VaLoma 1:17 - ULufingwi uLupwa

¹⁷ Izwi ilyo likulolesya apazelu vwe uMulungu akuvhavhaazya avhantu kuuti vhagolosu. Avhantu vhakuvhaazilwa kuuti vhagolosu kwi idala ilya kwitiha vhweleele, inza uVhusimbe uVhufinjile vwe vhukuyanga vhukuti, “Umuntu we akuvha nu vhulanzi, we wula we akuvhaazilwa kuuti mugolosu kwi idala ilya kumwitiha uMulungu.”

Tesitamenti Umupwa 1965

¹⁷ She likupuliyʼuvugolosu vwa Mulungu vwe vukufuma mulwitiho vwe vukusontelezya mwe mulwitiho havili. Inza she lisimṿilwe lye likuti: Uno wengʼuvugolosu vwakwe vufumile mulwitiho, wʼalilandila.

VaLoma 1:17 ပူးပေါင်းရင်းမြစ်များ

Yohani 3:36

Umuntu wonti we akumwitiha uMwana wa Mulungu, ali nu vhulanzi uvhwa shiima, ileelo umuntu wonti we akumuhaana, atali nu vhulanzi uvhwa shiima, mwe pe uvhuhalazu uvhwa Mulungu vhukuvha kwa muntu uyo shiima.

VaLoma 10:3

Avheene vhatálimanyile idala lye uMulungu akuvhavhaazya avhantu kuuti vhagolosu, vhahalondola idala ilyavho. Vháhaanile kuyikonzya ku vhwanalyoli uvhwa Mulungu.

VaLoma 3:21

Ishi uMulungu atulolesiizye idala lyakwe ilya kutuvhaazya kuuti swe vhagolosu, ishisita indajizyo. Zyope indajizyo izya Moose nu vhusimbe uvhwa vhakuvhwi vikuyanga apazelu izya idala ilyo.

VaLoma 3:22

Idala ilyo kwe kumwitiha uYeesu Chilisiti. Kwi idala ilyo, uMulungu ishisita kusavhulanya akuvhavhaazya kuuti vhagolosu avhantu vhonti vhe vhakumwitiha uYeesu.

VaLoma 3:3

Ileelo nalyoli aVhayuuda vhamo vhatáamile vhatungamu. Vhuli! Tuti, avhantu ivho vhe te vhatungamu kwa Mulungu, vhakumuvhiiha uMulungu kuuti woope aleshe kuvha mutungamu kuvhomba zye áfinzile?

VaLoma 9:30

Ishi pe tuti vhuli? Kwe kuuti, avhantu vhe te Vhayuuda, poosye she vhatahalondolaga kuvhaazilwa nu Mulungu kuuti vhagolosu, ileelo ishi uMulungu avhavhaziizye kuuti vhagolosu kwi idala ilya lwitiho.

2 VaKolinti 3:9

Inga imbombo zye zikuvhavhiiha avhantu kulongwa zili nu vhushindamu, vhuli, imbombo zye zikuvhavhiiha avhantu kuvha vhagolosu zitakuvha nu vhushindamu nkaani?

2 VaKolinti 5:21

UMulungu ámuvhiisile uChilisiti we atali nu vhutalamalandu kuvha nu vhutalamalandu ku zyitu, inga kwi idala ilya Chilisiti tuvhe nu vhuliilani nu Mulungu mu vhugolosu vhwakwe.

VaGalati 3:11

Nalyoli, ataliipo umuntu we akuvhaazilwa kuuti mugolosu kwi idala ilya kuzilandata indajizyo, mwe pe uVhusimbe uVhufinjile vhukuti, “Umuntu we akuvha nu vhulanzi, we wula we akuvhaazilwa kuuti mugolosu kwi idala ilya kumwitiha uMulungu.”

Filipi 3:9

nu kuvha pooka nawo. Ntakusuuvhila havhili indajizyo, inga mbaazilwe kuuti ne mugolosu kuli izyo. Kuvhaazilwa kwane kuuti ne mugolosu, kuvhe kwi idala ilya kumwitiha uChilisiti. Kuvhaazilwa ukwo, kwe kukufuma kwa Mulungu, havhili kukuvha kwi idala ilya lwitiho.

VaHebuli 10:38

Umuntu we akuvha nu vhulanzi, we wula we akuvhaazilwa kuuti mugolosu kwi idala ilya kumwitiha uMulungu. Ileelo umuntu uyo inga akusisinta kundandata, ntakuhondezelwa nawo.”