VaLoma 10:10 - ULufingwi uLupwa

¹⁰ Yeenya, umuntu akwitiha nu mwoyo waakwe, pe akuvhaazilwa kuuti mugolosu, havhili akupemula ni ilomu lyakwe, pe akupokwa.

Tesitamenti Umupwa 1965

¹⁰ Shʼumuntu ingʼali nulwitiho mumwoyo kwe kwinjila muvugolosu, havili ingʼakuziyangʼapazelu nilomu kwe kwinjila muvupokwa.

VaLoma 10:10 ပူးပေါင်းရင်းမြစ်များ

Maliko 9:23

UYeesu ahati, “Shooni she ukuti, ‘Inga ungavhwezya’? Zikuvhwezenkana zyonti kwa muntu wonti we ali nu lwitiho.”

uLuuka 8:15

Ileelo imbeyu zye zyágwiliiye pa nsi inyinza, shiholanyo isha vhantu vhe vhakwivwa izwi nu kulilema ku mwoyo umugolosu uwa mushinzi. Ivho vhe vhakupaapa amantonongwa uku vhakujimbiilila amayimba gonti.”

iMbombo izya Vhatumwa 8:37

UFiilipo ahamwamula ahati, “Inga wamwitiha uYeesu Chilisiti ku mwoyo waaho wonti, ungoozelwa.” Umupiti uyo ahamwamula ahati, “Niitiha kuuti uYeesu Chilisiti Mwana wa Mulungu.”

VaLoma 10:11

UVhusimbe uVhufinjile vhukuti, “Umuntu wonti we akumwitiha, te ahasuupile naalumo.”

VaLoma 10:9

kuuti, inga wapemula ni ilomu lyaho weneewe kuuti, “UYeesu wu Mwene,” nu kwitiha mu mwoyo waaho kuuti uMulungu ámuzyusiizye, ukupokwa.

VaGalati 2:16

Ileelo tumanyile kuuti, umuntu atakuvhaazilwa kuuti mugolosu kwi idala ilya kulandata indajizyo izya Moose, nkandi kwi idala ilya kumwitiha uYeesu Chilisiti. Niiswe twámwitisile, inga tuvhaazilwe kuuti twe vhagolosu, te kwi idala ilya kulandata indajizyo, nkandi kwi idala ilya kumwitiha uYeesu. Nkuyanga vhwevhulo, mwe pe ataliipo umuntu we akuvhaazilwa kuuti mugolosu kwi idala ilya kulandata indajizyo.

Filipi 3:9

nu kuvha pooka nawo. Ntakusuuvhila havhili indajizyo, inga mbaazilwe kuuti ne mugolosu kuli izyo. Kuvhaazilwa kwane kuuti ne mugolosu, kuvhe kwi idala ilya kumwitiha uChilisiti. Kuvhaazilwa ukwo, kwe kukufuma kwa Mulungu, havhili kukuvha kwi idala ilya lwitiho.

VaHebuli 10:22

Kuli izyo, tusogolaje pilongolela ilya Mulungu na mooyo aminza ge nalyoli gakumwitiha, mwe pe uMulungu atuzelufwizye amooyo giitu amavhiivhi kwi idala ilya mavhanda aga Yeesu nu kugazelufwa amavhili giitu na minzi amazelu.

VaHebuli 3:12

Vhamwitu, muvhe minso, muli imwe atahaavhe umuntu uwa mwoyo umuvhiivhi we atakwitiha, uyo akuyilehaanya nu Mulungu uMulanzi.

1 Yohani 4:15

Umuntu wonti we akupemula kuuti uYeesu Mwana wa Mulungu, uMulungu akulandila ku vhuliilani nawo, woope akulandila ku vhuliilani nu Mulungu.

Ishitushizya 2:13

Mpamanyile pe ukutendama, pe pa shinamwene isha Seetano. Niiwe ukulyitiha izina lyane havhili utahaluhaana ulwitiho lwane, poosye mu havhaliilizyo aha hoome waane umutungamu uAntipa. Uweene we avhantu vhámugozile kuli imwe paala pe uSeetano akutendama.