkaani, ahamulanga uvhumwene vhwonti uvhwa mu nsi zyonti pooka nu vhushindamu vhwakwe,

Maliko 16:15

UYeesu ahavhavhuuzya ahati, “Musogole mu nsi yonti, mukumusye Izwi iLyinza ku vhantu vhonti.

Maliko 16:20

Avhasundikwa vhaheepa, vhahasogola kukumusya kwonti. UMwene ahavhombaga imbombo pooka navho, ahahomeshezyaga izwi lyakwe ku vilolesyo vwe vhahavhombaga.

iMbombo izya Vhatumwa 1:8

Ileelo kwe muposheele amaha, lwe uMupepo uMufinjile akuvhiishila imwe. Pe muliivha mwe vhahoome vhaane mu Yelusaleemu, na mu shigavho isha nsi shonti isha Yudeeya ni sha Samaliya, nu kufishila kumpeleela iya nsi.”

iMbombo izya Vhatumwa 26:20

Nkanda kulumbiilila avhantu avha mu Damaasiki suuti, kuuti vhatonte imbiivhi zyavho, vhamulandate uMulungu nu kuvhomba zye zikulolesya kuuti vhapindusile mu mooyo gaavho. Pisinda, nkalumbiilila amazwi ganaago na ku vhantu avha mu Yelusaleemu na vha mu nsi yonti iya mu Yudeeya na ku vhantu vhe te Vhayuuda.

iMbombo izya Vhatumwa 28:23

Pe vhahitinkana nu Paavhuli isiku ilya kuvhungaana mu nyumba ye ahatendamaga. Isiku ilyo lwe lyafiha, aVhayuuda vhahavhungaana ku vhwinji kuluusya isiku ilya pisinda. UPaavhuli ahavhapanjila inongwa inyinji kufuma inzanshi kufishila hamazuuvha. Ahavhalumbililaga inongwa izya vhumwene uvhwa Mulungu. Ahavhasinjilizyaga kuuti vhoope vhamwitishe uYeesu, ahavhombaga vhwevhulo kwi idala ilya kuvhalolesya amazwi ge gakupanga inongwa zyakwe mu ndajizyo izya Moose, na mu makalaata aga vhakuvhwi.

VaLoma 1:8

Isuuti, nkumusalifwa uMulungu kutuushila kwa Yeesu Chilisiti ku zyinyu mwenti, mwe pe ulwitiho lwinyu lukumusile mu nsi zyonti.

VaLoma 15:19

havhili kwi idala ilya maha aga vilolesyo ni zya kusukumizya, na ku maha aga Mupepo uMufinjile. Kuli izyo, nzyunguluuye mwonti kulumbiilila Izwi iLyinza ilya Chilisiti, kwandila mu nkaaya iya Yelusaleemu kufishila mu nsi iya Ililiiko.

Kolosi 1:23

Nalyoli muli isho pilongolela lyakwe, inga mukujendeelela kumwitiha uChilisiti, nu kuyigomwa nu kuvha na maha, havhili inga mutakwitiha kuleha ulusuuvhilo lwe mwáposheleeye, lwe mwivwa Izwi iLyinza. Izwi ilyo, lye avhavhomvi avha Mulungu vhakumusiizye ku vhantu vhonti avha mu nsi, havhili lye ine ne Paavhuli, ne muvhomvi uwa kukumusya.

Kolosi 1:6

Izwi ilyo lye lyálumbiliilwe kuli imwe, likumusile mu nsi zyonti. Umwo likuvhagalulanya avhantu inza vwe lyávhagaluliinye imwe, kufuma pe mwályivuuye nu kuvhumanya uvhwila uvhwa Mulungu mu vhwanalyoli vhwonti.

1 VaTesaloniki 1:8

Kufumiilana niimwe, avhantu vhivuuye izwi ilya Mwene uYeesu. Te ku vhantu avha ku Makedooniya na vha ku Akaaya vhweleele, ulwitiho lwinyu kwa Mulungu lumanyisile kwonti. Mwe pe izya lwitiho lwinyu zimanyisile kwonti, tutakuyitamwa kuyanga zyenezyo.