VaLoma 1:21 - ULufingwi uLupwa

²¹ Yeenya, pooka nu kuuti vhamumanyile uMulungu vwe ali, vhatámushindisile, poosye kumusalifwa inza vwe yikwanzilwa, nkandi vháamile ni nsiivho imbiivhi, pe injeele zyavho zihapootwa kumanyinsanya ziila zye ahanzaga vhazimanye.

Tesitamenti Umupwa 1965

²¹ She pope nashenga vamumanyilʼuMulungu vahasitʼukumushindiha ukuti wʼuMulungu nukumusalifwa. Zyonti nazye vahasivaga zihayipelʼukuva zya shaha. Nishisi shihagwa mumoyo gavo amasitanjele.

VaLoma 1:21 ပူးပေါင်းရင်းမြစ်များ

Yohani 3:19

Uvhu vhwe vhulonzi, uvhuzelu vhwinzile mu nsi umu, ileelo avhantu vhasungwilwe kuvha mu shiisi kuluusya kuvha mu vhuzelu, mwe pe imbombo zyavho mbiivhi.

iMbombo izya Vhatumwa 26:18

uvhiigule aminso gaavho, vheepe mu shiisi na mu maha aga Mukwalanzi, vhinjile mu vhuzelu uvhwa Mulungu. Ipo pe vhaliswilwa uvhutalamalandu vhwavho, havhili vhaliivha pooka na vhanji vhonti vhe vhavhisiilwe kuvha vhafinjile kwi idala ilya kuniitiha ine.’”

VaLoma 1:19

Te kuuti vhatamanyile naashimo kuzya Mulungu, ndaali. Yeenya, zyonti zye zimanyisile zili apazelu ku kwavho, mwe pe uMulungu wuuyo azivhiisile kuuti zimanyishe ku vhantu.

VaLoma 1:28

Mwe pe avhantu ivho vháhaanile uvhumanyi uvhwa nalyoli uvhwa nongwa izya Mulungu, woope uMulungu ahavhaleha vhazilandataje insiivho zyavho imbiivhi. Pe vhahavha vhakuvhomba inongwa zye zitakwanzilwa kuvhombwa.

VaLoma 11:10

Aminso gaavho gavhe ni shiisi, inga vhatalolaje zye vhakuvhomba, ni nsiizi zyavho zigunguvhale nziila ku mayimba aga nsiku zyonti.”

VaLoma 15:9

Havhili, áyinzile, inga avhantu vhe te Vhayuuda vhamushindihaje uMulungu ku vhwila vhwakwe inza vwe uVhusimbe uVhufinjile vhukuyanga vhukuti, “Kuli izyo, ndikutiima ku vhantu vhe te Vhayuuda. Havhili ndiyimba inyimbo izya kulitiima izina lyaho.”

2 Timoti 3:2

Avhantu vhaliyisajilaga vhuuvho vheeka nu kuzisungwa impiiya. Havhili vhaliyitiimaga nu kuyibaada nu kuligana. Te vhahavhashindihaje avhapaafi vhaavho, poosye kusalifwa, poosye kusaajila izya Mulungu.

1 Peteli 1:18

Imwe mumanyile kuuti uMulungu ávhatavhuuye kufuma mu lujendo lwinyu lwe lutahondeeye, lwe mwáposheleeye kufuma ku vhataata vhiinyu. Ileelo atávhatavhuuye ku vintu vwe vikunanjiha inza impiiya ni sahaabu,

1 Peteli 2:9

Ileelo uMulungu ávhasavhuuye imwe kuvha mwe vhantu vhaakwe. Imwe mwe vhapuuti mu vhumwene vhwakwe, havhili mwe vhantu avhafinjile. UMulungu ávhasavhuuye imwe, inga mukumusyaje imbombo zyakwe impiti. Uweene ávhiisite kufuma mu shiisi nu kuvhinjizya mu vhuzelu vhwakwe uvhupiti.

Ishitushizya 14:7

Ahayanga kwi izwi ipiti ahati, “Mumunyilaje uMulungu nu kumutiima, mwe pe ahavhaliilizyo aha vhulonzi vhwakwe haafiha. Mumupuutaje uweene we ahapela ku mwanya na pa nsi nu sumbi ni viduda ivwa minzi.”

Ishitushizya 15:4

We MWENE, avhantu vhonti vhakwanzilwa kukutiima! Havhili vhonti vhakwanzilwa kukunyila! Iwe weeka we Mufinjile! Insi zyonti zilikwinzila nu kukupuuta, mwe pe imbombo zyaho ingolosu zilolesile.”