VaLoma 1:6 - ULufingwi uLupwa

⁶ Niimwe vhweleele muli mu mpuga iya vhantu ivho vhe uYeesu Chilisiti avhiisite kuuti vhavhe vhantu vhaakwe.

Tesitamenti Umupwa 1965

⁶ muzinizi mwʼuYesu Chilisiti avisite namwe;

VaLoma 1:6 ပူးပေါင်းရင်းမြစ်များ

VaLoma 9:24

átusavhuuye swenti, swe Vhayuuda na vhe te Vhayuuda, inga atufwile uvhwila, mwe pe átusengiinye kuuti tuvhe nu vhushindamu pooka nawo.

1 VaKolinti 1:9

UMulungu alivhomba izi, mwe pe uweene mutungamu. Uweene we ahavhiita imwe, kuuti muvhe nu vhuliilani nu Mwana waakwe uYeesu Chilisiti uMwene wiitu.

VaGalati 1:6

Nkusukumila nkaani, ahavhaliilizyo hansi vhweleele hatuuha, imwe mwamuleha uMulungu we ávhiisite ku vhwila uvhwa Chilisiti, havhili mukulandata izinji zye vhamo vhakuti lye Lizwi iLyinza,

VaEfeso 1:11

Ivintu vwonti vikuvhombeha kulandatana nu lukasamo nu vhwamuzi uvhwa Mulungu. Woope uMulungu kufuma hali átusavhuuye iswe swe Vhayuuda, kuuti tuvhe swe vhaana vhaakwe kwi idala ilya kusopenkana nu Chilisiti.

Kolosi 1:21

Hali, niimwe mwámile ukutali nu Mulungu, mwámile mwe vhalugu vhaakwe ku nsiivho ni mbombo zyinyu imbiivhi.

Kolosi 1:6

Izwi ilyo lye lyálumbiliilwe kuli imwe, likumusile mu nsi zyonti. Umwo likuvhagalulanya avhantu inza vwe lyávhagaluliinye imwe, kufuma pe mwályivuuye nu kuvhumanya uvhwila uvhwa Mulungu mu vhwanalyoli vhwonti.

1 VaTesaloniki 2:12

kuuti mulandataje zye uMulungu akwanza. UMulungu we akuvhiita kuuti, mwinjile mu vhumwene na mu vhushindamu vhwakwe.

2 VaTesaloniki 2:14

UMulungu ahavhiita, inga muposheele uvhuposhi uvhwo kwi idala ilya Izwi iLyinza lye twálumbiliiye kuli imwe. Pe muvhanje mu vhushindamu uvhwa Mwene wiitu uYeesu Chilisiti.

2 Timoti 1:9

Uweene átuposile, ahatwita kuuti tuvhe twe vhantu vhaakwe avhafinjile. Uvhuposhi vhwitu uvhwo vhutakufumiilana ni mbombo zyitu, vhukufumiilana nu lukasamo ulwa Mulungu wuuyo ku vhwila vhwakwe. Uvhwila uvhwo vhwe átufwiliiye mwa Chilisiti uYeesu, lwe insi yishiili kupelwa.

VaHebuli 3:1

Ishi vhamwitu, imwe mwe vhafinjile, mwe uMulungu avhiisite inza iswe, mumwenyelezyaje nkaani uYeesu we mutumwa havhili mupuuti wiitu umupiti mu lwitiho lwitu.

1 Peteli 2:21

UMulungu ávhiisite inga mujimbiilile vhwevhulo, mwe pe uChilisiti woope ájimbiliiye kuyimvilwa ku zyinyu. Uweene we shiholanyo, inga tulandate idala lye átuusile.

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.

2 Peteli 1:10

Pe ishi vhamwitu, muyikungulaje nkaani nu kuhomeshezya kuuti uMulungu ávhiisite nu kuvhasaavhula, mwe pe inga mukuvhomba vhwevhulo te muhaagwe naalumo.

uYuuda 1:1

Ukalaata uno nsimvile neene ne Yuuda. Ine ne muvhomvi uwa Yeesu Chilisiti, havhili ne munine uwa Yaakobu. Nkuvhasimbila imwe mwe uTaata uMulungu ahavhiita nu kuvhakunda, havhili uYeesu Chilisiti akuvhasunjiilila.

Ishitushizya 17:14

Vhaliilwa uvhulugu na Hagonzi aha MWENE uMulungu, ileelo aHagonzi aha MWENE uMulungu halivhapoota, mwe pe aheene he Hapiti aha vhapiti havhili he Hamwene aha vhamwene. Aheene haliivha na vhantu vhaakwe vhe hahavhiita nu kuvhasaavhula nu kuvhavhiiha kuvha vhalandati vhaakwe avhatungamu.”