VaLoma 1:3 - ULufingwi uLupwa

³ Izwi ilyo lye likumuhomeshezya uMwana waakwe we ápafwilwe inza umuntu mu luho ulwa mwene uDaavhudi.

Tesitamenti Umupwa 1965

³ lye likumuyangʼuMwana wakwe we muvuntu apafilwe mumbeyu ya Davidi,

VaLoma 1:3 ပူးပေါင်းရင်းမြစ်များ

Matayi 1:1

Iga ge mazina aga mu luho ulwa Yeesu Chilisiti, we áfumile mu luho ulwa mwene uDaavhudi na mu luho ulwa Aabulahamu.

Matayi 1:16

UYaakobu ahamupaapa uYoosefu, umulume wa Maliiya. UMaliiya we ámupaafile uYeesu we wu Chilisiti.

Matayi 1:6

woope uYeese ahamupaapa umwene uDaavhudi. Umwene uDaavhudi ahamupaapa uSolomooni kwa mwantanda we áamile mushi wa Uliya.

Matayi 12:23

Ivhungaana ilya vhantu lihasukumila nu kuyanga kuuti, “Vhuli, uno te Mwana wa mwene uDaavhudi?”

Matayi 15:22

Yeenya, umwantanda wumo uMukananaayo we ahatendamaga ukwo, ahinza kwa Yeesu, ahavhilishila ahati, “We Mwene, Mwana wa Daavhudi, umfwile uvhwila! Umwana waane umulindu alemwilwe nkaani ni mpepo inkandamanu.”

Matayi 26:63

Ileelo uYeesu ahapuuma. Pe umupuuti umupiti ahayanga havhili ahati, “Twivwe lapa kwi izina ilya Mulungu uMulanzi, utuvhuuzye inga iwe we Chilisiti, uMwana wa Mulungu.”

Matayi 27:43

Uweene akumusuuvhila uMulungu, pe uMulungu amuposhe shiniishi inga amukunzite, mwe pe aayanzile aatili, ‘Ine ne Mwana wa Mulungu.’”

Matayi 3:17

Izwi ilya Mulungu lihivwiha kufuma ku mwanya lihati, “Uno we Mwana waane unkundwa we nkuhondezelwa nawo.”

Matayi 9:27

Pisinda, lwe uYeesu ayeepa paala, avhantonko vhavhili vhahamulandata, vhahavhilishila ku maha vhahati, “We Mwana wa Daavhudi, utufwile uvhwila!”

uLuuka 1:35

Uhavhizya ahamwamula ahati, “UMupepo uMufinjile kuuti akwishile, na maha aga Mulungu uMupiti uwa ku Mwanya kuuti gakugwinshile inza ahanzundila. Pe umwana we ulipaapa aliivha mufinjile, havhili avhantu vhalitinji Mwana wa Mulungu.

uLuuka 1:69

Atupiiye uMuposhi uwa Maha, kufuma mu luho ulwa muvhomvi waakwe uDaavhudi.

Yohani 1:14

UIzwi uyo áyinzile avha muntu, ahatendama pooka niiswe. Tuhavhulola uvhushindamu vhwakwe, uvhushindamu vhwe vhukulolesya kuuti Mwana imozi we afumile kwa Taata, ali nu vhwila nu vhwanalyoli nkaani.

Yohani 1:34

Pe uYoohani ahati, “Niine nazilola, havhili nkuhomeshezya kuuti uno Mwana wa Mulungu.”

Yohani 1:49

Pe uNasaniyeeli ahamwamula ahati, “We Musambiilizi, ishi naamanya kuuti iwe we Mwana wa Mulungu! Iwe we Mwene uwa nsi iya Isilayeeli!”

Yohani 10:30

Ine nu Taata waane tuli pooka.”

Yohani 10:36

Vhuli, shooni she mukuti ine nkumusaamula uMulungu lwe nkuti, ‘Ine ne Mwana wa Mulungu’? UTaata we ansavhuuye nu kunsonteelezya mu nsi.

Yohani 20:28

UToomasi ahamwamula uYeesu ahati, “Iwe we Mwene waane, havhili iwe we Mulungu waane!”

Yohani 20:31

Ileelo ivilolesyo vwe vili mwi ikalaata ili visimviilwe, inga mwitishe kuuti uYeesu wu Chilisiti, uMwana wa Mulungu, nu kuuti kwi idala ilya kumwitiha, mukuposheela uvhulanzi kwi izina lyakwe.

Yohani 5:25

Nalyoli nkuvhavhuuzya kuuti, ahavhaliilizyo hakwinza, havhili hafisile, he avhafwe vhaliyiivwa zye ine ne Mwana wa Mulungu nkuyanga. Pe vhonti vhe vhaliyiivwa nu kwitiha, vhaliivha nu vhulanzi uvhwa shiima.

Yohani 7:42

Vhuli, uVhusimbe uVhufinjile vhutakuyanga kuuti, uChilisiti akufuma mu luho ulwa mwene Daavhudi? Havhili kuuti alipaapwa mu Betelehemu, inkaaya ye woope umwene uDaavhudi ápafwilwe?”

iMbombo izya Vhatumwa 2:30

Ileelo uDaavhudi ámanyile kuuti uMulungu álafile ku lufingwi kuuti alimupwaniha umuntu uwa luho lwakwe mu vhumwene vhwakwe. Havhili, mwe pe áali mukuvhwi,

iMbombo izya Vhatumwa 3:13

UMulungu uwa vhataata vhiitu, avha Aabulahamu nu Yisaaka nu Yaakobu, amushindisile umuvhomvi waakwe uYeesu, we imwe mwámulonjeleeye ku vhapiti nu kumuhaana lwe uPilaato akuti amusatule.

iMbombo izya Vhatumwa 8:36

Lwe vhakujenda mwi idala, vhahafiha pe páamile aminzi. Umupiti uyo ahamuvhuuzya uFiilipo ahati, “Yeenya, aminzi iga ipa! Shooni she shingandinda kuuti ntahoozelwe?”

iMbombo izya Vhatumwa 9:20

Pe ahanda kusogola mu masinagoogi, ahakumusyaga izya Yeesu, ahatinji, “Uyo we Mwana wa Mulungu.”

VaLoma 1:9

UMulungu we nkumuvhombela ku mwoyo waane wonti, lwe nkuvhalumbiilila avhantu avhanji Izwi iLyinza ilya Mwana waakwe, wu hoome waane. Amanyile vwe nkuvhalaavhila imwe ahavhaliilizyo honti ishisita kulita.

VaLoma 4:1

Pe ishi, kulandatana ni nongwa izya kuvhaazilwa uvhugolosu, iswe swe Vhayuuda tuyanje ishooni izya Aabulahamu, utaata wiitu kuzya muvhili?

VaLoma 9:3

kuzya vhajenzi vhaane aVhaisilayeeli. Yeenya, inga lwaamile lukasamo lwane, ine neneene, nkandi nitisile kutipwa nu kundehaanya nu Chilisiti, inga kuvhomba vhwevhulo kungavhaavwa avhajenzi vhaane ivho, kuuti vhamwitishe uChilisiti.

VaLoma 9:5

AVhaisilayeeli ivho vhe vhazukulu vha Aabulahamu nu Yisaaka nu Yaakobu. Fwe muntu, woope uChilisiti Mwisilayeeli, havhili wu Mulungu uMupiti uwa vwonti. Ashindikwaje shiima! Amina.

1 VaKolinti 1:9

UMulungu alivhomba izi, mwe pe uweene mutungamu. Uweene we ahavhiita imwe, kuuti muvhe nu vhuliilani nu Mwana waakwe uYeesu Chilisiti uMwene wiitu.

1 VaKolinti 10:18

Vhasivhiilili aVhaisilayeeli, vhuli, vhatáali umuvhili wooka kwi idala ilya kupuuta nu kulya pooka impuutile, zye avhapuuti vhahafumwaga pa shifinjilo?

VaGalati 4:4

Ileelo ahavhaliilizyo he hávhisiilwe lwe haafiha, uMulungu ahamusonteelezya uMwana waakwe mu nsi, ahavha muntu inza iswe, ahanda kulongolwa ni ndajizyo.

1 VaTesaloniki 1:10

nu kumuguliilila uMwana waakwe uYeesu kufuma ku mwanya. Uweene we uMulungu ámuzyusiizye, havhili we akutupoha mu vhuhalazu uvhwa Mulungu vhwe vhukwinza.

1 Timoti 2:5

Tumanyile kuuti izyo zye zya nalyoli, mwe pe aliipo uMulungu wooka vhweleele, havhili kuli wooka we akuvhakundanya avhantu nu Mulungu, we muntu uChilisiti uYeesu.

1 Timoti 3:16

Nalyoli, zye uMulungu atulolesiizye, iswe tukwitinkana kuuti zya kusukumizya, havhili zye zino: UChilisiti álolesile nu muvhili uwa vhuntu, uMupepo uMufinjile ahahomeshezya kuuti mugolosu. Avhahavhizya vhahamulola. Amazwi gaakwe gahakumuha ku vhantu avha mu nsi zyonti, vhoope vhahamwitiha. UMulungu ahamunyatula kusogola ku mwanya ku vhushindamu vhwakwe.

2 Timoti 2:8

Umukumbuhaje uYeesu Chilisiti we ázyusile, uwa mu luho ulwa mwene Daavhudi, inza vwe likuyanga Izwi iLyinza lye nkulumbiilila.

1 Yohani 1:3

Tukuvhakumusizya inongwa izya Yeesu uyo, we twámuvhwenyi nu kumwivwa, inga muvhe nu vhuliilani pooka niiswe. Mu vhuliilani uvhwo tuli pooka nu Taata uMulungu, nu Mwana waakwe uYeesu Chilisiti.

1 Yohani 3:23

Ululajizyo lwakwe lwe luno, kuuti tulyitishe izina ilya Mwana waakwe uYeesu Chilisiti, nu kukundana, inza vwe átulajiziizye.

1 Yohani 3:8

Ileelo umuntu we avheleleeye kuvhomba uvhutalamalandu, we mwana wa Mukwalanzi. Nkuyanga vhwevhulo, mwe pe uMukwalanzi avheleleeye kuvhomba uvhutalamalandu kufuma ku vhwandilo uvhwa vintu vwonti. Ye nongwa uMwana wa Mulungu ahinza mu nsi, kuzinanganya imbombo izya Mukwalanzi.

1 Yohani 4:15

Umuntu wonti we akupemula kuuti uYeesu Mwana wa Mulungu, uMulungu akulandila ku vhuliilani nawo, woope akulandila ku vhuliilani nu Mulungu.

1 Yohani 5:1

Umuntu wonti we akwitiha kuuti uYeesu wu Chilisiti, uyo we mwana wa Mulungu. Havhili umuntu wonti we akumukunda uyise, akumukunda nu mwana waakwe.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.

1 Yohani 5:5

Vhuli! Wu naanu we angazipoota imbiivhi izya mu nsi? We wula we akwitiha kuuti uYeesu Mwana wa Mulungu.

2 Yohani 1:7

Nkuyanga vhwevhulo, mwe pe vhe vhakuhopenkanya avhinji vhafumiiye mu nsi. Avheene vhakuyanga vhakuti uYeesu Chilisiti áyinzile pa nsi ipa, atáamile nu muvhili inza avhantu avhanji. Umuntu we akuyanga vhwevhulo, akuhopenkanya, havhili mulugu wa Chilisiti.

Ishitushizya 2:18

“Uhavhizya uwa shivhanza isha ku Tiyatiila, musimbile uti: Iga mazwi ge nkuyanga ne Mwana wa Mulungu. Ine aminso gaane gakumekuha ngati mwoto, havhili ivinama vwane vili ngati shaaba ye vhayizelufwizye nkaani.