VaLoma 1:30 - ULufingwi uLupwa

³⁰ ni ndigo. Vhakumuviisya uMulungu, vhatakuvhasaajila avhamwavho, havhili vhantu vhe vhakuyitumvwa nu kuyitiima. Ahavhaliilizyo honti vhakulondola idala ipwa ilya kuvhomba imbiivhi. Vhatakuvhashindiha avhapaafi vhaavho,

Tesitamenti Umupwa 1965

³⁰ avakwalanzi, avapupusyaMulungu, avamatona, avamabado, avahayivale, avatambivʼimpwa, avilʼavapafi,

VaLoma 1:30 ပူးပေါင်းရင်းမြစ်များ

Matayi 15:4

Yeenya, uMulungu átili, ‘Umushindihaje utaata waaho nu maayi waaho.’ Havhili, ‘Wonti we akumuliga uyise, poosye unyina, yikwanzilwa vhamugogaje.’

Matayi 16:21

Kufuma ahavhaliilizyo iho, uYeesu ahataliha kuvhavhuuzya apazelu avhasundikwa vhaakwe kuuti, “Nkwanzilwa kusogola ku Yelusaleemu. Ukwo kwe njimvilwe nkaani na vhasongo na vhapiti avha vhapuuti na vhasambiilizi avha ndajizyo, havhili kwe vhangoje. Ileelo isiku ilya vhutatu uMulungu alinzyusya.”

uLuuka 21:16

“Havhili, poosye avhapaafi vhiinyu na vhanine vhiinyu na vhajenzi vhiinyu na vhamanyani vhiinyu vhalivhahaana, havhili vhamo muli imwe avhalugu ivho vhalivhagoga.

Yohani 7:7

Nkuyanga vhwevhulo, mwe pe avhantu avha mu nsi umu vhatangavhaviitilwa imwe, nkandi vhakumviitilwa ine, mwe pe nkuvhavhuuzya kuuti, zye vhakuvhomba mbiivhi.

iMbombo izya Vhatumwa 5:36

Mukumbushe amanda aga pisinda, áfumiiye umuntu wumo izina lyakwe vhahatinji uTewuda, ahayibaadaga kuuti muntu mupiti, áamile na vhalandati vhaakwe 400 ishi. Ileelo kumpeleela, vhahamugoga, na vhaala vhonti vhe vhahamulandataga vhahasataana. Imbombo yaakwe yonti yihasilila pepaala.

VaLoma 2:17

Ishi, iwe ukuyiita kuuti we Muyuuda uwa nalyoli, ukusuuvhila kuvha we mugolosu kwi idala ilya kulandata indajizyo, havhili ukuyitumvwa kuuti we muntu wa Mulungu.

VaLoma 2:23

Iwe we ukuyitumvwa kuuti uzimanyile indajizyo izya Moose, ukumupezya insoni uMulungu lwe ukushilanya indajizyo zyakwe.

VaLoma 3:27

Pe ishi, inongwa izi zikutudindila nziila kuyitumvwa, mwe pe tutakuvhaazilwa kuuti twe vhagolosu kwi idala ilya kulandata indajizyo izya Moose, nkandi kwi idala ilya kumwitiha uYeesu vhweleele.

2 VaKolinti 10:15

Havhili tutakuyitumvwa kuzya mbombo iya vhantu avhanji. Ileelo tukusuuvhila kuuti vwe ulwitiho lwinyu lukwonjela kukula, pe imbombo yiitu pahati yiinyu yikujendeelela kwonjela.

2 VaKolinti 12:20

Ishi nkwogopa kuuti lwe nkwinza kuli imwe, intahinze imbaaje muli nu lujendo lwe ntalusungwilwe. Ilyo lilimbiiha kuvhomba zye mutasungwilwe. Nkwogopa kuuti lumo ingavhaaga muli ni ivho nu mwone nu mulaha nu lupapilo ni ndigo ni iyevho nu kuyitumvwa nu vhusambusu.

2 VaTesaloniki 2:4

Uweene alidindanjizya vwonti vwe avhantu vhakuvilola kuuti wu Mulungu, poosye vwe vhakuvipuuta nu kuyitumvwa ku vwonti ivwo. Havhili aliyinjila nu kutendama mu Nyumba iMfinjile iya Mulungu nu kuyitumvwa kuuti wu Mulungu.

2 Timoti 3:2

Avhantu vhaliyisajilaga vhuuvho vheeka nu kuzisungwa impiiya. Havhili vhaliyitiimaga nu kuyibaada nu kuligana. Te vhahavhashindihaje avhapaafi vhaavho, poosye kusalifwa, poosye kusaajila izya Mulungu.

uTiiti 3:3

Ahavhaliilizyo he hátuusile niiswe vhweleele twámile swe vhapukupuuku, havhili tutáamile nu mushinzi. Inza vwe twáhopeliilwe, tuhalemwaga ni mpapilo izya mavhiila mu mavhiila. Tuhavitilanaga nu kulolelana umwone, havhili tuhapatwaga nu kuvhapata avhanji.

Yakobu 3:5

Vhwevhulo poosye ulumili, shipelwa ishinsi mu muvhili, ileelo lukuyitumvwa ku lutumvwo ulupiti. Sivhiliili umwoto umunsi vwe wukuholeelezya isitu ipiti!

Yakobu 4:16

Ileelo imwe mutakuvhomba vhwevhulo, mu kuyitiima nu kuyitumvwa. Kuyitumvwa kwinyu ukwo kuvhiivhi.

2 Peteli 2:18

Avheene vhakuyanga amazwi aga kuyitumvwa ge gatakwavwa naashimo. Havhili ku mpapilo izya vhumalaaya zye zikufumiilana nu vhuntu vhwavho uvhwa vhutalamalandu, vhakuvhahopenkanya avhiitisi vhe vhatagomile mu lwitiho, vhe vhalesile kuvhomba zye avhatalamalandu vhakuvhomba.

uYuuda 1:16

Ivha, vhantu vhe vhakuyivhuna nu kukwinkwina shiima. Vhakulandata impapilo zyavho, havhili vhakuyanga amazwi amamwamu nkaani aga kuyitumvwa. Vhakuvhatiima avhantu inga vhalyaje ilonka.