VaLoma 1:4 - ULufingwi uLupwa

⁴ Uyo we uMulungu ámuzyusiizye ku maha aga Mupepo uMufinjile. Kwi idala ilyo, áhomesheziizye kuuti Mwana wa Mulungu uwa Maha Gonti. Uyo we wu Mwene wiitu uYeesu Chilisiti.

Tesitamenti Umupwa 1965

⁴ wʼalolesile mumaha ga mupepo wa vufinjile pala pʼahazyuha kuvafwe ukuti Mwana wa Mulungu, uYesu Chilisiti uMwene witu,

VaLoma 1:4 ပူးပေါင်းရင်းမြစ်များ

Matayi 4:3

Pe uMukwalanzi ahinza kumulinga, ahamuvhuuzya ahati, “Inga we Mwana wa Mulungu, gavhuuzye amavhwe iga gagalunkane gavhe makaati.”

iMbombo izya Vhatumwa 17:31

Akuvhalajizya isho, mwe pe avhiisile isiku lye alivhalonga avhantu vhonti mu vhwanalyoli, kwi idala ilya muntu we amusavhuuye. UMulungu avhahomesheziizye avhantu vhonti izyo, kwi idala ilya kumuzyusya umuntu uyo.”

iMbombo izya Vhatumwa 2:24

Ileelo uMulungu ahamuzyusya, ahamusatula mu mayimba aga vhufwe, mwe pe vhutáali na maha aga kumumeneelezya.

iMbombo izya Vhatumwa 2:32

“UMulungu ahamuzyusya uYeesu uyo, swenti tuhomesheziizye inongwa izi.

iMbombo izya Vhatumwa 3:15

Muhamugoga uweene we áali vhwandilo uvhwa vhulanzi, ileelo uMulungu ahamuzyusya. Iswe tuhomesheziizye izyo.

VaLoma 1:3

Izwi ilyo lye likumuhomeshezya uMwana waakwe we ápafwilwe inza umuntu mu luho ulwa mwene uDaavhudi.

2 VaKolinti 13:4

Poosye she uChilisiti áali muyeyevhazu lwe akuhomeelwa pa shihovhenkanyo nu kufwa, ishi mulanzi ku maha aga Mulungu. Vhwevhulo, niiswe ishi twe vhayeyevhazu inza vwe uChilisiti áali, poosye vhwevhulo tuliivha twe vhalanzi ku maha aga Mulungu, inza vwe uChilisiti ali.

VaHebuli 9:14

Ileelo amavhanda aga Chilisiti gali na maha amapiti kuluusya aga vihanu ivwo! Uweene ku maha aga Mupepo uwa shiima, áyifumwizye kwa Mulungu kuvha mpuutile ye yilunjisile. Amavhanda gaakwe ge gakutuzelufwa na mooyo giitu kufumiilana ni mbombo zye zikuleeta uvhufwe, inga tumuvhombelaje uMulungu uMulanzi.

1 Peteli 1:11

UMupepo uwa Chilisiti we áali muhati yaavho, ákuvile izya mayimba aga Chilisiti, nu vhushindamu vhwe vhulilandata pisinda. Avhakuvhwi ivho vhálondooye nkaani, inga vhamanye kuuti inongwa izyo zilifumila lii.

2 Peteli 1:21

Nkuyanga vhwevhulo, mwe pe uvhukuvhwi vhutínzile kufumiilana nu lukasamo ulwa muntu. Lwe avhantu vhahakuvhwaga, vhahalongolwaga nu Mupepo uMufinjile.

Ishitushizya 1:18

uweene we Mulanzi. Ine náfuuye, ishi yeenya, ne mupuuma shiima! Ine indi ni vwigulilo ivwa vhufwe ni vwa ku vhuzimu.

Ishitushizya 19:10

Pe nkakupama pilongolela ilya vinama vwakwe kuuti imupuute. Ileelo uweene ahambuuzya, ahati, “Leha! Ine ne muvhomvi vhweleele inza iwe na vhamwinyu, swenti tukufumwa uvhwahoome uvhwa Yeesu. Mupuute uMulungu! Nkuyanga vhwevhulo, mwe pe vhe vhakufumwa uvhwahoome uvhwa Yeesu, vhe vhali nu Mupepo uMufinjile. Woope we akuvhaavwa kufumwa uvhukuvhwi.”