VaLoma 1:8 - ULufingwi uLupwa

⁸ Isuuti, nkumusalifwa uMulungu kutuushila kwa Yeesu Chilisiti ku zyinyu mwenti, mwe pe ulwitiho lwinyu lukumusile mu nsi zyonti.

Tesitamenti Umupwa 1965

⁸ NkutalihʼukumusalifwʼuMulungu mwa Yesu Chilisiti pazyinyu mwenti shʼulwitiho lwinyu lukumusile munsi yonti.

VaLoma 1:8 ပူးပေါင်းရင်းမြစ်များ

Matayi 24:14

Havhili Izwi iLyinza ilya vhumwene uvhwa Mulungu lilikumuha mu nsi zyonti, inga livhe vhuhomeshezi ku vhantu vhonti. Ipo pe uvhusililishilo uvhwa nsi vhuliyinza.”

uLuuka 2:1

Ahavhaliilizyo haala he uYoohani ápafwilwe, uKayisaali uAguusito umwene umupiti uwa vhumwene uvhwa Shiluumi álajiziizye kuuti, avhantu vhonti avha mu nsi zye ahakonzyaga, vhasimbisye amazina gaavho.

iMbombo izya Vhatumwa 11:28

Wooka muli ivho, izina lyakwe vhahatinji uAgaabo. Uweene ahimiilila, ahakuvhwa uvhukuvhwi kutuushila kwa Mupepo uMufinjile kuuti, inzala impiti yiliigwa mu nsi nyinji. Inzala iyo ye yáfumiiye, lwe uKayisaali uKilavhudiyo umwene umupiti ahazikonzyaga insi izyo.

iMbombo izya Vhatumwa 28:22

Ileelo tukwanza kwivwa kuli iwe zye ukusiivha, mwe pe kuzya mpuga ye ukuyilandata, tumanyile kuuti yikuyangwa havhiivhi kwonti.”

VaLoma 10:18

Poosye vhwevhulo, nkuvhuziilizya kuuti, vhuli, aVhaisilayeeli vhatívuuye? Nalyoli vhívuuye, mwe pe uVhusimbe uVhufinjile vhukuti, “Izwi lyavho lyívwisile mu nsi zyonti, na mazwi gaavho gáfisile ku vhusililishilo uvhwa nsi.”

VaLoma 16:19

Avhantu vhonti vhivuuye kuuti imwe mulilemile ahinza izwi ilya Mulungu. Izyo zikumbiiha kuuti nseshele nkaani, ileelo nkwanza kuuti muvhe nu vhushindamu uvhwa njeele ku mbombo inyinza, havhili mutakweswaje ni mbiivhi.

VaLoma 6:17

Ishi nkumusalifwa uMulungu. Mwáli mwe vhazya avha vhutalamalandu, ileelo ishi mwitisile insambiilizyo izya Shichilisiti zye muposheleeye, havhili mukuzilandata ku mwoyo wonti.

1 VaKolinti 1:4

Nkumusalifwa uMulungu waane insiku zyonti ku zyinyu, mwe pe avhafwiliiye uvhwila mwa Chilisiti uYeesu.

2 VaKolinti 2:14

Tukumusalifwa uMulungu, mwe pe mwa Chilisiti akutulongola ahavhaliilizyo honti kuvhapoota avhalugu. Havhili akutuvhiiha iswe kuuti tukumusyaje izwi ilya Chilisiti imbazu zyonti, inza umununsi umwinza vwe wukusaata kwonti.

VaEfeso 1:15

Kuli izyo, lwe niivwa kuuti mukumwitiha uMwene uYeesu nu kuvhakunda avhafinjile vhonti,

VaEfeso 1:16

ntalesile kumusalifwa uMulungu ku zyinyu, poosye kuleha kuvhalaavhila.

VaEfeso 3:21

UMulungu ashindikwaje na vhantu avha mu manda gonti shiima shiima ku vhupiti vhwakwe vhwe vhukuloleha ku shivhanza shaakwe na kwa Chilisiti uYeesu! Amina.

VaEfeso 5:20

Mumusalifwaje uTaata uMulungu ahavhaliilizyo honti mu zyonti, mwi izina ilya Mwene wiitu uYeesu Chilisiti.

Filipi 1:11

Muvhavhombelaje inyinza avhamwinyu, kwi idala ilya Yeesu Chilisiti, kuzya kumushindiha nu kumutiima uMulungu.

Filipi 1:3

Nkumusalifwa uMulungu waane, amanda gonti ge nkuvhasamba.

Kolosi 1:3

Insiku zyonti lwe tukuvhalaavhila, tukumusalifwa uMulungu, uTaata uwa Mwene wiitu uYeesu Chilisiti.

1 VaTesaloniki 1:2

Tukumusalifwa uMulungu amanda gonti ku zyinyu mwenti, havhili tukuvhalaavhila ishisita kulita.

1 VaTesaloniki 2:13

Havhili tukumusalifwa uMulungu ishisita kulita, mwe pe lwe mwalitejeelezya izwi lyakwe kufuma kuli iswe, mutáliposheleeye ngati lizwi lya muntu, nkandi ngati lizwi kufuma kwa Mulungu, nalyoli vwe zili. Izwi ilyo likuvhomba imbombo muhati mu mooyo giinyu imwe mwe mumwitisile.

2 VaTesaloniki 1:3

Vhamwitu, tukwanzilwa kumusalifwa uMulungu amanda gonti ku zyinyu, mwe pe ulwitiho lwinyu lukukula, havhili kukundana kwinyu kukwonjela nkaani.

2 Timoti 1:3

Nkumusalifwa uMulungu we nkumuvhombela ku mwoyo umuzelu, inza vwe avhataata vhaane vhoope vhahavhombaga. Nkumusalifwa ku mbombo yaaho, havhili nkukukumbuha mu mpuuto zyane uvhusiku nu musanya.

Filemoni 1:4

Amanda gonti lwe nkumulaavha uMulungu, nkukukumbuha iwe nu kumusalifwa ku zyaho.

VaHebuli 13:15

Kwi idala ilya Yeesu tujendeelele kumutiima uMulungu, mwe pe amazwi giitu aga kulitiima izina lyakwe gakuholana ni mpuutile zye tukumufumwizya.

1 Peteli 2:5

Niimwe vhweleele muli ngati mavhwe amalanzi. Muzengwilwe kuvha nyumba imfinjile ye yitakuloleha pa minso amazelu. Umwo niimwe mwe vhapuuti avhafinjile vhe vhakufumwa impuutile zye zitakuloleha pa minso amazelu. Impuutile izyo zikwitishilwa nu Mulungu kwi idala ilya Yeesu Chilisiti.

1 Peteli 4:11

We ali ni shikunjilwa isha kulumbiilila, alumbililaje mu vhwanalyoli uvhwa Mulungu. We ali ni shikunjilwa isha vhuvhomvi, avhavhombelaje avhamwavho ku maha ge uMulungu amupiiye. Kwi idala ilyo, uMulungu kwe avhanje akutiimwa ku zyonti kutuushila kwa Yeesu Chilisiti we ali nu vhushindamu na maha shiima shiima. Amina.