VaLoma 1:25 - ULufingwi uLupwa

²⁵ Vhálesile kwitiha uvhwanalyoli uvhwa Mulungu, vhahiitiha insambiilizyo izya ilenga. Vhahavha vhakuvivhombela ivipelwa nu kuvipuuta, vhahaleha kuvhomba izyo kwa Mupezi we akwanzilwa kutiimwa shiima! Amina.

Tesitamenti Umupwa 1965

²⁵ She vazigaluyʼizya nalyoli zya Mulungu ukuva lilenga, vahaṿishindiha nukuṿivombela iṿipelelwa, nkandi uMupezi vamulesile, wʼali nulushindiho shimashima. Amen.

VaLoma 1:25 ပူးပေါင်းရင်းမြစ်များ

Matayi 10:37

Umuntu wonti we akumukunda uyise, poosye unyina kuluusya kunkunda ine, uyo atankondeeye. Havhili, wonti we akumukunda umwana waakwe umwanaavuli, poosye umwantanda, kuluusya kunkunda ine, woope atankondeeye.

Matayi 6:24

“Ataliipo we angavhavhombela avhamwene vhavhili ku havhaliilizyo hooka. Yeenya, lwe akumukunda umwene wooka, akuvha akumuviitilwa uwamwavho, havhili lwe akuyifumwa nkaani kumuvhombela umwene wooka akuvha akumusuufwa uwamwavho. Inga ivwuma vikuvhakonzya, mutangamuvhombela uMulungu.”

Yohani 2:8

Pe uYeesu ahavhavhuuzya ahati, “Tapi aminzi gamo musogole muumupe umupiti uwa mulyo uwa winga.” Vhoope vhahatapa aminzi nu kusogola kuumupa umupiti uyo.

VaLoma 1:18

UMulungu akulolesya uvhuhalazu apazelu kufuma ku mwanya kwi idala ilya kuuvhapa isunde avhantu vhonti vhe vhakumuhaana, na vhaala vhe kwi idala ilya vhuvhiivhi vhwavho, vhakuvhuhaana uvhwanalyoli vhwakwe.

VaLoma 1:23

Vhahaleha kumupuuta uMulungu uwa shiima, vhahavha vhakuvipuuta iviholanyo vwe viholiine na vhantu ni nyunyi ni nkanu na vwe vikukwesuha pansi, ivwo vwonti vwe vikufwa.

VaLoma 9:5

AVhaisilayeeli ivho vhe vhazukulu vha Aabulahamu nu Yisaaka nu Yaakobu. Fwe muntu, woope uChilisiti Mwisilayeeli, havhili wu Mulungu uMupiti uwa vwonti. Ashindikwaje shiima! Amina.

2 VaKolinti 11:31

UMulungu, uTaata uwa Mwene uYeesu we akwanzilwa kushindikwa shiima, amanyile kuuti ntakuluma ilenga.

VaEfeso 3:21

UMulungu ashindikwaje na vhantu avha mu manda gonti shiima shiima ku vhupiti vhwakwe vhwe vhukuloleha ku shivhanza shaakwe na kwa Chilisiti uYeesu! Amina.

1 VaTesaloniki 1:9

Kwonti kwe tukusogola, avhantu vhakuyanga vwe mwátuposheleeye lwe tukwinza kuli imwe. Vhakuhomeshezya vwe mwávilesile iviholanyo vwinyu, nu kumwitiha uMulungu. Havhili, vhakuhomeshezya vwe mukumuvhombela uweene we mulanzi, havhili wa nalyoli

1 Timoti 1:11

Insambiilizyo izyo zikufuma mwi Izwi iLyinza lye likulolesya uvhupiti uvhwa Mulungu uwa Vhushindamu. Uweene we ampiiye Izwi ilyo kuuti ndilumbililaje.

1 Timoti 1:17

UMulungu wu Mwene uwa shiima, ataliifwa naalumo. Ataliipo umuntu we angamulola uMulungu, havhili ataliipo uMulungu uwunji naawumo. Uweene weeka vhweleele we ahondeeye kuposheela umushinzi, havhili ashindikwaje shiima shiima! Amina.

2 Timoti 3:4

Vhaliivha vhantu vhe vhakwaniilila avhamwavho, nu kuvha na mabaado nu kuyitumvwa. Havhili vhaliivha vhantu vhe vhakusungwa nkaani izya kuhondezya amooyo gaavho, kuluusya kumukunda uMulungu.

1 Yohani 5:20

Havhili tumanyile kuuti uMwana wa Mulungu ayinzile, atupiiye uvhumanyi, inga tumumanye uMulungu uwa nalyoli. Tuli nu vhuliilani nu Mulungu uwa nalyoli, kwi idala ilya kuvha nu vhuliilani nu Mwana waakwe uYeesu Chilisiti. Uno we wu Mulungu uwa nalyoli, havhili we vhulanzi uvhwa shiima shiima.