VaLoma 1:7 - ULufingwi uLupwa

⁷ Kuli izyo, nkuvhasimbila imwe mwe muli ku Luumi, mwe uMulungu avhakunzite nkaani nu kuvhiita kuvha mwe vhafinjile. UTaata wiitu uMulungu nu Mwene uYeesu Chilisiti vhavhafwilaje uvhwila nu kuuvhapa uvhutehamu.

Tesitamenti Umupwa 1965

⁷ kuli vonti avankundwa va Mulungu ava mu-Loma, avitwa avafinjile: Uvwila nuvwihalo vuvanje namwe vwe vukufuma kwa Mulungu uTata swenti na kwa Mwene uYesu Chilisiti.

VaLoma 1:7 ပူးပေါင်းရင်းမြစ်များ

Matayi 5:16

Vhwevhulo, vwe uvhuzelu vhwinyu vhukwanzilwa vhuvhahozezyaje avhantu, inga vhazilolaje imbombo zyinyu inyinza, pe vhamushindihaje uTaata wiitu uwa ku mwanya.”

Yohani 20:17

UYeesu ahamuvhuuzya uMaliiya ahati, “Utahandeme, mwe pe nshiili kusogola ku mwanya kwa Taata. Ileelo sogoola uvhavhuuzye avhamwitu, kuuti nkuzuvha ku mwanya kwa Taata waane we wu Taata wiinyu, havhili kwa Mulungu waane we wu Mulungu wiinyu.”

iMbombo izya Vhatumwa 15:23

“Iswe swe vhatumwa pooka na vhasongo, iswe swe vhamwinyu, tukuvhalamuha imwe vhamwitu mwe te mwe Vhayuuda mwe muli mu nkaaya iya Antiyookiya na mu shigavho isha nsi isha Siiliya ni sha Kiliikiya.

iMbombo izya Vhatumwa 9:13

UAnaniya ahamwamula ahati, “We Mwene, nivuuye ku vhantu avhinji vwe uSaavhuli uyo avhavhombeeye imbiivhi avhafinjile vhaaho mu Yelusaleemu!

VaLoma 1:6

Niimwe vhweleele muli mu mpuga iya vhantu ivho vhe uYeesu Chilisiti avhiisite kuuti vhavhe vhantu vhaakwe.

VaLoma 5:1

Ishi, mwe pe uMulungu atuvhaziizye kuuti swe vhagolosu kwi idala ilya kumwitiha uweene, tuli nu vhutehamu nawo kutuushila kwa Mwene wiitu uYeesu Chilisiti.

VaLoma 5:5

Ulusuuvhilo ulwo lutakutusuupizya, mwe pe uMulungu atulolesiizye ishikunzi shaakwe ishipiti mu mooyo giitu kwi idala ilya kuutupa uMupepo uMufinjile.

VaLoma 8:28

Tumanyile kuuti, muli zyonti uMulungu akuvhavhombela inyinza avhantu vhe vhamukunzite, vhaala vhe avhiisite inza vwe avhalulumiiye.

VaLoma 8:39

gavhe maha ga ku mwanya, poosye ga pa nsi. Shitaliipo ishipelwa naashimo she shingatulehaanya ni shikunzi isha Mulungu she shili mwa Chilisiti uYeesu uMwene wiitu.

VaLoma 9:25

Izi zye uMulungu áyanzile mwi ikalaata ilya mukuvhwi uHoosiya kuuti, “Vhaala vhe te vhantu vhaane, ndivhiita ndiiti, ‘Vhantu vhaane.’ Na vhaala vhe ntávhakunzite, ndivhiita ndiiti, ‘Vhankundwa vhaane.’”

1 VaKolinti 1:24

Ileelo ku vhaala vhe uMulungu avhiisite kuvha vhantu vhaakwe, vhavhe Vhayuuda, poosye vhe te Vhayuuda, uChilisiti maha aga Mulungu, havhili vhushindamu uvhwa njeele uvhwa Mulungu.

1 VaKolinti 16:23

UMwene wiitu uYeesu avhafwilaje uvhwila.

2 VaKolinti 13:14

UMwene uYeesu Chilisiti avhafwilaje uvhwila. UMulungu alolesyaje ishikunzi kuli imwe. Woope uMupepo uMufinjile, avhapanje uvhuliilani imwe mwenti.

VaGalati 6:18

Vhamwitu, uMwene wiitu uYeesu Chilisiti avhafwilaje uvhwila. Amina.

VaEfeso 1:2

UTaata wiitu uMulungu nu Mwene uYeesu Chilisiti vhavhafwilaje uvhwila nu kuuvhapa uvhutehamu.

VaEfeso 6:23

Vhamwitu, uTaata uMulungu nu Mwene wiitu uYeesu Chilisiti vhaavhape uvhutehamu, havhili vhavhaloote mujendeelele kumwitiha nu kukundana.

Filipi 1:2

UTaata wiitu uMulungu nu Mwene uYeesu Chilisiti, vhavhafwilaje uvhwila nu kuuvhapa uvhutehamu.

Filipi 4:13

Nkuvhwezya kuvhomba zyonti izyo, kwi idala ilya Chilisiti we akumpa amaha.

Filipi 4:20

Ishi uTaata wiitu uMulungu, ashindikwaje shiima shiima! Amina!

Filipi 4:23

UMwene uYeesu Chilisiti avhafwilaje uvhwila.

Kolosi 1:2

tukuvhasimbila vhamwitu mwe mukutendama mu nkaaya iya Kolosaayi, imwe mwe vhafinjile havhili mwe vhatungamu mwa Chilisiti. UTaata wiitu uMulungu, avhafwilaje uvhwila nu kuuvhapa uvhutehamu.

Kolosi 3:12

Ishi, mwe pe mwe vhasaavhulwa avha Mulungu, havhili mwe vhafinjile vhe avhakunzite, muvhe nu mwoyo uwa vhwila nu mwoyo umwinza nu vhwahayiisye nu vhutonsu nu vhujimbiilizu.

Kolosi 3:15

Uvhutehamu uvhwa Chilisiti vhuvhalongozyaje mu mooyo giinyu. UMulungu ávhiisite mwenti kuuti muvhe pooka inza ivipelwa ivwa mu muvhili wooka, inga muvhe nu vhutehamu uvhwo. Mumusalifwaje uweene.

1 VaTesaloniki 1:1

Ukalaata uno nsimvile neene ne Paavhuli pooka nu Silwano nu Tiimoti. Tukuvhasimbila imwe mwe muli mu shivhanza isha mu nkaaya iya Tesaloniiki, mwe mpuga iya vhantu mwe mumwitisile uTaata uMulungu nu Mwene uYeesu Chilisiti. UMulungu avhafwilaje uvhwila nu kuuvhapa uvhutehamu.

1 VaTesaloniki 1:3

Lwe tukuvhalaavhila kwa Taata wiitu uMulungu, tukukumbuha pilongolela lyakwe imbombo ye mukuvhomba ku lwitiho. Tukukumbuha umute wiinyu we wukufumiilana ni shikunzi shiinyu, havhili vwe mwimiliiye kufumiilana nu lusuuvhilo lwinyu kwa Mwene wiitu uYeesu Chilisiti.

1 VaTesaloniki 1:4

Mwe vhamwitu, mwe uMulungu avhakunzite, tumanyile kuuti uMulungu avhasavhuuye kuvha mwe vhantu vhaakwe.

1 VaTesaloniki 4:7

UMulungu atahatwita kuvhomba uvhuvhembu, nkandi kuuti tutendamaje mu vhufinjile.

1 VaTesaloniki 5:28

UMwene wiitu uYeesu Chilisiti avhafwilaje uvhwila.

2 VaTesaloniki 1:2

UTaata wiitu uMulungu nu Mwene uYeesu Chilisiti vhavhafwilaje uvhwila nu kuuvhapa uvhutehamu.

2 VaTesaloniki 3:16

Ishi, uMwene uYeesu wuuyo we vhwandilo vhwa vhutehamu, avhapanje uvhutehamu amanda gonti ku madala gonti. Uweene avhe pooka niimwe mwenti.

2 VaTesaloniki 3:18

UMwene wiitu uYeesu Chilisiti avhafwilaje uvhwila imwe mwenti.

1 Timoti 1:2

Ine nkukusimbila iwe Tiimoti, we mwana waane nalyoli mu lwitiho. UTaata uMulungu nu Mwene wiitu uChilisiti uYeesu, vhakufwilaje uvhwila nu kuukupa ulupepeelezyo nu vhutehamu.

1 Timoti 6:2

Inga avhamwene vhaavho vhiitisi, avhazya vhatavhasufwaje, mwe pe vhamwavho. Nalyoli vhakwanzilwa kuuti vhonjezyaje kuvhavhombela ahinza, mwe pe ivho vhe vhakulonka mu mbombo yaavho iya vhuzya, vhakuvha vhamwavho, havhili vhe vhankundwa vhaavho. Uvhasambilizyaje avhantu vhonti mu shivhanza amazwi igo nu kuvhasoha.

2 Timoti 1:2

Ine nkukusimbila iwe Tiimoti, mwana waane we nkukunzite. UTaata uMulungu nu Mwene wiitu uChilisiti uYeesu vhakufwilaje uvhwila nu kuukupa ulupepeelezyo nu vhutehamu.

2 Timoti 4:22

UMwene uYeesu avhe pooka niiwe. Avhafwilaje uvhwila imwe mwenti.

uTiiti 1:4

Nkukusimbila izi iwe Tiiti, we mwana waane mu lwitiho lwe tuli nalwo pooka niiwe. UTaata uMulungu nu Muposhi wiitu uChilisiti uYeesu vhakufwilaje uvhwila, nu kuukupa uvhutehamu.

Filemoni 1:25

UMwene uYeesu Chilisiti avhafwilaje uvhwila.

Filemoni 1:3

UTaata wiitu uMulungu nu Mwene uYeesu Chilisiti, vhavhafwilaje uvhwila nu kuuvhapa uvhutehamu.

Yakobu 1:1

Ukalaata uno nsimvile neene ne Yaakobu, ne muvhomvi uwa Mulungu nu wa Mwene uYeesu Chilisiti. Nkuvhalamuha imwe mwe Vhayuuda mwenti mwe vha nkolo 12, mwe musaasite mu nsi izya mavhiila mu mavhiila.

1 Peteli 1:15

nkandi muvhanje mwe vhafinjile mu lujendo lwinyu lwonti, inza uMulungu we ávhiisite vwe mufinjile.

1 Yohani 3:1

Yeenyi vwe uTaata uMulungu atukunzite nkaani. Akutwita kuuti swe vhaana vhaakwe! Mwe muumwo, nalyoli vwe tuli. Ileelo avhantu vhe vhatakumushindiha uMulungu, vhatatumanyile, mwe pe vhatamumanyile uweene.

2 Yohani 1:3

UTaata uMulungu nu Mwana waakwe uYeesu Chilisiti, vhalitufwila uvhwila nkaani nu kuutupa uvhutehamu, mu vhwanalyoli, na ku shikunzi.

Ishitushizya 2:1

Umuntu uyo ahajendeelela kumbuuzya kuuti, “Uhavhizya uwa shivhanza isha ku Hefeeso, musimbile uti: Iga mazwi kufuma kuli ine ne Yeesu. Ine ndemile inzota 7 ku nyoovhe yaane iya kundiilo, havhili nkujenda pahati pa visajishilo ivwa sahaabu ivwa nyaale 7:

Ishitushizya 2:12

“Uhavhizya uwa shivhanza isha ku Pegaamo, musimbile uti: Iga mazwi kufuma kwa Yeesu, ula we ali ni ipanga lye lihozile kwonti:

Ishitushizya 2:18

“Uhavhizya uwa shivhanza isha ku Tiyatiila, musimbile uti: Iga mazwi ge nkuyanga ne Mwana wa Mulungu. Ine aminso gaane gakumekuha ngati mwoto, havhili ivinama vwane vili ngati shaaba ye vhayizelufwizye nkaani.

Ishitushizya 2:29

We ali na makutwi, atejeelezye ziila zye uMupepo uMufinjile akuvivhuuzya ivivhanza.”

Ishitushizya 2:8

“Uhavhizya uwa shivhanza isha ku Siimina, musimbile uti: Iga mazwi kufuma kwa Yeesu, ula we Vhwandilo nu Vhusililishilo, we áfuuye havhili ahazyuha:

Ishitushizya 22:21

UMwene uYeesu, avhafwilaje uvhwila imwe mwenti.

Ishitushizya 3:14

“Uhavhizya uwa shivhanza isha ku Lawodikiya, musimbile uti: Iga mazwi kufuma kuli ine ne Yeesu. Ine ne Amina, havhili ne hoome umutungamu nu wa nalyoli. Nkuvikonzya ivintu vwonti vwe uMulungu ápezile.

Ishitushizya 3:22

We ali na makutwi, atejeelezye ziila zye uMupepo uMufinjile akuvivhuuzya ivivhanza.”

Ishitushizya 3:7

“Uhavhizya uwa shivhanza isha ku Filadelufiya, musimbile uti: Iga mazwi kufuma kwa Yeesu, ula we mufinjile, havhili uwa nalyoli, we ali ni shigulilo isha maha isha mwene uDaavhudi. Uweene we inga ayiigula nuumo uwa kwigalila, havhili inga agalila nuumo uwa kwigula: