VaLoma 1:29 - ULufingwi uLupwa

²⁹ Vhahavha nu vhuvhiivhi uvhwa mavhiila mu mavhiila, vhahavha nu lupapilo nu mulaha. Havhili vhahiizula umwone nu vhugozi ni ivho. Vhahavha vhantu vhe vhakuhopenkanya. Vhali nu vhulumaluma ni isuufwo ni iyevho

Tesitamenti Umupwa 1965

²⁹ She vizuyʼuvugombanu vwonti nuvunyala nimpapilo nulombwa; vizuye nuvuzuva nuvugozi nivo nishifumbo nuvugulugulu. Ve viyevo,

VaLoma 1:29 ပူးပေါင်းရင်းမြစ်များ

Matayi 5:32

Ileelo ine nkuvhavhuuzya kuuti, umuntu wonti we akumutavhula umushi she atamulemile mu vhulugusu, inga umushi ayiimalwa, umuntu uyo akumuvhiiha kuvha muvhembu. Havhili we amwimala umwantanda we umulume amutavhuuye, woope akuvhomba uvhuvhembu.”

VaLoma 3:10

Izyo zikuvhalilana nu Vhusimbe uVhufinjile vhwe vhukuti, “Ataliipo umuntu we mugolosu inga wooka.

2 VaKolinti 12:20

Ishi nkwogopa kuuti lwe nkwinza kuli imwe, intahinze imbaaje muli nu lujendo lwe ntalusungwilwe. Ilyo lilimbiiha kuvhomba zye mutasungwilwe. Nkwogopa kuuti lumo ingavhaaga muli ni ivho nu mwone nu mulaha nu lupapilo ni ndigo ni iyevho nu kuyitumvwa nu vhusambusu.

1 Timoti 3:11

Vhwevhulo, avhashi vhaavho, vhoope vhakwanzilwa kuuti avhantu vhavhashindihaje. Vhatavhanje vhakwakwa, nkandi vhayikonzyaje nu kuvha vhatungamu ku zyonti.

uTiiti 3:3

Ahavhaliilizyo he hátuusile niiswe vhweleele twámile swe vhapukupuuku, havhili tutáamile nu mushinzi. Inza vwe twáhopeliilwe, tuhalemwaga ni mpapilo izya mavhiila mu mavhiila. Tuhavitilanaga nu kulolelana umwone, havhili tuhapatwaga nu kuvhapata avhanji.